ಈ ವರ್ಷ ಕೆಲ ಹೈ-ಪ್ರೊಫೈಲ್ ವಿಚ್ಛೇದನಗಳಿಗೆ ಭಾರತೀಯ ಚಿತ್ರರಂಗ ಸಾಕ್ಷಿಯಾಗಿದೆ. ತಮಿಳು ನಾಡು ಸಿಎಂ, ನಟ ಜೋಸೆಫ್ ವಿಜಯ್ & ಸಂಗೀತಾ ಸ್ವರ್ಣಲಿಂಗಂ ಜೋಡಿ, ಮಾಹಿ ವಿಜ್ & ಜೈ ಭಾನುಶಾಲಿ, ಈವ್ಲಿನ್ ಶರ್ಮಾ & ತುಷಾನ್ ಭಿಂಡಿ, ಹನ್ಸಿಕಾ ಮೊಟ್ವಾನಿ & ಸುಹೈಲ್ ಖಟುರಿಯಾ, ಮೌನಿ ರಾಯ್ & ಸೂರಜ್ ನಂಬಿಯಾರ್ ದಂಪತಿ ಈ ವರ್ಷ ವಿಚ್ಛೇದನ ಪಡೆಯುವ ಮೂಲಕ ಸುದ್ದಿಯಾಗಿದ್ದರು. ಎಲ್ಲರೂ ಹಲವು ವರ್ಷ ಸಂಸಾರ ಮಾಡಿ, ಕೊನೆಗೆ ಹೊಂದಾಣಿಕೆಯಾಗದ ಕಾರಣ ಪರಸ್ಪರ ದೂರಾಗಲು ನಿರ್ಧರಿಸಿದ್ದರು. ಆದರೆ, ಇಲ್ಲೊಂದು ತಾರಾ ಜೋಡಿ ಮದುವೆಯಾದ ಐದೇ ತಿಂಗಳಲ್ಲಿ ವಿಚ್ಛೇದನಕ್ಕೆ ಮುಂದಾಗಿದ್ದಾರೆ. ಹೌದು, ಖ್ಯಾತ ರ್ಯಾಪರ್, ಸಂಗೀತ ನಿರ್ದೇಶಕ ಬಾದ್ಶಾ ಮತ್ತು ಪಂಜಾಬಿ ನಟಿ ಇಶಾ ರಿಖಿ ಕಳೆದ ಮಾರ್ಚ್ನಲ್ಲಷ್ಟೇ ದಾಂಪತ್ಯ ಜೀವನಕ್ಕೆ ಕಾಲಿರಿಸಿದ್ದರು. ಇಬ್ಬರ ನಡುವೆ ವೈಮನಸ್ಸು ಉಂಟಾಗಿದೆ ಎಂಬ ಸುದ್ದಿ ಕಳೆದ ಒಂದು ತಿಂಗಳಿನಿಂದ ಬಾಲಿವುಡ್ ಅಂಗಳದಲ್ಲಿ ಹರಿದಾಡುತ್ತಿತ್ತು. ಅದಕ್ಕೆ ಪೂರಕ ಎಂಬಂತೆ ಇಶಾ ಸಾಮಾಜಿಕ ಜಾಲತಾಣದಲ್ಲಿ ಕೆಲ ಪೋಸ್ಟ್ಗಳನ್ನು ಹಾಕಿದ್ದರು. ಇದೀಗ ಸೋಮವಾರ (ಆ. 31) ವಿಚ್ಛೇದನಕ್ಕೆ ಮುಂದಾಗಿರುವ ಬಗ್ಗೆ ಮೊದಲ ಬಾರಿಗೆ ಬಾದ್ಶಾ ಅಧಿಕೃತವಾಗಿ ಹೇಳಿಕೊಂಡಿದ್ದಾರೆ. "ನಾನು ಮತ್ತು ಇಶಾ ಪರಸ್ಪರ ದೂರಾಗಿ, ನಮ್ಮ ದಾರಿಗಳಲ್ಲಿ ಸಾಗಲು ನಿರ್ಧರಿಸಿದ್ದೇವೆ. ಇಬ್ಬರೂ ಗೌರವಪೂರಕವಾಗಿ ಒಪ್ಪಿಯೇ ಈ ನಿರ್ಧಾರ ತೆಗೆದುಕೊಂಡಿದ್ದೇವೆ. ಈ ಸಮಯದಲ್ಲಿ ಎಲ್ಲರೂ ನಮ್ಮ ಖಾಸಗಿತನವನ್ನು ಗೌರವಿಸಬೇಕೆಂದು ಮನವಿ ಮಾಡಿಕೊಳ್ಳುತ್ತೇವೆ. ಈ ವಿಷಯದ ಬಗ್ಗೆ ಇದೇ ನಮ್ಮ ಹೇಳಿಕೆ. ನಮ್ಮ ಸಂಬಂಧದ ಬಗ್ಗೆ ಇನ್ನು ಯಾವುದೇ ಊಹಾಪೋಹ ಬೇಡ' ಎಂದು ಬಾದ್ಶಾ ಬರೆದುಕೊಂಡಿದ್ದಾರೆ.
_1788441824529.webp?w=480&auto=format%2Ccompress&fit=max)
