ಡಿ-55ನಲ್ಲಿ ಶ್ರೀಲೀಲಾ- ಸಾಯಿಪಲ್ಲವಿ ಜುಗಲ್‌ಬಂಧಿ: ಧನುಷ್ ಜತೆ ಹೆಜ್ಜೆ ಹಾಲಿದ್ದಾರೆ ಇಬ್ಬರು ಸ್ಟಾರ್ ನಟಿಯರು

ಧನುಷ್ ಅಭಿನಯದ 55ನೇ ಚಿತ್ರದಲ್ಲಿ ಶ್ರೀಲೀಲಾ ಜತೆಗೆ ಸಾಯಿಪಲ್ಲವಿ ಕೂಡ ನಾಯಕಿಯಾಗಿ ಆಯ್ಕೆಯಾಗಿದ್ದಾರೆ. ಈ ಹಿಂದೆ ತಮಿಳಿನ ‘ಮಾರಿ 2’ದಲ್ಲಿ ಒಟ್ಟಿಗೆ ನಟಿಸಿದ್ದ ಈ ಜೋಡಿ ಎಂಟು ವರ್ಷಗಳ ಬಳಿಕ ಮತ್ತೆ ಒಂದಾಗಿದೆ. ಈ ಮೊದಲು ‘ಡಿ-55’ ಚಿತ್ರಕ್ಕೆ ಸಾಯಿಪಲ್ಲವಿ ನಾಯಕಿಯಾಗಿದ್ದರು, ಆದರೆ, ಡೇಟ್ಸ್ ಕಾರಣಕ್ಕೆ ಅವರ ಜಾಗಕ್ಕೆ ಶ್ರೀಲೀಲಾ ಬಂದಿದ್ದಾರೆ ಎನ್ನಲಾಗಿತ್ತು. ಅದು ಸುಳ್ಳಾಗಿದ್ದು, ಶ್ರೀಲೀಲಾ ಜತೆಗೆ ಸಾಯಿಪಲ್ಲವಿ ಕೂಡ ಚಿತ್ರದಲ್ಲಿರುವುದು ಖಚಿತವಾಗಿದೆ. ‘ಅಮರನ್’ ಬಳಿಕ ರಾಜ್‌ಕುಮಾರ್ ಪೆರಿಯಸಾಮಿ ಜತೆ ಸಾಯಿಪಲ್ಲವಿ ಮತ್ತೆ ಕೆಲಸ ಮಾಡಲಿದ್ದಾರೆ. ಸದ್ಯ ನಟಿ ಹಿಂದಿಯ ‘ಏಕ್ ದಿನ್’, ‘ರಾಮಾಯಣ ಭಾಗ-1’ ಚಿತ್ರದ ಚಿತ್ರೀಕರಣ ಪೂರ್ಣಗೊಳಿಸಿದ್ದಾರೆ.