ತಾನು ಯಶ್ ಅಭಿಮಾನಿ ಎಂದ ಶಿವರಾಜಕುಮಾರ್, ‘ನನಗೆ ಅವರ ಡ್ಯಾನ್ಸ್ ಬಹಳ ಇಷ್ಟ. ಯಶ್ ಒಬ್ಬರೇ ಅಲ್ಲ, ಅಪು್ಪ, ವಿನೋದ್ ರಾಜ್, ಶಶಿಕುಮಾರ್, ಧ್ರುವ ಡ್ಯಾನ್ಸ್ ಮಾಡುವುದೆಂದರೆ ನೋಡುವುದು ಖುಷಿ. ಯಶ್ ನೋಡಿದರೆ ಖುಷಿಯಾಗುತ್ತದೆ. ‘ತಮಸ್ಸು’ ಚಿತ್ರದಲ್ಲಿ ಸಣ್ಣ ಪಾತ್ರ ಮಾಡಿದ್ದರು. ಒಂದು ದಿನದ ಅತಿಥಿಯಾಗಿ ಅವರು ಕಾಣಿಸಿಕೊಂಡಿದ್ದರು. ಅವರು ಬೆಳೆದ ರೀತಿ ಬಹಳ ಪಾಸಿಟಿವ್ ಆಗಿದೆ. ಇಂಡಿಯಾ ಲೆವೆಲ್ ನಟನಾಗಿದ್ದರೂ ಅವರು ಬದಲಾಗಿಲ್ಲ. ಒಳ್ಳೆಯತನ ಇದ್ದರೆ ಒಳ್ಳೆಯದೇ ಆಗುತ್ತದೆೆ’ ಎಂದರು. ನಂತರ ಶಿವಣ್ಣ, ಪುನೀತ್ ಮತ್ತು ಯಶ್ ಜತೆಯಾಗಿ ಹಾಡಿಗೆ ಹೆಜ್ಜೆ ಹಾಕಿದರು. ಸಮಾರಂಭದಲ್ಲಿ ನಿರ್ದೇಶಕ ಹರ್ಷ, ಶ್ರುತಿ, ಭಾವನಾ ಮೆನನ್, ದಿನಕರ್ ತೂಗುದೀಪ, ಸಂತೋಷ್ ಆನಂದರಾಮ್ ಸೇರಿದಂತೆ ಹಲವರು ಭಾಗವಹಿಸಿದ್ದರು.
