ಲಗಾನ್ ಮೂಡ್‌ನಲ್ಲಿ ಆಮಿರ್ ಖಾನ್: ಕ್ರಿಕೆಟ್ ದಂತಕಥೆ ಲಾಲ ಅಮರನಾಥ್ ಬಯೋಪಿಕ್‌ನಲ್ಲಿ ಮಿ. ಪರ್ಪೆಕ್ಟನಿಸ್ಟ್​

ಪಂಜಾಬ್ ಮೂಲದ ಲಾಲ ಅಮರನಾಥ್ 1933 ರಿಂದ 1952ರವರೆಗೆ ಭಾರತ ಟೆಸ್ಟ್ ಕ್ರಿಕೆಟ್ ತಂಡವನ್ನು ಪ್ರತಿನಿಧಿಸಿದ್ದರು. 1933ರಲ್ಲಿ ದಕ್ಷಿಣ ಬಾಂಬೆಯಲ್ಲಿ ನಡೆದ ಟೆಸ್ಟ್ ಮ್ಯಾಚ್ ಮೂಲಕ ಅಂತಾರಾಷ್ಟ್ರೀಯ ಪಂದ್ಯಕ್ಕೆ ಪದಾರ್ಪಣೆ ಮಾಡಿದ್ದ ಅವರು, 24 ಪಂದ್ಯಗಳಲ್ಲಿ 878 ರನ್ ಬಾರಿಸಿ, 45 ವಿಕೆಟ್‌ಗಳನ್ನು ಪಡೆದಿದ್ದಾರೆ. ಹಾಗೆಯೇ, ಭಾರತದ ಪರವಾಗಿ ಮೊದಲ ಶತಕ ಬಾರಿಸಿದ ಆಟಗಾರ ಎಂಬ ಹಿರಿಮೆ ಅವರಿಗಿದೆ. ಸ್ವಾತಂತ್ರ್ಯದ ಬಳಿಕ ಭಾರತ ಆಡಿದ ಮೊದಲ ಟೆಸ್ಟ್ ಪಂದ್ಯದ ನಾಯಕ ಅಮರನಾಥ್ ಆಗಿದ್ದರು. 1952ರಲ್ಲಿ ನಡೆದ ಪಾಕಿಸ್ತಾನ ವಿರುದ್ಧದ ಸರಣಿಯನ್ನು ಭಾರತ 2-1ರ ಅಂತರದಲ್ಲಿ ಗೆಲುವು ಸಾಧಿಸಿತ್ತು. ಆ ಸಿರೀಸ್‌ನಲ್ಲಿ ಲಾಲ ಅಮರನಾಥ್ ಮಹತ್ವದ ಪಾತ್ರವಹಿಸಿದ್ದರು. ಇನ್ನು ಲಾಲ ಪುತ್ರ ಮೊಹಿಂದರ್ ಅಮರನಾಥ್ 1983ರಲ್ಲಿ ಭಾರತಕ್ಕೆ ವಿಶ್ವಕಪ್ ತಂದುಕೊಡುವಲ್ಲಿ ಪ್ರಮುಖ ಪಾತ್ರವಹಿಸಿದ್ದರು.