ಕಾಂಟೆ, ಕಾಬಿಲ್, ಶೂಟೌಟ್ ಅಟ್ ಲೋಖಂಡ್ವಾಲಾ, ಜಾಜ್ಬಾ, ಮುಂಬೈ ಸಾಗಾದಂತಹ ಕ್ರೈಂ, ಥ್ರಿಲ್ಲರ್ ಹಿಟ್ ಸಿನಿಮಾಗಳನ್ನು ಬಾಲಿವುಡ್ಗೆ ಕೊಟ್ಟಿದ್ದ ನಿರ್ದೇಶಕ ಸಂಜಯ್ ಗುಪ್ತಾ(59) ಅವರು ಶುಕ್ರವಾರ ರಾತ್ರಿ ಮುಂಬೈನ ತಮ್ಮ ನಿವಾಸದಲ್ಲಿ ಮೃತಪಟ್ಟಿದ್ದಾರೆ.
ಸಂಜಯ್ ಗುಪ್ತಾ ಅವರು ಶುಕ್ರಾವರ ಮಧ್ಯಾಹ್ನ 2:30 ರ ಸುಮಾರಿಗೆ ಅವರು ಕಾಲು ಜಾರಿ ಬಿದ್ದಿದ್ದರು. ಇದರಿಂದ ತಲೆಗೆ ತೀವ್ರ ಗಾಯವಾಗಿತ್ತು. ಅ.30ರಂದು ರಾತ್ರಿ ತಮ್ಮ ನಿವಾಸದಲ್ಲಿ ಕೊನೆಯುಸಿರೆಳೆದರು ಎಂದು ಅವರ ಸ್ನೇಹಿತ ಮತ್ತು ನಿರ್ದೇಶಕ ಮಿಲಾಪ್ ಜವೇರಿ ತಿಳಿಸಿದ್ದಾರೆ.
ಸದ್ಯ ವರ್ಸೋವಾ ಪೊಲೀಸರು, ಅಸಹಜ ಸಾವಿನ ಪ್ರಕರಣ ದಾಖಲಿಸಿಕೊಂಡಿದ್ದು, ಸಾವಿಗೆ ಕಾರಣವಾದ ಸನ್ನಿವೇಶದ ಬಗ್ಗೆ ತನಿಖೆ ಮುಂದುವರೆಸಿದೆ. ಮನೆಯಲ್ಲಿ ಕುಟುಂಬಸ್ಥರೆಲ್ಲರೂ ಇದ್ದಗಲೂ ಇಂತಹ ಘಟನೆ ನಡೆಯಲು ಹೇಗೆ ಸಾಧ್ಯ ಎನ್ನುವ ತನಿಖೆ ಸದ್ಯ ಮುಂದುವರೆದಿದೆ. ಆದರೆ, ಅನುಮಾನಸ್ಪದ ಅಂಶಗಳು ಇನ್ನೂ ಕಂಡುಬಂದಿಲ್ಲ ಎಂದು ಪೊಲೀಸರು ಮಾಹಿತಿ ಹಂಚಿಕೊಂಡಿದ್ದಾರೆ.
ಸಿನಿಮಾರಂಗದ ಗಣ್ಯರಿಂದ ಸಂತಾಪ
ನಿರ್ಮಾಪಕ ಅಶೋಕ್ ಪಂಡಿತ್ ಅವರು ಎಕ್ಸ್ನಲ್ಲಿ ಪೋಸ್ಟ್ ಹಂಚಿಕೊಂಡು ಸಂತಾಪ ಸೂಚಿಸಿದ್ದಾರೆ. ಇದೊಂದು ಅಘಾತಕಾರಿ ಘಟನೆ. ನಮ್ಮ ಆತ್ಮೀಯ ಹಾಗೂ ಪ್ರತಿಭಾವಂತ ನಿರ್ದೇಶ ಸಂಜಯ್ ಗುಪ್ತಾ ನಮ್ಮೊಂದಿಗೆ ಇಲ್ಲ ಎನ್ನುವುದನ್ನು ನಂಬಲು ಸಾಧ್ಯವಾಗುತ್ತಿಲ್ಲ. ಅಕಾಲಿಕವಾಗಿ ನಮ್ಮನ್ನು ಅಗಲಿದ್ದಾರೆ. ಅದ್ಭುತ ಕತೆಗಾರ. ಜೋಬನೋತ್ಸಾಹಿ. ಸಿನಿಮಾ ನಿರ್ಮಾಣ ಬಗ್ಗೆ ಒಲವು ಹೊತ್ತವರು. ಅವರ ಕುಟುಂಬ ಮತ್ತು ಆಪ್ತರಿಗೆ ನನ್ನ ಸಂತಾಪಗಳು. ಗುಪ್ತಾರ ಆತ್ಮಕ್ಕೆ ಶಾಂತಿ ಸಿಗಲಿ ಎಂದು ಬರೆದುಕೊಂಡಿದ್ದಾರೆ. ಸಂಜಯ್ ದತ್, ಅನುಪಮ್ ಖೇರ್ ಸೇರಿದಂತೆ ಬಾಲಿವುಡ್ನ ನಟ-ನಟಿಯರು ಸಂತಾಪ ಸೂಚಿಸಿದ್ದಾರೆ.
