ಈ ಕುರಿತು ‘ವಿಜಯವಾಣಿ’ ಜತೆಗೆ ಮಾತನಾಡಿದ ನಂದಕಿಶೋರ್, ‘ನಾನು ಚಿತ್ರರಂಗಕ್ಕೆ ಬಂದಿದ್ದು ಫಾಸ್ಟೆಸ್ಟ್ ನಿರ್ದೇಶಕ ಎಂಬ ಹೆಗ್ಗಳಿಕೆಯಿಂದ. ‘ವಿಕ್ಟರಿ’, ‘ಅಧ್ಯಕ್ಷ’ ಮುಂತಾದ ಚಿತ್ರಗಳನ್ನು ಬೇಗಬೇಗ ನಿರ್ದೇಶಿಸಿದ್ದೆ. ಆದರೆ, ಇತ್ತೀಚಿನ ದಿನಗಳಲ್ಲಿ ನಾನು ಚಿತ್ರ ನಿಧಾನ ಮಾಡುತ್ತೀನಿ ಎಂಬ ದೂರಿತ್ತು. ಚಿತ್ರ ತಡವಾಗಿದ್ದು ನನ್ನಿಂದಲ್ಲ, ಮೇಕಿಂಗ್ನಿಂದ. ಇಷ್ಟು ದಿನಗಳಲ್ಲಿ ನಾನು ಅರ್ಥ ಮಾಡಿಕೊಂಡಿದ್ದೇನೆಂದರೆ, ಕಥೆ ಮತ್ತು ಮೇಕಿಂಗ್ ಎಷ್ಟು ಮುಖ್ಯವೋ, ಸಮಯ ಸಹ ಬಹಳ ಮುಖ್ಯ. ನಾವು ಒಂದು ಚಿತ್ರವನ್ನು 2 ವರ್ಷ ಮಾಡುವುದು ಮುಖ್ಯವಲ್ಲ. ಅಷ್ಟು ಸಮಯ ಹಾಕಿದಾಗ ಅದ್ಭುತ ಆದರೆ ಪರವಾಗಿಲ್ಲ. ಒಂದು ಕಮರ್ಷಿಯಲ್ ಚಿತ್ರ ಮಾಡುವುದಕ್ಕೆ ಅಷ್ಟು ಸಮಯ ಯಾಕೆ? ಇದರಿಂದ ನಿರ್ವಪಕರಿಗೆ ತೊಂದರೆಯಾಗುತ್ತದೆ. ಹಾಗಂತ ಸುಮ್ಮನೆ ಏನೋ ಮಾಡುತ್ತಿಲ್ಲ. ಡಬ್ಬಲ್ ಡ್ಯೂಟಿ ಮಾಡುತ್ತಿದ್ದೇನೆ. ಸರಿಯಾಗಿ ನಿದ್ದೆ ಮಾಡುವುದಕ್ಕೆ ಆಗುತ್ತಿಲ್ಲ್ಲ ಎನ್ನುತ್ತಾರೆ ಅವರು. ‘ರಾಣಾ’ ಮುಗಿಯುತ್ತಿದ್ದಂತೆಯೇ, ಶಿವರಾಜಕುಮಾರ್ ಅಭಿನಯದ ಹೊಸ ಚಿತ್ರವನ್ನು ಸೆಪ್ಟೆಂಬರ್ನಲ್ಲಿ ಕೈಗೆತ್ತಿಕೊಳ್ಳಲಿದ್ದಾರಂತೆ ನಂದಕಿಶೋರ್. ಅದು ಮುಗಿಯುತ್ತಿದ್ದಂತೆಯೇ ಬಿ.ಸಿ. ಪಾಟೀಲ್ ನಿರ್ವಣದ ಇನ್ನೊಂದು ಚಿತ್ರವನ್ನು ಅವರು ನಿರ್ದೇಶಿಸಲಿದ್ದಾರಂತೆ.
