ರಿವ್ಯೂ ಚೆನ್ನಾಗಿದೆ.. ಆದರೆ, ಗಳಿಕೆ ಇಲ್ಲ!: ‘ಚಿತ್ರಕ್ಕೆ ಒಳ್ಳೆಯ ಪ್ರತಿಕ್ರಿಯೆ ಸಿಗುತ್ತಿದೆ. ಆದರೆ, ಜನರು ಸಿನಿಮಾ ನೋಡುತ್ತಿಲ್ಲ. ಅದೇ ತೆಲುಗಿನ ಅಲ್ಲು ಅರ್ಜುನ್ ಸಿನಿಮಾ ಬಿಡುಗಡೆ ಆಗಿ ಆರು ವಾರವಾದರೂ ಕರ್ನಾಟಕದಲ್ಲಿ ಹೌಸ್ಫುಲ್ ಪ್ರದರ್ಶನ ಕಾಣುತ್ತಿದೆ. ನಮ್ಮ ಸಿನಿಮಾಕ್ಕೆ ನಮ್ಮವರೇ ಏಕೆ ಬೆಂಬಲ ನೀಡುತ್ತಿಲ್ಲ. ನಿಜಕ್ಕೂ ಇದು ಬೇಸರದ ಸಂಗತಿ’- ಹೀಗೆ ಕೊಂಚ ಬೇಸರದಲ್ಲಿ ಕನ್ನಡ ಸಿನಿಮಾಗಳ ಪರಿಸ್ಥಿತಿ ಬಗ್ಗೆ ಹೇಳಿಕೊಂಡರು ‘ಜಂಟಲ್ವುನ್’ ಚಿತ್ರದ ನಿರ್ವಪಕ ಗುರು ದೇಶಪಾಂಡೆ. ‘ಕನ್ನಡದಲ್ಲಿ ಒಳ್ಳೆಯ ಸಿನಿಮಾ ಬರಲ್ಲ ಎನ್ನುತ್ತಿದ್ದರು. ಒಳ್ಳೇ ಚಿತ್ರ ಬಂದಮೇಲೆ ಅದನ್ನು ಸ್ವೀಕರಿಸುವವರಿಲ್ಲ ಎಂಬುದು ವಿಪರ್ಯಾಸ. ವಿಮರ್ಶೆ ದೃಷ್ಟಿಯಿಂದ ಸಿನಿಮಾ ಗೆದ್ದರೂ, ಗಳಿಕೆಯ ವಿಚಾರದಲ್ಲಿ ನಿರೀಕ್ಷಿತ ಮಟ್ಟ ತಲುಪಿಲ್ಲ. ಸಿನಿಮಾ ಮಾಡುವುದೇ ಹಣ ಮಾಡುವುದಕ್ಕೆ ಎಂದಮೇಲೆ, ಆ ಹಣವೇ ಬರಲಿಲ್ಲ ಎಂದರೆ ನಿರ್ವಪಕರ ಸ್ಥಿತಿ ಏನಾಗಬೇಡ. ಇದು ಕೇವಲ ನನ್ನೊಬ್ಬನ ಸಿನಿಮಾಕ್ಕೆ ಎದುರಾದ ಸಂಕಷ್ಟ ಅಲ್ಲ. ‘ದಿಯಾ’, ‘ಲವ್ ಮಾಕ್ಟೇಲ್’, ‘ನಾನು ಮತ್ತು ಗುಂಡ’ ಚಿತ್ರಕ್ಕೂ ಹೀಗೇ ಆಗಿದೆ’ ಎನ್ನುತ್ತಾರೆ ಗುರು.
