ನಟ ಜಗ್ಗೇಶ್ ತಮ್ಮ ಮನೆಯ ದೇವರಕೋಣೆಯಲ್ಲಿ ಭಗವದ್ಗೀತೆಯ ಸಂದೇಶವೊಂದನ್ನು ಉಲ್ಲೇಖಿಸಿ ಚಪ್ಪಾಳೆ ತಟ್ಟಿದ್ದಾರೆ. ನಟ ರಮೇಶ್ ಅರವಿಂದ್ ಮನೆಯಿಂದ ಹೊರಬಂದು ಚಪ್ಪಾಳೆ ತಟ್ಟಿದ ವಿಡಿಯೋ ಹಂಚಿಕೊಂಡಿದ್ದಾರೆ. ನಟ ಅನಿರುದ್ಧ ಕುಟುಂಬ ಸಹಿತವಾಗಿ ಚಪ್ಪಾಳೆ, ಗಂಟೆ- ಶಂಖನಾದಗಳೊಂದಿಗೆ ಧನ್ಯವಾದ ಸಲ್ಲಿಸಿದ್ದಾರೆ. ನಟರಾದ ಅರ್ಜುನ್ ಸರ್ಜಾ, ವಸಿಷ್ಠ ಸಿಂಹ, ಧನಂಜಯ, ಸೃಜನ್ ಲೋಕೇಶ್, ನೆನಪಿರಲಿ ಪ್ರೇಮ್ ಚಿರು ಸರ್ಜಾ, ಸುಂದರ್ ರಾಜ್, ನಟಿಯರಾದ ಸುಮಲತಾ ಅಂಬರೀಷ್, ರಾಗಿಣಿ ದ್ವಿವೇದಿ, ಸಂಯುಕ್ತಾ ಹೊರನಾಡು, ಮೇಘನಾ ಗಾಂವ್ಕರ್, ಪ್ರಣೀತ್ ಸುಭಾಷ್, ನೀತು ಶೆಟ್ಟಿ, ಮೇಘನಾ ರಾಜ್, ಪ್ರಮೀಳಾ ಜೋಷಾಯ್, ಐಶ್ವರ್ಯಾ ಸರ್ಜಾ ಮುಂತಾದವರು ಕರೊನಾ ವಿರುದ್ಧ ಹೋರಾಡುತ್ತ ರಕ್ಷಣೆಗೆ ನಿಂತಿರುವ ವೈದ್ಯರು, ಪೊಲೀಸರು, ಪೌರಕಾರ್ವಿುಕರು ಸೇರಿ ಎಲ್ಲರಿಗೂ ಚಪ್ಪಾಳೆ, ಜಾಗಟೆ, ಗಂಟೆ, ಶಂಖ ಇತ್ಯಾದಿಗಳ ಸದ್ದಿನೊಂದಿಗೆ ಧನ್ಯವಾದ ಅರ್ಪಿಸಿದ್ದಾರೆ.
