ಅದೊಂದನ್ನು ನನ್ನಿಂದ ಕಂಟ್ರೋಲ್​ ಮಾಡಲು ಸಾಧ್ಯವೇ ಇಲ್ಲ... ನಟಿ ಕೀರ್ತಿ ಸುರೇಶ್​ ಕಾಮೆಂಟ್​ ವೈರಲ್​! Keerthy Suresh

ಚೆನ್ನೈ : ನಟಿ ಕೀರ್ತಿ ಸುರೇಶ್ ( Keerthy Suresh ) ತಮಿಳು ಚಿತ್ರರಂಗದ ಸ್ಟಾರ್​ ನಟಿಯರಲ್ಲಿ ಒಬ್ಬರು. ತೆಲುಗು ಮತ್ತು ಹಿಂದಿ ಭಾಷೆಯಲ್ಲೂ ನಟಿಸಿದ್ದಾರೆ. ವಿಜಯ್​, ಸೂರ್ಯ, ವಿಕ್ರಮ್​, ಶಿವಕಾರ್ತಿಕೇಯನ್​,​ ನಾನಿ, ಮಹೇಶ್​ ಬಾಬು ಸೇರಿದಂತೆ ಸ್ಟಾರ್​ ನಟರ ಜತೆ ತೆರೆ ಹಂಚಿಕೊಂಡಿದ್ದಾರೆ. ಕನ್ನಡದಲ್ಲಿ ಒಂದೇ ಒಂದು ಸಿನಿಮಾದಲ್ಲಿ ನಟಿಸದಿದ್ದರೂ ಪ್ಯಾನ್​ ಇಂಡಿಯಾ ಪರಿಕಲ್ಪನೆ ಬಳಿಕ ಕೀರ್ತಿ ಸುರೇಶ್​ ನಟನೆಯ ಡಬ್ಬಿಂಗ್​ ಚಿತ್ರಗಳೂ ಕನ್ನಡದಲ್ಲೂ ಸದ್ದು ಮಾಡಿದ್ದು, ಆಕೆಯ ನಟನೆ ಮತ್ತು ಸೌಂದರ್ಯಕ್ಕೆ ಕನ್ನಡ ಪ್ರೇಕ್ಷಕರು ಸಹ ಫಿದಾ ಆಗಿದ್ದಾರೆ.

ತಮ್ಮ ವೃತ್ತಿಜೀವನದ ಆರಂಭದಲ್ಲಿ ಡಿಗ್ಲಾಮರಸ್​ ಆಗಿ ಕಾಣಿಸಿಕೊಂಡಿದ್ದ ಈ ಸುಂದರಿ, ಈಗ ಗ್ಲಾಮರಸ್​ ಪಾತ್ರಗಳಿಗೂ ಸೈ ಎನ್ನುತ್ತಿದ್ದಾರೆ. ಈ ಬ್ಯೂಟಿ ಬಾಲಿವುಡ್‌ನಲ್ಲಿ ಬಾಬಿ ಜಾನ್ ಚಿತ್ರವನ್ನು ಮಾಡಿದರು. ಇದರಲ್ಲಿ ಸಖತ್​ ಬೋಲ್ಡ್​ ಆಗಿ ನಟಿಸುವ ಮೂಲಕ ತನ್ನ ಗ್ಲಾಮರ್ ಗಡಿಗಳನ್ನು ಅಳಿಸಿಹಾಕಿದರು. ಇದೀಗ ಯಾವುದೇ ಪಾತ್ರದಲ್ಲೂ ನಟಿಸಲು ರೆಡಿಯಾಗಿದ್ದಾರೆ. ಇದರ ನಡುವೆ ತಮ್ಮ ಬಹುಕಾಲದ ಗೆಳೆಯ ಆಂಟೋನಿ ಥಟ್ಟಿಲ್​ ಅವರನ್ನು ಮದುವೆಯಾಗಿಯೂ ಕೀರ್ತಿ ಸುದ್ದಿಯಾದರು. ಸದ್ಯ ದಾಂಪತ್ಯ ಜೀವನದ ಜೊತೆಗೆ ವೃತ್ತಿ ಜೀವನವನ್ನೂ ನಡೆಸುತ್ತಿದ್ದಾರೆ.

ತಾಜಾ ಸಂಗತಿ ಏನೆಂದರೆ, ಕೀರ್ತಿ ಸುರೇಶ್ ಅವರು ಆಹಾರ ಪ್ರಿಯೆ ಅಂತೆ! ಅವರು ಪ್ರತಿಯೊಂದು ಆಹಾರವನ್ನು ಬಹಳ ಪ್ರೀತಿಯಿಂದ ಮತ್ತು ಆನಂದದಿಂದ ಸವಿಯುತ್ತಾರಂತೆ. ಈ ಮಾತನ್ನು ಸ್ವತಃ ಕೀರ್ತಿ ಅವರೇ ಹೇಳಿಕೊಂಡಿದ್ದಾರೆ.

ಕೀರ್ತಿ ಅವರು ಆಹಾರ ಪ್ರಿಯೆಯಾಗಿರುವುದರಿಂದಲೇ ಚಿತ್ರರಂಗಕ್ಕೆ ಬಂದಾಗ, ಅವರು ತುಂಬಾ ದಪ್ಪವಾಗಿ ಕಾಣುತ್ತಿದ್ದರು. ಇತ್ತೀಚೆಗೆ, ಸಿಕ್ಕಾಪಟ್ಟೆ ಸ್ಲಿಮ್ ಆಗಿದ್ದಾರೆ. ಆದರೆ, ಕೀರ್ತಿ ಸುರೇಶ್‌ಗೆ ಅತ್ಯಂತ ಕಷ್ಟಕರವಾದ ವಿಷಯವೆಂದರೆ ಆಹಾರ ಪದ್ಧತಿ. ಈ ಸುಂದರಿ ಇತ್ತೀಚೆಗೆ ಒಂದು ಸಂದರ್ಶನದಲ್ಲಿ ಡಯೆಟ್​ ಮಾಡುವುದು ತುಂಬಾ ಕಷ್ಟ ಎಂದು ಹೇಳಿಕೊಂಡಿದ್ದಾರೆ.

ಆಹಾರದ ಮೇಲಿನ ನನ್ನ ಪ್ರೀತಿಯನ್ನು ನಿಯಂತ್ರಿಸುವುದು ತುಂಬಾ ಕಷ್ಟ. ಆ ವಿಷಯದಲ್ಲಿ ನಾನು ನನ್ನೊಂದಿಗೆ ಸದಾ ಜಗಳವಾಡುತ್ತೇನೆ. ನನ್ನ ದೇಹವನ್ನು ಕಾಪಾಡಿಕೊಳ್ಳಲು ಕಟ್ಟುನಿಟ್ಟಿನ ಆಹಾರ ಪದ್ಧತಿಯನ್ನು ಅನುಸರಿಸುವುದು ನನಗೆ ದೊಡ್ಡ ಸವಾಲಾಗಿದೆ. ಆಹಾರ ಕಂಟ್ರೋಲ್​ ಮಾಡುವುದು ನನ್ನಿಂದ ಸಾಧ್ಯವೇ ಇಲ್ಲ ಎಂದು ಕೀರ್ತಿ ಹೇಳಿದ್ದಾರೆ. ಸದ್ಯ ಕೀರ್ತಿ ಅವರು ಮಾಡಿದ ಕಾಮೆಂಟ್‌ಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿವೆ, (ಏಜೆನ್ಸೀಸ್​).