ಇನ್ನು ಈ ಸೀರೆಯ ಕುರಿತು ಅದಿತಿ ಅವರಿಗೆ ಹೇಳಿದಾಗ, ಮಾಡಲ್ ಆಗುವುದಕ್ಕೆ ಒಪ್ಪಿಕೊಂಡರಂತೆ. ‘ನಾನೇ ಈ ಸೀರೆಗೆ ಮಾಡಲ್ ಆಗುತ್ತೀನಿ ಎಂದು ಅವರು ಮುಂದೆ ಬಂದರು. ಅವರೇ ಫೋಟೋಶೂಟ್ ಮಾಡಿಸಿದರು. ಇಲ್ಲಿ ಈ ಸೀರೆಯೇ ಹೈಲೈಟ್ ಆಗಿರುವುದರಿಂದ,ಆಭರಣಗಳಿಗೆ ಹೆಚ್ಚು ಪ್ರಾಮುಖ್ಯತೆ ನೀಡಲಾಗಿಲ್ಲ’ ಎಂದು ಹೇಳುತ್ತಾರೆ ಲಕ್ಷ್ಮೀ. ಈ ಸೀರೆಯ ಮೇಲೆ ಪಂಢರಿಬಾಯಿ, ಲೀಲಾವತಿ, ಲಕ್ಷ್ಮೀ, ಆರುತಿ, ಮಂಜುಳಾ, ಕಲ್ಪನಾ, ಸುಹಾಸಿನಿ, ಮಾಧವಿ, ಸುಧಾರಾಣಿ, ಶ್ರುತಿ, ಪ್ರೇಮಾ, ಬಿ. ಸರೋಜಾದೇವಿ, ಮಹಾಲಕ್ಷ್ಮೀ, ಸರಿತಾ, ಗೀತಾ, ಜಯಂತಿ, ಭಾರತಿ, ಪದ್ಮಪ್ರಿಯಾ, ಸಾವಿತ್ರಿ ಮತ್ತು ಅಂಬಿಕಾ ಅವರ ಫೋಟೋಗಳಿವೆ. ಇನ್ನು ಬ್ಲೌಸ್ ಮೇಲೂ ಅವರ ಕೊಲಾಜ್ ಫೋಟೋಗಳಿವೆ.
