ಟೀಸರ್ ಕೊನೆಯಲ್ಲಿ ಕಮಲ್ ಹಾಸನ್ ಹೀರೋ ಯಾರು ಎಂದು ಕೇಳಿದ್ದು, ನೆಲ್ಸನ್ ತಬ್ಬಿಬ್ಬಾಗಿದ್ದಾರೆ. ಆದರೆ, ಪ್ರೇಕ್ಷಕರು ಮಾತ್ರ ಟೈಟಲ್ ಕಾರ್ಡನ್ ಹೆಸರುಗಳನ್ನು ತೆಗೆದುಕೊಂಡು ಡಿ-ಕೋಡ್ ಮಾಡಿದ್ದು, ಇಲ್ಲಿ ರಜಿನಿಕಾಂತ್ ಹೀರೋ ಆಗಿರಲಿದ್ದು, ಕಮಲ್ ಹಾಸನ್ ವಿಲನ್ ಪಾತ್ರ ನಿರ್ವಹಿಸಲಿದ್ದಾರೆ ಎಂದು ಪ್ರೇಕ್ಷಕರು ಊಹಿಸಿದ್ದಾರೆ. ಆದರೆ, ಈ ಬಗ್ಗೆ ಸಿನಿಮಾ ತಂಡವೇ ಅಂತಿಮ ಘೋಷಣೆ ಮಾಡಬೇಕಷ್ಟೆ. ಈ ಹಿಂದೆ ರಜಿನಿ - ಕಮಲ್ ‘ಅಪೂರ್ವ ರಾಗಂಗಳ್’, ‘ಮೂಂಡ್ರು ಮುಡಿಚು’, ‘ಅವರ್ಗಳ್’, ‘ಪತಿನಾರು ವಯಿತಿನಿಲೆ’ ಸೇರಿ 20ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ಇಬ್ಬರು ಒಟ್ಟಿಗೆ ಕಾಣಿಸಿಕೊಂಡಿದ್ದರು. 1979ರಲ್ಲಿ ತೆರೆಕಂಡಿದ್ದ ‘ಅಲ್ಲಾವುದ್ದೀನ್ ಅಧ್ಬುತ ವಿಲಕ್ಕುಮ್’ ಈ ಜೋಡಿ ಒಟ್ಟಿಗೆ ನಟಿಸಿದ್ದ ಕೊನೆಯ ಸಿನಿಮಾ. ಇದೀಗ 47 ವರ್ಷಗಳ ಬಳಿಕ ಈ ಸೂಪರ್ಸ್ಟಾರ್ಸ್ ಮತ್ತೆ ಒಂದಾಗುತ್ತಿದ್ದಾರೆ. -ಏಜೆನ್ಸೀಸ್
