ಸಂಕ್ರಾಂತಿ ಅಂದರೆ ಮೊದಲು ನೆನಪಿಗೆ ಬರುವುದು ಅಜ್ಜಿ ಮನೆ. ನಾವೆಲ್ಲ ಚಿಕ್ಕವರಿದ್ದಾಗ ಸಂಕ್ರಾಂತಿ ಬರುತ್ತಿದೆ ಎನ್ನುತ್ತಿರುವಾಗಲೇ ಅಜ್ಜಿ ಮನೆಗೆ ಹೋಗಲು ನಮ್ಮ ತಯಾರಿ ಶುರುವಾಗುತ್ತಿತ್ತು. ಎಲ್ಲ ಸಂಬಂಧಿಕರೂ ಅಲ್ಲಿ ಒಟ್ಟಿಗೆ ಸೇರುವುದೇ ದೊಡ್ಡ ಸಂಭ್ರಮ. ಹೊಸ ಬಟ್ಟೆ, ಉಡುಗೊರೆಗಳು ಸಿಗಲಿವೆ ಎಂಬ ಖುಷಿ ಒಂದೆಡೆಯಾದರೆ, ಒಟ್ಟಿಗೆ ಕುಳಿತು ಭೋಜನ ಸವಿಯುವುದು ಮತ್ತೊಂದು ಸಡಗರ. ಮಾತು, ಹರಟೆ ಎಲ್ಲವೂ ಅಲ್ಲಿರುತ್ತಿತ್ತು. ಮಕ್ಕಳ ತುಂಟಾಟವೂ ಜಾಸ್ತಿ ಇರುತ್ತಿತ್ತು. ಆದರೆ, ಇದೀಗ ಒಟ್ಟಿಗೆ ಸೇರುವುದೇ ಕನಸಾಗಿದೆ. ಪ್ಲಾನ್ ಹಾಕಿದರೂ ಎಲ್ಲರೂ ಅವರವರ ಕೆಲಸಗಳಲ್ಲಿ ಬಿಜಿ. ಕೋವಿಡ್ ಹಿನ್ನೆಲೆಯಲ್ಲಿ ದೇವಸ್ಥಾನಕ್ಕೂ ಹೋಗುತ್ತಿಲ್ಲ. ಹಾಗಾಗಿ ನಮ್ಮ ಮನೆಯಲ್ಲಿಯೇ ಈ ಬಾರಿ ಸರಳ ಆಚರಣೆ ನಡೆಯಲಿದೆ. ಈಗಲೂ ಹಬ್ಬದ ಸಂದರ್ಭಗಳಲ್ಲಿ ಮನೆಯಲ್ಲಿ ಪೂಜೆಯ ಜವಾಬ್ದಾರಿ ವಹಿಸಿಕೊಂಡಿ ರುತ್ತೇನೆ. ವಾರಕ್ಕೂ ಮುನ್ನ ತಯಾರಿ ಶುರುವಾದರೆ, ಅದಕ್ಕೆ ಸಂಬಂಧಿ ಸಿದ ಅಲಂಕಾರ, ನೈವೇದ್ಯ ಎಲ್ಲ ಕೆಲಸಗಳನ್ನು ಅಮ್ಮನ ಜತೆ ನಾನೇ ನೋಡಿ ಕೊಳ್ಳುತ್ತೇನೆ.
