ಮಾಲ್ಡೀವ್ಸ್​ನಲ್ಲಿ ರಜ-ಮಜ - ಕಡಲಕಿನಾರೆಯಲ್ಲಿ ಮೋಜು-ಮಸ್ತಿ

ಕಳೆದ ತಿಂಗಳಷ್ಟೇ ‘ಹಂಗಾಮಾ - 2’ ಎಂಬ ಬಾಲಿವುಡ್ ಚಿತ್ರದ ಚಿತ್ರೀಕರಣದಲ್ಲಿ ಭಾಗಿಯಾಗಿದ್ದ ಪ್ರಣೀತಾ ಸುಭಾಶ್, ಇದೀಗ ಎಲ್ಲಾ ಕೆಲಸಗಳನ್ನು ಮುಗಿಸಿ ಮಾಲ್ಡೀವ್ಸ್​ಗೆ ಫ್ಲೈಟು ಹತ್ತಿದ್ದಾರೆ. ಮುಂದಿನ ಕೆಲವು ದಿನಗಳ ಕಾಲ ಅಲ್ಲಿನ ಸಮುದ್ರ ತೀರದಲ್ಲಿ ಪ್ರಣೀತಾ ರಜೆ ಕಳೆಯುತ್ತಿದ್ದಾರೆ. ಸಾಮಾನ್ಯವಾಗಿ ನಟ-ನಟಿಯರೆಲ್ಲಾ ವರ್ಷಕ್ಕೊಂದಾವರ್ತಿ ವಿದೇಶಕ್ಕೆ ಹೋಗಿ ಅಲ್ಲಿ ಕೆಲವು ದಿನಗಳ ಕಾಲ ವಿಶ್ರಾಂತಿ ಪಡೆದು ಬರುವುದುಂಟು. ಆದರೆ, ಈ ಬಾರಿ ಕರೊನಾದಿಂದಾಗಿ ಯಾರೂ, ಎಲ್ಲೂ ಹೋಗದಂತಹ ಪರಿಸ್ಥಿತಿ ನಿರ್ಮಾಣವಾಗಿತ್ತು.

ಈಗ ಎಲ್ಲವೂ ಸಹಜಸ್ಥಿತಿ ಗೆ ಬರುತ್ತಿರುವಂತೆ ಒಬ್ಬೊಬ್ಬರೇ ಒಂದಿಷ್ಟು ರಜೆ ಪಡೆದು, ವಿಶ್ರಾಂತಿಗೆ ಹೊರಟು ನಿಂತಿದ್ದಾರೆ. ಸಾಮಾನ್ಯವಾಗಿ ಎಲ್ಲರೂ ಯೂರೋಪ್ ಕಡೆಗೆ ಹೋಗುವುದುಂಟು. ಆದರೆ, ಕರೊನಾ ಅಲ್ಲಿನ್ನೂ ಪೂರ್ತಿಯಾಗಿ ತಗ್ಗಿಲ್ಲವಾದ್ದರಿಂದ, ಮಾಲ್ಡೀವ್ಸ್​ನತ್ತ ಎಲ್ಲರ ದೃಷ್ಟಿ ನೆಟ್ಟಿದೆ.

ಬರೀ ಪ್ರಣೀತಾ ಅಷ್ಟೇ ಅಲ್ಲ, ಹಲವು ನಟ-ನಟಿಯರು ಕಳೆದ ಕೆಲವು ದಿನಗಳಲ್ಲಿ ಮಾಲ್ಡೀವ್ಸ್​ನತ್ತ ಮುಖ ಮಾಡುತ್ತಿದ್ದಾರೆ. ಹೊಸದಾಗಿ ಮದುವೆಯಾಗಿರುವ ಕಾಜಲ್ ಅಗರ್​ವಾಲ್, ತಮ್ಮ ಪತಿಯ ಜತೆಗೆ ಅಲ್ಲಿ ಹನಿಮೂನ್​ನಲ್ಲಿದ್ದಾರೆ. ಇನ್ನು ಟೈಗರ್ ಶ್ರಾಫ್, ವೇದಿಕಾ ಸಹ ಮಾಲ್ಡೀವ್ಸ್​ನಲ್ಲೇ ಇದ್ದಾರೆ. ಕಳೆದ ವಾರವಷ್ಟೇ ಖ್ಯಾತ ಬ್ಯಾಡ್ಮಿಂಟನ್ ತಾರೇ ಸೈನಾ ನೆಹವಾಲ್, ಅಲ್ಲಿ ವಿಶ್ರಾಂತಿಗೆಂದು ಹೋಗಿದ್ದರು. ಇನ್ನು ಕಳೆದ ತಿಂಗಳು ತಾಪ್ಸಿ ಪನ್ನು ತಮ್ಮ ಗೆಳೆತಿಯರ ಜತೆಗೆ ಮಾಲ್ಡೀವ್ಸ್​ನ ಕಡಲಕಿನಾರೆಯಲ್ಲಿ ಫೋಟೋ ತೆಗೆಸಿಕೊಂಡು ಬಂದರು.

https://www.vijayavani.net/bihar-govt-formation-nitish-tenders-resignation-to-governor-ahead-of-nda-meet-on-nov-15/