ಈ ಚಿತ್ರದಲ್ಲಿ ಚಿಕ್ಕ ವಯಸ್ಸಿನಲ್ಲೇ ಡಯಾಬಿಟಿಸ್ಗೆ ತುತ್ತಾಗಿರುವ ಯುವಕನಾಗಿ ಅವರು ಕಾಣಿಸಿಕೊಂಡಿದ್ದಾರೆ. ‘ಡಯಾಬಿಟಿಸ್ ಕುರಿತು ಇದುವರೆಗೂ ಯಾರೂ ಚಿತ್ರ ಮಾಡಿರಲಿಲ್ಲ ಎನ್ನುವ ಪೃಥ್ವಿ, ಇದೊಂದು ಫೀಲ್ ಗುಡ್ ಚಿತ್ರ’ ಎನ್ನುತ್ತಾರೆ. ಇದಲ್ಲದೆ, ‘ಲೈಫ್ ಈಸ್ ಬ್ಯೂಟಿಫುಲ್’, ‘ದೂರದರ್ಶನ’, ‘ಫಾರ್ ರಿಜಿಸ್ಟ್ರೇಶನ್’, ‘ಅಬ ಜಬ ದಬ’ ಮತ್ತು ಇನ್ನೊಂದು ಹೆಸರಿಡದ ಕನ್ನಡ ಚಿತ್ರದಲ್ಲೂ ಅವರು ನಟಿಸಿ, ಈ ಚಿತ್ರಗಳ ಬಿಡುಗಡೆಗೆ ಕಾದಿದ್ದಾರೆ. ‘ಬೈರಾಗಿ’ ನಿರ್ದೇಶಿಸಿರುವ ವಿಜಯ್ ಮಿಲ್ಟನ್ ನಿರ್ದೇಶನದ ‘ಮಲೈ ಪಿಡಿಕ್ಕಾದ ಮನಿದನ್’ ಎಂಬ ತಮಿಳು ಚಿತ್ರದಲ್ಲೂ ಅವರು ಧನಂಜಯ್ ಜತೆಗೆ ನಟಿಸಿದ್ದಾರೆ. ಈ ಚಿತ್ರದ ಚಿತ್ರೀಕರಣ ಮುಗಿದಿದ್ದು, ಸೆಪ್ಟೆಂಬರ್ನಲ್ಲಿ ಬಿಡುಗಡೆಯಾಗುವ ಸಾಧ್ಯತೆ ಇದೆ ಎನ್ನುತ್ತಾರೆ ಪೃಥ್ವಿ.
