ಮಾದಕ ವ್ಯಸನ ಮತ್ತು ಡ್ರಗ್ ಪೆಡ್ಲಿಂಗ್ ಪ್ರಕರಣಗಳು ಎಲ್ಲ ಚಿತ್ರರಂಗಗಳನ್ನೂ ಬೆಂಬಿಡದೆ ಕಾಡುತ್ತಿವೆ. ಕೆಲ ವರ್ಷಗಳ ಹಿಂದೆ ಕನ್ನಡ ಚಿತ್ರರಂಗದಲ್ಲೂ ಡ್ರಗ್ಸ್ ಕೇಸ್ ಸದ್ದು ಮಾಡಿತ್ತು. ಟಾಲಿವುಡ್ನಲ್ಲಿ ಅಪರೂಪಕ್ಕೊಮ್ಮೆ ಇಂತಹ ಪ್ರಕರಣಗಳು ಸುದ್ದಿಯಾಗುತ್ತಿರುತ್ತವೆ. ಇನ್ನು ಮಾಲಿವುಡ್ನಲ್ಲಿ ಕಳೆದ ಎರಡು ವರ್ಷಗಳಿಂದ ಹಲವು ನಟ, ನಟಿಯರ ವಿರುದ್ಧ ಡ್ರಗ್ಸ್ ಸೇವನೆ ಪ್ರಕರಣಗಳು ಸಾಲಾಗಿ ದಾಖಲಾಗಿವೆ. ಬಾಲಿವುಡ್ ಸಹ ಇದರಿಂದ ಹೊರತಾಗಿಲ್ಲ. ವಾಟ್ಸಾಪ್ ಮತ್ತು ಸ್ನಾಪ್ ಚಾಟ್ಗಳ ಮೂಲಕ ವ್ಯಸನಿಗಳನ್ನು ಸಂಪರ್ಕಿಸಿ ಡ್ರಗ್ ಪೆಡ್ಲಿಂಗ್ ಮಾಡುತ್ತಿದ್ದ ಬಾಲಿವುಡ್ ನಟನನ್ನು ಮುಂಬೈ ಪೊಲೀಸರು ಬಂಧಿಸಿದ್ದಾರೆ. ಹೆಸರು ರೊಹುಲ್ಲಾಹ್ ಮೆಹ್ದಿ. ಶಾಹಿದ್ ಕಪೂರ್ ನಟಿಸಿದ್ದ "ದೇವ' (2025) ಸೇರಿ ಕೆಲ ಸಿನಿಮಾಗಳು, ಸರಣಿ, ಧಾರಾವಾಹಿಗಳಲ್ಲಿ ನಟಿಸಿರುವ ಮೆಹ್ದಿ ಮಾಡೆಲಿಂಗ್ ಲೋಕದಲ್ಲಿಯೂ ಗುರುತಿಸಿಕೊಂಡಿದ್ದಾನೆ. ಮಾದಕವಸ್ತು ಜಾಲವೊಂದು ಸಕ್ರಿಯವಾಗಿದ್ದು, ಎಂಡಿ (ಮೆಫಿಡ್ರೋನ್) ಪೂರೈಸುತ್ತಿರುವ ಮಾಹಿತಿ ಮೇರೆಗೆ ಕಶಿಮೀರಾ ಪೊಲೀಸರು ಕಾರ್ಯಾಚರಣೆ ನಡೆಸಿದ್ದಾರೆ. ನಕಲಿ ಗ್ರಾಹಕರ ಸೋಗಿನಲ್ಲಿ ಹೋದ ಅವರಿಗೆ ಕಾಸ್ಿ ಎಂಬ ಪೆಡ್ಲರ್ ಸಿಕ್ಕಿಬಿದ್ದಿದ್ದಾನೆ. ಆತನ ಬಳಿ ₹5.60 ಲಕ್ಷ ಮೌಲ್ಯದ 28 ಗ್ರಾಂ ಎಂಡಿ ವಶಪಡಿಸಿಕೊಂಡಿರುವ ಪೊಲೀಸರು ವಿಚಾರಣೆ ನಡೆಸಿದ್ದಾರೆ. ಕಾಸ್ಿ, ರೊಹುಲ್ಲಾಹ್ ಮೆಹ್ದಿಗಾಗಿ ಕೆಲಸ ಮಾಡುತ್ತಿರುವುದಾಗಿ ತಿಳಿಸಿದ್ದಾನೆ. ನಂತರ ಮೆಹ್ದಿ ಬೆನ್ನು ಹತ್ತಿರುವ ಪೊಲೀಸರು ಮಲಾಡ್ನಲ್ಲಿ ಶೂಟಿಂಗ್ನಲ್ಲಿ ಬಿಜಿಯಿದ್ದ ಆತನನ್ನು ಸೆಟ್ನಲ್ಲಿಯೇ ಬಂಧಿಸಿದ್ದಾರೆ. ಆತನನ್ನು ಐದು ದಿನಗಳ ಕಾಲ ಪೊಲೀಸ್ ವಶಕ್ಕೆ ನೀಡಲಾಗಿದ್ದು, ವಿಚಾರಣೆ ಮುಂದುವರಿಸಿದ್ದಾರೆ.
_1787585171507.webp?w=480&auto=format%2Ccompress&fit=max)
