ಬೆಂಗಳೂರು: ಕನ್ನಡದ ‘ವೇದ’, ‘ಭೈರತಿ ರಣಗಲ್’ ಸಿನಿಮಾಗಳನ್ನು ನಿರ್ಮಿಸಿದ್ದ ‘ಗೀತಾ ಪಿಕ್ಚರ್ಸ್’ ಬ್ಯಾನರ್ನಲ್ಲಿ ನ.14ರಂದು ಮೂರನೇ ಚಿತ್ರ ‘ಎ ಫಾರ್ ಆನಂದ್’ ಘೋಷಣೆಯಾಗಿತ್ತು. ಈ ಚಿತ್ರದಲ್ಲಿ ಶಿವರಾಜಕುಮಾರ್ ನಟಿಸುತ್ತಿದ್ದಾರೆ. ಇದೀಗ, ನಿರ್ಮಾಣ ಸಂಸ್ಥೆಯು ತನ್ನ 4ನೇ ಸಿನಿಮಾ ೋಷಿಸಿದೆ. ಈ ಹಿಂದಿನ ಮೂರು ಸಿನಿಮಾಗಳಲ್ಲಿ ಶಿವರಾಜಕುಮಾರ್ ಕಾಣಿಸಿಕೊಂಡಿದ್ದರೆ, ಈ ಹೊಸ ಚಿತ್ರದಲ್ಲಿ ‘ದೊಡ್ಮನೆ ಕುಡಿ’ ಧೀರೇನ್ ರಾಮ್ಕುಮಾರ್ ಅಭಿನಯಿಸಲಿದ್ದಾರೆ. ಶುಕ್ರವಾರ (ಡಿ. 6) ಪಾರ್ವತಮ್ಮ ರಾಜಕುಮಾರ್ ಅವರ ಹುಟ್ಟುಹಬ್ಬದಂದು ಹೊಸ ಚಿತ್ರ ಘೋಷಣೆ ಮಾಡಲಾಯಿತು. ‘ಶಿವ 143’ ಮೂಲಕ ಬಣ್ಣದ ಲೋಕಕ್ಕೆ ನಾಯಕನಾಗಿ ಪದಾರ್ಪಣೆ ಮಾಡಿದ್ದ ಧೀರೇನ್ಗೆ ಇದು ಎರಡನೇ ಸಿನಿಮಾ. ‘ಶಾಖಾಹಾರಿ’ ನಿರ್ದೇಶಕ ಸಂದೀಪ್ ಸುಂಕದ್ ಈ ಚಿತ್ರಕ್ಕೆ ಆ್ಯಕ್ಷನ್-ಕಟ್ ಹೇಳಲಿದ್ದಾರೆ. ಚಿತ್ರದ ಚಿತ್ರೀಕರಣ ಸದ್ಯದಲ್ಲೇ ಆರಂಭವಾಗಲಿದೆ. ಚಿತ್ರದ ತಾರಾಗಣ, ತಾಂತ್ರಿಕ ವರ್ಗ ಸೇರಿ ಉಳಿದ ವಿಚಾರಗಳನ್ನು ತಂಡ ಇನ್ನಷ್ಟೇ ಬಹಿರಂಗಪಡಿಸಬೇಕಿದೆ.
