ವಿಘ್ನೇಶ್ ಶಿವನ್ ನಿರ್ದೇಶನದ ಹಾಗೂ ಪ್ರದೀಪ್ ಮತ್ತು ನಟಿ ಕೃತಿ ಶೆಟ್ಟಿ ಮುಖ್ಯಭೂಮಿಕೆಯಲ್ಲಿ ನಟಿಸಿರುವ ಸೈ-ಫೈ, ಕಾಮಿಡಿ ಜಾನರ್ ಬಹುನಿರೀಕ್ಷಿತ 'ಲವ್ ಇನ್ಶೂರೆನ್ಸ್ ಕಂಪನಿ' ಚಿತ್ರವು ಇದೇ ಏಪ್ರಿಲ್ 03ಕ್ಕೆ ತೆರೆಕಾಣಲು ಸಿದ್ಧವಾಗಿದೆ. ಇದು ಅಂತಿಮ ದಿನಾಂಕವಾಗಿದ್ದು, ಇದರಲ್ಲಿ ಯಾವುದೇ ಬದಲಾವಣೆ ಇಲ್ಲ ಎಂದು ಹೇಳಲಾಗಿದೆ. ಇದಕ್ಕೂ ಮೊದಲು, 2025ರಲ್ಲೇ ತೆರೆಗೆ ಬರಬೇಕಿದ್ದ ಪ್ರದೀಪ್ ಸಿನಿಮಾ, ಆರಂಭದಲ್ಲಿ ಸೆ.18ರಂದು ರಿಲೀಸ್ಗೆ ಫಿಕ್ಸ್ ಆಗಿತ್ತು. ಆನಂತರ ಅ.17 ಮತ್ತು ಕೊನೆಯದಾಗಿ ಡಿ.18ಕ್ಕೆ ಮುಂದೂಡಿಕೆಯಾಯಿತು. ಆದರೆ, ಆ ದಿನಕ್ಕೂ ಸಿನಿಮಾ ಬಿಡುಗಡೆಯಾಗಲಿಲ್ಲ. ನಂತರದಲ್ಲಿ, ಫೆ.12ಕ್ಕೆ ಎನ್ನಲಾಯಿತು. ಆದರೀಗ, ಏ.03ರಂದು ಖಚಿತ ಎಂದು ಸ್ಪಷ್ಟಪಡಿಸಿದೆ ಚಿತ್ರತಂಡ.
