'ರತ್ನನ್​ ಪ್ರಪಂಚ'ಕ್ಕೆ ನೂತನ ಸದಸ್ಯ ಸೇರ್ಪಡೆ; ಗಂಡು ಮಗುವಿಗೆ ತಂದೆಯಾದ ಡಾಲಿ ಧನಂಜಯ..Daali Dhananjay

 Daali Dhananjaya Baby: ಇತ್ತೀಚೆಗಷ್ಟೇ ಡಾಲಿ ಧನಂಜಯ್​ ಅವರು ಧನ್ಯತಾ ಅವರೊಂದಿಗಿನ ಬೇಬಿ ಬಂಪ್​ ಫೋಟೋ ಸೋಶಿಯಲ್​ ಮೀಡಿಯಾದಲ್ಲಿ ಹಂಚಿಕೊಂಡಿದ್ದರು. ಆ ಬೆನ್ನಲ್ಲೇ ನಾನು ಗಂಡು ಮಗುವಿಗೆ ತಂದೆಯಾಗಿದ್ದೇನೆ ನಿಮ್ಮ ಆಶೀರ್ವಾದ ಸದಾ ಹೀಗೆ ಇರಲಿ ಎಂದು ಇನ್​ಸ್ಟಾಗ್ರಾಮ್​ನಲ್ಲಿ ಪೋಸ್ಟ್​ ಹಂಚಿಕೊಂಡಿದ್ದಾರೆ. 

2025 ಫೆಬ್ರವರಿ 16ರಂದು ಡಾಕ್ಟರ್​ ಧನ್ಯತಾ ಜೊತೆಗೆ ಡಾಲಿ ಧನಂಜಯ್​​ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು. ಕಿರುತರೆ ಕಾರ್ಯಕ್ರಮವೊಂದರಲ್ಲಿ ಭಾಗಿಯಾಗಿದ್ದ ಅವರು ನಮ್ಮ ಮನೆಗೆ ಮತ್ತೊಬ್ಬ ಅತಿಥಿ ಆಗಮಿಸಲಿದ್ದಾರೆ ಎನ್ನುವ ಹಿಂಟ್​ ಕೊಟ್ಟಿದ್ದರು. ಈ ಎಲ್ಲದರ ಮಧ್ಯೆ ಬೆಳ್ಳಂಬೆಳಗ್ಗೆಯೇ ಫ್ಯಾನ್ಸ್​ಗೆ ಗುಡ್​ನ್ಯೂಸ್​ ಕೊಟ್ಟಿದ್ದಾರೆ. 

As the sun rose, so did our greatest joy, our baby boy ("ಸೂರ್ಯೋದಯದ ಹೊನ್ನ ಕಿರಣದಂತೆ, ನಮ್ಮ ಬಾಳಿಗೆ ಬೆಳಕಾಗಿ ಬಂದ ನಂದಾದೀಪ... ನಮ್ಮ ಪುಟ್ಟ ರಾಜಕುಮಾರ.") ಎಂದು ನಿಮ್ಮ ಪ್ರೀತಿ ಆಶೀರ್ವಾದವಿರಲಿ ಎಂದು ಇನ್​ಸ್ಟಾಗ್ರಾಮ್​ನಲ್ಲಿ ಎಂಟು ಗಂಟೆಗೆ ಪೋಸ್ಟ್​ ಹಂಚಿಕೊಂಡಿದ್ದಾರೆ. ಧನಂಜಯ್​ ಅವರ ಈ ಪೋಸ್ಟ್​ಗೆ ಅಭಿಮಾನಿಗಳು ಅಭಿನಂದನೆಯ ಸುರಿಮಳೆಯನ್ನು ಸುರಿಸಿದ್ದಾರೆ. ಡಾಲಿಗೊಬ್ಬ ಮರಿ ಡಾಲಿ ಬಂದ ಎಂದು ಕಾಲೆಳೆದಿದ್ದಾರೆ.

ಇದನ್ನು ನೋಡಿ: ಡಿಸಿಎಂ ಪುತ್ರಿಗೆ ಹೆಣ್ಣು ಮಗು ಜನನ; ತಾತನಾಗಿ ಬಡ್ತಿ ಪಡೆದ ಡಿಕೆ ಶಿವಕುಮಾರ್​​.. DK Shivakumar

2025ರ ಫೆಬ್ರವರಿ 16ರಂದು ಧನಂಜಯ ಹಾಗೂ ಧನ್ಯತಾ  ಮೈಸೂರಿನಲ್ಲಿ ಅದ್ದೂರಿಯಾಗಿ ಮದುವೆಯಾದರು.  ಧನ್ಯತಾ ಅವರು ಗೈನಕಾಲಜಿಸ್ಟ್‌ ಆಗಿ ಕೆಲಸ ಮಾಡುತ್ತಿದ್ದಾರೆ. ಧನ್ಯತಾ ಅವರು ಚಿತ್ರದುರ್ಗದವರು. ಸದ್ಯ ಧನಂಜಯ ಹಾಗೂ ಧನ್ಯತಾ ಅವರು ಗಂಡು ಮಗುವಿನ ಪೋಷಕರಾಗಿದ್ದಾರೆ.

ಡಾಲಿ ಧನಂಜಯ್​ ಅವರ ನಿರ್ಮಾಣದಲ್ಲಿ ಜೆರಾಕ್ಸ್ ವೆಬ್‌ ಸೀರೀಸ್ ಜೀ-5 ರಿಲೀಸ್ ಆಗಿದೆ. ಜೆರಾಕ್ಸ್ ವೆಬ್ ಸರಣಿ ರಿಲೀಸ್​ ಆಗಿದೆ. ಸದ್ಯ ಇದು ಮೆಚ್ಚುಗೆಗೆ ಪಾತ್ರವಾಗಿದೆ. ಜೆರಾಕ್ಸ್ ವೆಬ್ ಸರಣಿಯಲ್ಲಿ ನಾಗಭೂಷಣ್ ಅಭಿನಯವನ್ನ  ವಿಮರ್ಶಕರು ಕೊಂಡಾಡಿದ್ದಾರೆ. ಪಾಯಲ್​ ಚೆಂಗಪ್ಪ ಅವರು ಸಹ ಅದ್ಭುತವಾಗಿ ನಟಿಸಿದ್ದಾರೆ, (ಏಜೆನ್ಸೀಸ್​).