ಮುಂಢೆ ಒಪ್ಪಿಗೆ ಕೊಟ್ಟಿದ್ದಾರಾ? ಹೋಟೆಲ್​ ಊಟದ ಮೇಲೆ ನಟಿಗೆ ಅನುಮಾನ; ಆಯುಕ್ತ ತುಕಾರಾಂ ರನ್ನು ಹೊಗಳಿದ ಟ್ವಿಂಕಲ್​ ಖನ್ನಾ! Twinkle Khanna praises Tukaram mundhe

ಮುಂಬೈ: ಸದ್ಯ ಕರ್ನಾಟಕ, ಮಹಾರಾಷ್ಟ್ರ ಸೇರಿದಂತೆ ದೇಶದ ಹಲವು ಕಡೆಗಳಲ್ಲಿ ಆಹಾರ ಉತ್ಪನ್ನಗಳ ಪರೀಕ್ಷೆ ಹಾಗೂ ಖ್ಯಾತ ಹೋಟೆಲ್​ ಮತ್ತು ರೆಸ್ಟೋರೆಂಟ್​ಗಳ ಮೇಲೆ ಆಹಾರ ಸುರಕ್ಷಾ ಅಧಿಕಾರಿಗಳು ನಡೆಸುತ್ತಿರುವ ದಾಳಿಗಳ ಸುದ್ದಿ ಸಾಕಷ್ಟ ಸದ್ದು ಮಾಡುತ್ತಿದೆ.

ಈ ದಾಳಿಗಳ ಮೂಲ ಹಾಗೂ ಆರಂಭವನ್ನು ಮಹಾರಾಷ್ಟ್ರದ ಆಹಾರ ಮತ್ತು ಔಷಧ ಇಲಾಖೆಯ ಆಯುಕ್ತರಾದ ತುಕಾರಾಂ ಮುಂಢೆ ಚಾಲ್ತಿಗೆ ತಂದರು ಎಂದರೂ ತಪ್ಪಾಗದು.

ಈಗ ಮಹಾರಾಷ್ಟ್ರದಲ್ಲಿ ನಡೆಯುತ್ತಿರುವ ಆಹಾರ ಮತ್ತು ಔಷಧ ಇಲಾಖೆಯ ನಿರಂತರ ದಾಳಿಗಳ ಬಗ್ಗೆ ಬಾಲಿವುಡ್​ ನಟಿ ಹಾಗೂ ಅಂಕಣಗಾರ್ತಿ ಟ್ವಿಂಕಲ್​ ಖನ್ನಾ (Twinkle Khanna praises Tukaram Munde) ನೀಡಿರುವ ಹೇಳಿಕೆ ಎಲ್ಲಡೆ ವೈರಲ್​ ಆಗುತ್ತಿದೆ.

ಕಳೆದ ಕೆಲ ದಿನಗಳಿಂದ ರಾಜ್ಯದಲ್ಲಿ ಆಹಾರ ಪರೀಕ್ಷಾ ಅಧಿಕಾರಿಗಳಿಂದ ಖ್ಯಾತ ಹೋಟೆಲ್​ ಮತ್ತು ರೆಸ್ಟೋರೆಂಟ್​ಗಳ ಮೇಲೆ ದಾಳಿ ನಡೆದು ಅಲ್ಲಿ ತಯಾರಾಗುವ ಆಹಾರ ತಿನ್ನಲು ಯೋಗ್ಯವಲ್ಲ ಎಂಬ ಮಾಹಿತಿ ಹೊರಬರುತ್ತಿದೆ.

ಮೊದಲೆಲ್ಲಾ ನಾನು, ಪನೀರ್​ ಟಿಕ್ಕಾ, ಪನೀರ್​ ರೋಲ್​ಗಳನ್ನು ಹೋಟೆಲ್​ಗಳಿಂದ ತರಿಸಿಕೊಳ್ಳುತ್ತಿದೆ. ಆದರೆ ಯಾವಾಗ ತುಕಾರಾಂ ಮುಂಧೆ ಅವರು ಹೋಟೆಲ್​ಗಳ ಮೇಲೆ ರೇಡ್​ ನಡೆಸಲು ಪ್ರಾರಂಭಿಸಿದರೋ ಅಂದಿನಿಂದ ನಾನು ಮನೆಯಲ್ಲೇ ಪನೀರ್​​ ಅನ್ನು ತಯಾರಿಸುತ್ತಿದ್ದೆನೆಂದು ಟ್ವಿಂಕಲ್​ ಹೇಳಿದ್ದಾರೆ.

ನಾನು ಮೊದಲಿನಿಂದಲೂ ಊಟದ ಬಗ್ಗೆ ಅತೀಯಾದ ಆಸಕ್ತಿ ಹೊಂದಿದವಳು. ಆದರೆ, ನಾವು ತಿನ್ನುವು ಆಹಾರ ಶುದ್ಧವಾಗಿ, ಆರೋಗ್ಯಕರವಾಗಿರಬೇಕು. ಆದರೆ, ಇಂದು ನಾವು ಸೇವಿಸುತ್ತಿರುವ ಆಹಾರಗಳಲ್ಲಿ ಕಲಬೆರಿಕೆ ಕಂಡು ಬರುತ್ತಿದೆ. ಇದು ಆತಂಕಕಾರಿ ಸಂಗತಿಯಾಗಿದೆ ಎಂದಿದ್ದಾರೆ.

ಅದಕ್ಕೆ ನಾನು ಈಗ ಯಾವುದೇ ಹೋಟೆಲ್​ಗೆ ಊಟಕ್ಕೆಂದು ತೆರಳಿದಾಗ, ವೇಟರ್​ ಬಳಿ ಮೊದಲು, ನಿಮ್ಮ ಹೋಟೆಲ್​ ಮೇಲೆ ತುಕಾರಾಂ ಮುಂಢೆ ರೇಡ್​ ಮಾಡಿದ್ದಾರಾ? ನಿಮ್ಮ ಆಹಾರಗಳಿಗೆ ಒಪ್ಪಿಗೆ ನೀಡಿದ್ದಾರಾ? ಎಂದು ಮೊದಲು ಕೇಳುತ್ತೇನೆ, ಆಮೇಲೆ ಊಟ ಆರ್ಡರ್​ ಮಾಡುತ್ತೇನೆಂದು ಖನ್ನಾ ತಿಳಿಸಿದ್ದಾರೆ, (ಏಜನ್ಸೀಸ್​).