ನಾಸಿರುದ್ದೀನ್​ ಷಾ 'ಗುಳ್ಳೆ ನರಿ': ಅವರು ಭಾರತದ ಅನ್ನ ತಿಂದು, ಪಾಕಿಸ್ತಾನ ಭಜನೆ ಮಾಡುತ್ತಾರೆ; ಬಾಲಿವುಡ್​ ತಾರೆಗಳ ವಿರುದ್ಧ ಕಂಗನಾ ಕಿಡಿನುಡಿ! Kangana Ranaut on Bollywood

ನವದೆಹಲಿ: ದೆಹಲಿಯ ಜಂತರ್​-ಮಂತರ್​ನಲ್ಲಿ ನಡೆದಿದ್ದ ಪ್ರತಿಭಟನೆಗೆ ಬೆಂಬಲ ಸೂಚಿಸಿದ್ದ ಬಾಲಿವುಡ್​​ ನಟ-ನಟಿಯರು, ಈಗ ಜಾರ್ಖಂಡ್​ನಲ್ಲಿ ನಡೆಯುತ್ತಿರುವ ಹೋರಾಟದ ಬಗ್ಗೆ ಮೌನವಹಿಸಿರುವುದಕ್ಕೆ ನಟಿ, ಬಿಜೆಪಿ ಸಂಸದೆ ಕಂಗನಾ ರಣಾವತ್ (Kangana Ranaut on Bollywood) ​ ಕಿಡಿಕಾರಿದ್ದಾರೆ.

ಕೆಲ ದಿನಗಳ ಹಿಂದೆ ಈ ಬಗ್ಗೆ ತಮ್ಮ ಇನ್​ಸ್ಟಾಗ್ರಾಮನ್​ಲ್ಲಿ ಬರೆದುಕೊಂಡಿದ್ದ ಕಂಗನಾ, ಹಿರಿಯ ನಟ ನಾಸಿರುದ್ದೀನ್ ಷಾ ಒಬ್ಬ ಗುಳ್ಳೆ ನರಿ ಎಂದು ಕರೆದಿದ್ದರು. ಜಂತರ್​-ಮಂತರ್​ ಸಂದರ್ಭದಲ್ಲಿ ವಿಡಿಯೋ ಮೇಲೆ ವಿಡಿಯೋ ಮಾಡುತ್ತಿದ್ದ ನಾಸಿರುದ್ದೀನ್ ಷಾ ಈಗ ಎಲ್ಲಿದ್ದಾರೆ? ಅವರ ಜೊತೆ ಸೇರಿ ವಿಡಿಯೋ ಮಾಡುತ್ತಿದ್ದ ಉಳಿದವರು ಈಗ ಎಲ್ಲಿದ್ದಾರೆ? ದೆಹಲಿಗಾಗಿ ಮಿಡಿದ ಹೃದಯ ಜಾರ್ಖಂಡ್​ಗಾಗಿ ಏಕೆ ಮಿಡಿಯುತ್ತಿಲ್ಲ? ಎಂದು ನಟಿ ಪ್ರಶ್ನಿಸಿದ್ದರು.

ಬಾಲಿವುಡ್​ ಮತ್ತು ಪಾಕಿಸ್ತಾನದ ಸಂಬಂಧ ಇಷ್ಟು ವರ್ಷವಾದರೂ ಮುಗಿದಿಲ್ಲ. ಇವರ ಎಲ್ಲಾ ಪ್ರೇಮಕತೆಗಳು ಪಾಕಿಸ್ತಾನದ ಜೊತೆಗೆ ಇರುತ್ತದೆ. ಇವರಿಗೆ ಆ ದೇಶದ ಮೇಲಿನ ಪ್ರೀತಿ ಇಲ್ಲಿ ತನಕ ಕಡಿಮೆಯೇ ಆಗಿಲ್ಲ.

ಇವರ ಈ ನಡುವಳಿಕೆಗಾಗಿ ನಾನು ನಾಸಿರುದ್ದೀನ್​ ಷಾ ರನ್ನು ಗುಳ್ಳೆ ನರಿ ಎಂದಿದ್ದು, ನಾನು ಹೇಳಿದ್ದ ಮಾತನ್ನು ನಾನು ಖಂಡಿತವಾಗಿ ಸಮರ್ಥಿಸಿಕೊಳ್ಳುತ್ತೇನೆ, ಅವರ ವರ್ತನೆ ನಾನು ಹೇಳಿದ ಪ್ರಕಾರವೇ ಇದೆ ಎಂದು ಕಂಗನಾ ಸ್ಪಷ್ಟನೆ ನೀಡಿದ್ದಾರೆ, (ಏಜನ್ಸೀಸ್​).