ಜಾಕ್​ಲೀನ್​ಗೆ ಬಾಯ್ಕಾಟ್ ಬಿಸಿ!

ಜಾಕ್​ಲೀನ್ ಫರ್ನಾಂಡಿಸ್​ಗೆ ಬಾಲಿವುಡ್ ಅಲಿಖಿತ ಬಹಿಷ್ಕಾರ ಹಾಕಿದೆಯಾ? ಇಂಥದ್ದೊಂದು ಪ್ರಶ್ನೆ ಇದೀಗ ಎಲ್ಲೆಡೆ ಕೇಳಿ ಬರುತ್ತಿದೆ. ಅದಕ್ಕೆ ಕಾರಣವೂ ಇದೆ. ಕೆಲವೇ ವರ್ಷಗಳ ಹಿಂದೆ ಜಾಕ್​ಲೀನ್, ಬಾಲಿವುಡ್​ನ ಅತ್ಯಂತ ಬೇಡಿಕೆಯ ನಟಿಯಾಗಿದ್ದರು. ಆದರೆ, ಯಾವಾಗ ಅವರ ಹೆಸರು ವಂಚಕ ಸುಕೇಶ್ ಚಂದ್ರಶೇಖರ್ ಜತೆಗೆ ತಳಕು ಹಾಕಿಕೊಂಡಿತೋ, ಆಗಿನಿಂದ ಜಾಕ್​ಲೀನ್​ಗೆ ಬಾಲಿವುಡ್​ನಲ್ಲಿ ಬೇಡಿಕೆ ಕಡಿಮೆಯಾಗುತ್ತಿದೆ.

ಹೌದು, ಬಾಲಿವುಡ್​ನಲ್ಲಿ ಜಾಕ್​ಲೀನ್​ಗೆ ಬೇಡಿಕೆ ಬಹಳ ಕಡಿಮೆಯಾಗಿದೆ. ಈ ವರ್ಷ ಈಗಾಗಲೇ ಜಾಕ್​ಲೀನ್ ಅಭಿನಯದ ‘ಬಚ್ಚನ್ ಪಾಂಡೆ’, ‘ಅಟ್ಯಾಕ್’ ಮತ್ತು ‘ವಿಕ್ರಾಂತ್ ರೋಣ’ ಚಿತ್ರಗಳು ಬಿಡುಗಡೆಯಾಗಿವೆ. ಮುಂದಿನ ದಿನಗಳಲ್ಲಿ ‘ಸರ್ಕಸ್’ ಮತ್ತು ‘ರಾಮ್ ಸೇತು’ ಚಿತ್ರಗಳು ಬಿಡುಗಡೆಯಾಗಲಿವೆ. ಇವೆಲ್ಲವೂ ವಂಚನೆ ಪ್ರಕರಣದಲ್ಲಿ ಅವರ ಹೆಸರು ಕೇಳಿಬರುವ ಮೊದಲು ಒಪ್ಪಿಕೊಂಡ ಚಿತ್ರಗಳು. ಆ ನಂತರ ಜಾಕ್​ಲೀನ್ ಯಾವ ಹೊಸ ಚಿತ್ರವನ್ನೂ ಒಪ್ಪಿಕೊಂಡಿಲ್ಲ.

ಒಪ್ಪಿಕೊಂಡಿಲ್ಲ ಎನ್ನುವುದಕ್ಕಿಂತ ಯಾರೊಬ್ಬರು ಸಹ ಜಾಕ್​ಲೀನ್​ಗೆ ಅವಕಾಶ ಕೊಡುವುದಕ್ಕೆ ಮುಂದಾಗುತ್ತಿಲ್ಲ ಎಂದು ಹೇಳಲಾಗುತ್ತಿದೆ. ಒಂದೊಮ್ಮೆ ಅವಕಾಶ ಕೊಟ್ಟು, ನಾಳೆ ಜಾಕ್​ಲೀನ್ ಸೆರೆವಾಸ ಅನುಭವಿಸಬೇಕಾಗಿ ಬಂದರೆ, ಆಗ ಚಿತ್ರಕ್ಕೆ ಸಮಸ್ಯೆ ಎಂಬ ಭಯದಿಂದ ಬಾಲಿವುಡ್ ಮಂದಿ ಅವರನ್ನು ಅಲಿಖಿತ ಬಹಿಷ್ಕಾರ ಹಾಕಿದೆ ಎಂದು ಹೇಳಲಾಗುತ್ತಿದೆ. ಅದೇ ಕಾರಣಕ್ಕೆ, ಕಳೆದೊಂದು ವರ್ಷದಿಂದ ಯಾವುದೇ ಹೊಸ ಚಿತ್ರದಲ್ಲೂ ಜಾಕ್​ಲೀನ್ ಹೆಸರು ಕಾಣಿಸಿಲ್ಲ. -ಏಜೆನ್ಸೀಸ್

https://www.vijayavani.net/siddaramaiah-sringeri-visit-opposition-go-back-campaign/

https://www.vijayavani.net/high-court-workers-minimum-wage-order/