ನನ್ನ ದೇಹ, ನನ್ನ ಇಷ್ಟ; ಬಾಡಿ ಶೇಮಿಂಗ್​ ಮಾಡಿದವರ ವಿರುದ್ಧ ಕಿಡಿಕಾರಿದ ಸಾರಾ ತೆಂಡೂಲ್ಕರ್! Sara Tendulkar

ಇತ್ತೀಚೆಗೆ ಮುಂಬೈನ ವಿಮಾನ ನಿಲ್ದಾಣದಲ್ಲಿ  ಸಾರಾ ತೆಂಡೂಲ್ಕರ್ ಕಾಣಿಸಿಕೊಂಡಾಗ, ಅಲ್ಲಿ ನೆರೆದಿದ್ದ ಫೋಟೋಗ್ರಾಫರ್​ಗಳು ಅವರ ಅನುಮತಿಯಿಲ್ಲದೆ ಫೋಟೋವನ್ನು ಕ್ಲಿಕ್ಕಿಸಿಕೊಂಡು ಸೋಶಿಯಲ್​ ಮೀಡಿಯಾದಲ್ಲಿ ದಪ್ಪಗಿರುವವಳು ಸಾರಾ, ಅವಳ ಪಕ್ಕದಲ್ಲಿರುವ ಮಹಿಳೆ ಅವಳ ಅತ್ತಿಗೆ ಎಂದು ಶೀರ್ಷಿಕೆ ಬರೆದು ಪೋಸ್ಟ್​ ಮಾಡಿದ್ದರು. 

ಆದಾಗ್ಯೂ, ಸಾರಾ ಯಾವುದೇ ಹಿಂಜರಿಕೆಯಿಲ್ಲದೇ ತಮ್ಮ ಇನ್​ಸ್ಟಾಗ್ರಾಮ್​ ಸ್ಟೋರಿಯಲ್ಲಿ ಪೋಸ್ಟ್​ನ ಸ್ಕ್ರೀನ್​ ಶಾಟ್​ ಹಂಚಿಕೊಂಡು ನೀವು ಅಸಹ್ಯಕರರು. ಇದು ಪತ್ರಿಕೋದ್ಯಮ ಅಲ್ಲ. ಒಂಟಿಯಾಗಿರಲು ನಮ್ಮನ್ನು ನಮ್ಮ ಪಾಡಿಗೆ ಬಿಟ್ಟುಬಿಡಿ ಎಂದು ಬರೆದು ಪೋಸ್ಟ್​ ಮಾಡಿದ್ದಾರೆ. 

 ಸಾರಾ ಅವರ ಪೋಸ್ಟ್​ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದ್ದಂತೆಯೇ ಎಚ್ಚೆತ್ತುಕೊಂಡ ಬಳಕೆದಾರ ಅವರ ಪೋಸ್ಟ್​ನ್ನು ಡಿಲೀಟ್​ ಮಾಡಿದ್ದಾರೆ. ಅದಕ್ಕೆ  ಪ್ರತಿಕ್ರಿಯಿಸಿದ ನಟಿ ಕೇವಲ ಪೋಸ್ಟ್ ಅಳಿಸಿದ ತಕ್ಷಣ ಮಾಡಿದ ತಪ್ಪು ಇಲ್ಲವಾಗುವುದಿಲ್ಲ ಎಂಬುದನ್ನು ತಿಳಿದುಕೊಳ್ಳಿ ಎಂದು ಕಿಡಿಕಾರಿದ್ದಾರೆ. 

ಈ ಘಟನೆಯು ಹೆಚ್ಚುತ್ತಿರುವ ಪ್ರವೃತ್ತಿಗಳನ್ನು ತೋರಿಸುತ್ತಿದೆ. ಸಾಮಾನ್ಯವಾಗಿ ಸಾಂಪ್ರದಾಯಿಕ ಮಾಧ್ಯಮಗಳು ಸೆಲೆಬ್ರಿಟಿಗಳ ಫ್ಯಾಷನ್, ಸಿನಿಮಾಗಳು ಮತ್ತು ಅವರ ಪ್ರಯಾಣದ ಮೇಲೆ ಮಾತ್ರ ಗಮನಹರಿಸುತ್ತವೆ. ಆದರೆ, ಇತ್ತೀಚಿನ ದಿನಗಳಲ್ಲಿ ಇನ್​ಸ್ಟಾಗ್ರಾಮ್, ಫೇಸ್​ಬುಕ್, ಎಕ್ಸ್​ನಂತಹ ಖಾತೆಗಳು ಬರೀ ಲೈಕ್​, ಕಾಮೆಂಟ್​ ಮತ್ತು ಎಂಗೇಜ್​​ಮೆಂಟ್​ಗಾಗಿ ತಾರೆಯರ ಫೋಟೋಗಳನ್ನು ಬಳಸಿಕೊಳ್ಳುತ್ತಾರೆ. 

ಆದಾಗ್ಯೂ, ಸಾರಾ ತೆಂಡೂಲ್ಕರ್ ತಮಗೆ ಅವಮಾನ ಮಾಡಿದ ಫೋಟೋಗ್ರಾಫರ್ ಖಾತೆಯ ಹೆಸರನ್ನು ಸಾರ್ವಜನಿಕವಾಗಿ ಬಹಿರಂಗಪಡಿಸಿ ಅವರನ್ನು ತರಾಟೆಗೆ ತೆಗೆದುಕೊಂಡ ನಿರ್ಧಾರ ಇಂದಿನ ಡಿಜಿಟಲ್​ ಜಗತ್ತಿನಲ್ಲಿ ಅತ್ಯಂತ ಧೈರ್ಯದ ನಡೆಯಾಗಿ ಹೊರಹೊಮ್ಮಿದೆ.  ಅಂತಹ ಪೋಸ್ಟ್‌ಗಳನ್ನು 'ಪತ್ರಿಕೋದ್ಯಮವಲ್ಲ' ಎಂದು ಲೇಬಲ್ ಮಾಡುವ ಮೂಲಕ, ಅವರು ಕಾನೂನುಬದ್ಧ ವರದಿ ಮತ್ತು ಕಿರುಕುಳದ ನಡುವೆ ಸ್ಪಷ್ಟವಾದ ಗೆರೆಯನ್ನು ಎಳೆದಿದ್ದಾರೆ (ಏಜೆನ್ಸೀಸ್).