ಬೇಡದ ವಿಷಯಗಳು ಎಲ್ಲೆಡೆ ಹರಿದಾಡ್ತಿವೆ... ಸಿನಿಮಾಗೆ ಮಾತ್ರ ಸೆನ್ಸಾರ್​ ಮಂಡಳಿ​ ಏಕೆ? CBFC ವಿರುದ್ಧ ಆರ್​ಜಿವಿ ಕೆಂಡಾಮಂಡಲ

ತಮಿಳುನಾಡು: ಕಾಲಿವುಡ್​ ಸ್ಟಾರ್​ ನಟ, ಟಿವಿಕೆ ಪಕ್ಷದ ನಾಯಕ ದಳಪತಿ ವಿಜಯ್ ಅಭಿನಯದ ಕೊನೆಯ ಬಹುನಿರೀಕ್ಷಿತ ಸಿನಿಮಾ 'ಜನನಾಯಗನ್'​ ರಿಲೀಸ್​ಗೆ ಇದೀಗ ಸೆನ್ಸಾರ್​ ಮಂಡಳಿಯಿಂದ ಅಡಚಣೆ ಉಂಟಾಗಿದೆ. ​ ಕೋರ್ಟ್​ ಮೆಟ್ಟಿಲೇರಿದ ಚಿತ್ರತಂಡಕ್ಕೆ ಕಡೆಗೂ ಬಿಡುಗಡೆ ಭಾಗ್ಯ ಸಿಗದಿರುವುದು ಸದ್ಯ ಚಿತ್ರರಂಗದ ಸದಸ್ಯರು ಹಾಗೂ ಸಿನಿಪ್ರಿಯರನ್ನು ಕೆರಳಿಸಿದೆ. ಈ ವಿಚಾರಕ್ಕೆ ನಿರ್ದೇಶಕ ರಾಮ್​ ಗೋಪಾಲ್​ ವರ್ಮಾ ತೀವ್ರ ಅಸಮಾಧಾನ ಹೊರಹಾಕಿದ್ದಾರೆ.

"ಇದು ಇಂಟರ್ನೆಟ್ ಯುಗ. ಬೇಡದ ವಿಷಯಗಳು ಎಲ್ಲೆಡೆ ಮುಕ್ತವಾಗಿ ಹರಿದಾಡುತ್ತಿರುವಾಗ, ಚಲನಚಿತ್ರಗಳಿಗೆ ಏಕೆ ಈ ಸೆನ್ಸಾರ್ ಮಂಡಳಿ? ವಯಸ್ಸಿನ ಮಿತಿಗೆ ರೇಟಿಂಗ್‌ ಮತ್ತು ಎಚ್ಚರಿಕೆಗಳು ಕೊಡುವುದು ಓಕೆ. ಇದು ಸಂವಿಧಾನದಲ್ಲಿನ ಅಭಿವ್ಯಕ್ತಿ ಸ್ವಾತಂತ್ರ್ಯಕ್ಕೆ ವಿರುದ್ಧವಾಗಿದೆ. ಮತ್ತು ಈ ವಾಸ್ತವದಲ್ಲಿ, ಸೆನ್ಸಾರ್ ಮಂಡಳಿಯು ಚಿತ್ರದಲ್ಲಿ ಬಳಸಲಾದ ಕೆಲವು ಪದಗಳಿಗೆ, ದೃಶ್ಯಗಳಿಗೆ ಕತ್ತರಿ ಹಾಕುವುದು ಅಥವಾ ಸಿಗರೇಟ್​ ಸೇದುವ ದೃಶ್ಯಗಳನ್ನು ಬ್ಲರ್​ ಮಾಡುವುದರಿಂದ ಸಮಾಜವನ್ನು ರಕ್ಷಿಸುತ್ತೇವೆ ಎಂಬ ನಂಬಿಕೆಗಳು ನಿಜಕ್ಕೂ ಹಾಸ್ಯಸ್ಪದ ಎಂದಿದ್ದಾರೆ.