1968ರಿಂದ 1978ರವರೆಗಿನ ಸಮಯದಲ್ಲಿ ಬೆಂಗಳೂರಿನಲ್ಲಿ ರೌಡಿಸಂ ಹೇಗಿತ್ತು ಎಂಬುದನ್ನು ಈ ಚಿತ್ರದ ಮೂಲಕ ಹೇಳುತ್ತಿದ್ದೇನೆ. ಹಾಗಂತ ಇದು ಬರೀ ರೌಡಿಸಂ ಕಥೆಯಲ್ಲ. ಪ್ರೀತಿ, ಆಕ್ಷನ್, ಸೆಂಟಿಮೆಂಟ್ ಸಹ ಇರಲಿದೆ’ ಎನ್ನುತ್ತಾರೆ ಪ್ರೇಮ್ ಒಟ್ಟಾರೆ, ಕನ್ನಡ ಚಿತ್ರರಂಗದಲ್ಲಿ ಹಳೆಯ ಕಾಲವನ್ನು ನೆನಪಿಸವಂತಹ ಹಲವು ಸಿನಿಮಾಗಳು ಸದ್ದಿಲ್ಲದೆ ನಿರ್ವಣವಾಗುತ್ತಿವೆ. 10 ವರ್ಷಗಳ ಹಿಂದಿನ ಚಿತ್ರ ಮಾಡುವುದು ಅಷ್ಟು ಸಮಸ್ಯೆಯಲ್ಲ. ಆದರೆ, ಅದಕ್ಕೂ ಹಿಂದಿನ ಕಾಲಘಟ್ಟವನ್ನು ಸೃಷ್ಟಿಸುವುದು ನಿಜಕ್ಕೂ ದೊಡ್ಡ ಸವಾಲು. ಏಕೆಂದರೆ, ಆಗಿನ ಪರಿಸರ, ಪರಿಕರ, ವೇಷಭೂಷಣ ... ಮರುಸೃಷ್ಟಿ ಮಾಡುವುದರ ಜತೆಗೆ, ಎಲ್ಲೂ ಆಭಾಸವಾಗದಂತೆ ಕಟ್ಟಿಕೊಡುವ ಕೆಲಸ ಅಷ್ಟು ಸುಲಭವಲ್ಲ. ಇದಕ್ಕೆ ಸಮಯವಷ್ಟೇ ಅಲ್ಲ, ಬಜೆಟ್ ಸಹ ಜಾಸ್ತಿ ಬೇಕು. ಆದರೂ ಈ ಸವಾಲನ್ನು ಹಲವರು ಸ್ವೀಕರಿಸುತ್ತಿದ್ದಾರೆ. ಸವಾಲು ಸ್ವೀಕರಿಸುವುದಷ್ಟೇ ಅಲ್ಲ, ಇದರಲ್ಲಿ ಎಷ್ಟು ಜನ ಗೆಲ್ಲುತ್ತಾರೆ ಎಂಬ ಕುತೂಹಲ ಎಲ್ಲರಿಗೂ ಇದೆ.
