ದೀಪಿಕಾ ಧರಿಸಿದ ಒಂದು ಡ್ರೆಸ್ ಬೆಲೆಯಲ್ಲಿ ಸೆಕೆಂಡ್ ಹ್ಯಾಂಡ್ ಬೈಕ್ ತಗೋಬಹುದು! ಅಷ್ಟಕ್ಕೂ ಆ ಉಡುಪಿನಲ್ಲೇನಿದೆ ವಿಶೇಷ? Deepika Padukone

ಮೊದಮೊದಲು ಅನೇಕರು ಈ ಸರಳ ಸುಂದರ ಉಡುಪಿನ ಬ್ರ್ಯಾಂಡ್ ಬಗ್ಗೆ ಗೊಂದಲಕ್ಕೊಳಗಾಗಿದ್ದರು. ಆದರೆ, ಜಾಗೃತ ಫ್ಯಾಷನ್ ಪ್ರಿಯರು ಗೂಗಲ್ ಲೆನ್ಸ್ ತಂತ್ರಜ್ಞಾನವನ್ನು ಬಳಸಿ ಹುಡುಕಾಟ ನಡೆಸಿದಾಗ, ಈ ಸುಂದರ ಉಡುಪು ಪ್ರಸಿದ್ಧ ಫ್ರೆಂಚ್ ಬ್ರ್ಯಾಂಡ್ 'ಮೆಸ್ ಡೆಮೊಯಿಸೆಲ್ಲೆಸ್' (Mes Demoiselles) ಸಂಗ್ರಹದ್ದು ಎಂಬ ಕುತೂಹಲಕಾರಿ ವಿಷಯ ಬೆಳಕಿಗೆ ಬಂದಿದೆ.

ದೀಪಿಕಾ ಪಡುಕೋಣೆ ಧರಿಸಿದ್ದ ಆ ಉಡುಪಿನ ಬೆಲೆ ಬರೋಬ್ಬರಿ 248 ಅಮೆರಿಕನ್ ಡಾಲರ್ (ಸುಮಾರು 23,537 ರೂ.) ಆದಾಗ್ಯೂ, ಇದು ಪ್ರಸ್ತುತ ಶೇ 50 ರಷ್ಟು ರಿಯಾಯಿತಿಯಲ್ಲಿ ಲಭ್ಯವುದೆ. ಅಧಿಕೃತ ವೆಬ್​ಸೈಟ್​ ಪ್ರಕಾರ, ಈ ಉಡುಪಿನ ಮೂಲ ಬೆಲೆ 495 ಅಮೆರಿಕನ್ ಡಾಲರ್. ಇದನ್ನು ಭಾರತೀಯ ರೂಪಾಯಿಗೆ ಪರಿವರ್ತಿಸಿದರೆ ಸರಿಸುಮಾರು 46,980 ರೂ. ಆಗುತ್ತದೆ.

ಈ ಉಡುಪಿನ ಅತ್ಯಂತ ಆಕರ್ಷಕ ಅಂಶವೆಂದರೆ ಅದರ ಬೋಹೀಮಿಯನ್ ಸಿಲೂಯೆಟ್. ಇದು ಉಡುಪಿಗೆ ಒಂದು ರೀತಿಯ ಶ್ರೀಮಂತಿಕೆ ಮತ್ತು ಲಾಲಿತ್ಯವನ್ನು ನೀಡುತ್ತದೆ. ಇದು ಹಗುರವಾದ ಚಿಫೋನ್​ ವಿಸ್ಕೋಸ್​ನಿಂದ ತಯಾರಿಸಲ್ಪಟ್ಟಿದ್ದು, ಇದು ವರ್ಣ ಚಿತ್ರದಂತೆ ಎಕ್ರು ಹಿನ್ನಲೆಯಲ್ಲಿ ಬರೊಕ್​ ಮುದ್ರಣವನ್ನು ಹೊಂದಿದೆ. ಇದು ಸಡಿಲವಾದ ವಿನ್ಯಾಸವನ್ನು ಹೊಂದಿದ್ದು, ಉತ್ತಮ ನೋಟವನ್ನು ನೀಡುತ್ತದೆ.

ಆದಾಗ್ಯೂ, ಹೆಚ್ಚಿನ ಅಲಂಕಾರವಿಲ್ಲದೇ ಸಂಪೂರ್ಣವಾಗಿ ಲೈನ್ ಮಾಡಲಾದ ಈ ಉಡುಗೆ ಪ್ರಣಯ, ಅತ್ಯಾಧುನಿಕತೆ ಮತ್ತು ಧೈರ್ಯದ ನಡುವಿನ ಪರಿಪೂರ್ಣ ಸಮತೋಲನವನ್ನು ಬಹಿರಂಗಪಡಿಸುತ್ತದೆ.

ಶುಕ್ರವಾರ, ದಕ್ಷಿಣ ಆಫ್ರಿಕಾದ ಚಿತ್ರದ ನಡುವೆ ಸೋರಿಕೆಯಾದ ಚಿತ್ರಗಳಲ್ಲಿ ದೀಪಿಕಾ ಮತ್ತು ಶಾರುಖ್​ ಖಾನ್​ ಕೈ ಹಿಡಿದುಕೊಂಡು ಓಡಾಡುವ ದೃಶ್ಯವನ್ನು ಕಾಣಬಹುದು. ನಟಿ ಕಿತ್ತಳೆ ಬಣ್ಣದ ಉಡುಪಿನಲ್ಲಿ ಭಾವಪರವಶವಾಗಿ ಕಾಣುತ್ತಿದ್ದು, ಅವರ ಮುಖದಲ್ಲಿನ ಗರ್ಭಧಾರಣೆಯ ಹೊಳಪು ಸ್ಪಷ್ಟವಾಗಿ ಎದ್ದು ಕಾಣುತ್ತಿದೆ. ಏತನ್ಮಧ್ಯೆ, ಶಾರುಖ್ ನೀಲಿ ಪ್ಯಾಂಟ್‌ನೊಂದಿಗೆ ಪಟ್ಟೆ ಬಿಳಿ ಮತ್ತು ನೀಲಿ ಶರ್ಟ್‌ನಲ್ಲಿ ಎಂದಿನಂತೆ ಆಕರ್ಷಕವಾಗಿ ಕಾಣುತ್ತಿದ್ದಾರೆ.

ದೀಪಿಕಾ ಪಡುಕೋಣೆ ಮತ್ತು ರಣವೀರ್ ಸಿಂಗ್ ತಮ್ಮ ಎರಡನೇ ಗರ್ಭಧಾರಣೆಯನ್ನು ಇನ್‌ಸ್ಟಾಗ್ರಾಮ್‌ನಲ್ಲಿ ಜಂಟಿ ಪೋಸ್ಟ್ ಮಾಡುವ ಮೂಲಕ ಶುಭ ಸುದ್ದಿಯನ್ನು ಹಂಚಿಕೊಂಡರು. ಚಿತ್ರದಲ್ಲಿ ಅವರ ಮಗಳು ದುವಾ ಗರ್ಭದಾರಣೆಯ ಕಿಟ್​ ಪರೀಕ್ಷಿಸುತ್ತಿರುವ ಚಿತ್ರವನ್ನು ತೋರಿಸಲಾಗಿದೆ. ಇದು ಎರಡು ನೀಲಿ ರೇಖೆಗಳನ್ನು ಒಳಗೊಂಡಿದ್ದು, ದುವಾ ಅಕ್ಕನಾಗಳಿದ್ದಾಳೆ ಎಂದು ಹಂಚಿಕೊಂಡಿದ್ದಾರೆ (ಏಜೆನ್ಸೀಸ್​).