ಪೊಲೀಸರ ಜತೆ ಸಿನಿಮಾ ಸಹನಟ ಹರ್ಷ ಗಲಾಟೆ: ತಡರಾತ್ರಿ ಕುಡಿದು ಕಿರಿಕ್

ಬೆಂಗಳೂರು: ಸಿನಿಮಾ ಸಹನಟ ಹರ್ಷ ಮತ್ತು ಆತನ ಸ್ನೇಹಿತರು ಬಾಗಲಗುಂಟೆಯಲ್ಲಿ ರಸ್ತೆಬದಿ ಮದ್ಯ ಸೇವಿಸಿ ಕಿರುಚಾಡಿದ್ದು, ಈ ಬಗ್ಗೆ ಪ್ರಶ್ನಿಸಿದ ಪೊಲೀಸರ ಜತೆ ವಾಗ್ವಾದ ನಡೆಸಿದ್ದಾರೆ.

ಭಾನುವಾರ ತಡರಾತ್ರಿ ರಸ್ತೆಬದಿ ಕುಡಿದು ಜೋರಾಗಿ ಮಾತನಾಡುತ್ತಿದ್ದರು. ಇದರಿಂದ ಸಮೀಪದ ಅಪಾರ್ಟ್​ವೆುಂಟ್ ನಿವಾಸಿಗಳ ನಿದ್ದೆಗೆ ಭಂಗ ಉಂಟಾಗಿತ್ತು. ಈ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿದ್ದರು. ರಾತ್ರಿ ಪಾಳಿ ಕರ್ತವ್ಯದಲ್ಲಿದ್ದ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿದಾಗ ಹರ್ಷ ಮತ್ತು ಸ್ನೇಹಿತರು ಮದ್ಯಪಾನ ಮಾಡುತ್ತಿರುವುದು ಕಂಡುಬಂದಿದೆ. ಆಗ ಸ್ಥಳದಿಂದ ತೆರಳುವಂತೆ ಪೊಲೀಸರು ಸೂಚಿಸಿದ್ದಾರೆ. ಆಗ ಆಕ್ರೋಶಗೊಂಡು ಸಿಬ್ಬಂದಿ ಜತೆ ವಾಗ್ವಾದ ನಡೆಸಿದ್ದಾರೆ.

ಇದನ್ನೂ ಓದಿ: 88% ಸಾವಿಗೆ ನಿರ್ಲಕ್ಷ್ಯ ಕಾರಣ; ಎನ್​ಸಿಆರ್​ಬಿ ಮಾಹಿತಿ

ಅಲ್ಲದೆ, ಗುಂಪಿನಲ್ಲಿದ್ದ ವ್ಯಕ್ತಿಯೊಬ್ಬ ಆವಾಜ್ ಹಾಕಿದ್ದನು. ಹರ್ಷ ಮತ್ತು ಸ್ನೇಹಿತರನ್ನು ಸಿಬ್ಬಂದಿ ಠಾಣೆಗೆ ಕರೆತಂದು ಮುಚ್ಚಳಿಕೆ ಬರೆಸಿಕೊಂಡು ಎಚ್ಚರಿಕೆ ನೀಡಿ ಕಳುಹಿಸಿದ್ದಾರೆ.

https://www.vijayavani.net/sandalwood-drug-racket-ccb-officers-raid-on-actress-sanjjanaa-galrani-house/