ಬಾಲಿವುಡ್ನ ಅತ್ಯಂತ ಫಿಟ್ ತಾರೆಯರಲ್ಲಿ ನಟ ಜಾನ್ ಅಬ್ರಹಾಂ ಕೂಡ ಒಬ್ಬರು. 2003ರಲ್ಲಿ "ಜಿಸ್ಮ್' ಚಿತ್ರದ ಮೂಲಕ ಚಿತ್ರರಂಗಕ್ಕೆ ಪದಾರ್ಪಣೆ ಮಾಡಿದ ಜಾನ್, ಇದುವರೆಗೆ "ಧೂಮ್', "ಗರಂ ಮಸಾಲಾ', "ನೋ ಸ್ಮೋಕಿಂಗ್' ಸೇರಿ 60ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿದ್ದಾರೆ. ಚಿತ್ರರಂಗಕ್ಕೆ ಬಂದಾಗ ಹೇಗಿದ್ದರೂ ಇದೀಗ 51ರ ಹರೆಯದರಲ್ಲೂ ಜಾನ್ ಅದೇ ಫಿಟ್ನೆಸ್ ಕಾಪಾಡಿಕೊಂಡಿದ್ದಾರೆ. ಜತೆಗೆ ಮದ್ಯಪಾನ, ಧೂಮಪಾನ, ಗುಟ್ಖಾ, ಪಾನ್ ಮಸಾಲಾ ಸೇರಿ ಆರೋಗ್ಯದ ಮೇಲೆ ಪರಿಣಾಮ ಬೀರುವ ಯಾವ ಉತ್ಪನ್ನಗಳನ್ನೂ ಪ್ರಚಾರ ಮಾಡದೇ, ಜಾಹೀರಾತುಗಳಲ್ಲಿ ಕಾಣಿಸಿಕೊಳ್ಳದೇ ತಮ್ಮದೇ ಕೆಲ ತತ್ವಗಳನ್ನು ಪಾಲಿಸುವ ಮೂಲಕ ನಿಜ ಜೀವನದಲ್ಲೂ ಹೀರೋ ಆಗಿದ್ದಾರೆ.
