ಬಾಡಿಗೆಗಿದ್ದ ಮನೆಯನ್ನು ಖರೀದಿಸಬೇಕೆಂದು ತಾಯಿ, ಪತಿಗೆ ಆಟೋ ಕೊಡಿಸದಿದ್ದರೆ ಗಂಡನ ಮನೆಗೆ ಹೋಗಲ್ಲ ಎಂದು ತಂಗಿ ... ಈ ಸಮಸ್ಯೆಗಳ ನಡುವೆ ಸಿಲುಕುವ ಕಥಾನಾಯಕ, ಕೆಲ ಎಡವಟ್ಟು ಮಾಡಿಕೊಂಡು ಕೈಸುಟ್ಟುಕೊಳ್ಳುತ್ತಾನೆ. ಕೊನೆಗೆ ಅದರಿಂದ ಆಚೆ ಬರಲು ‘ಬಾಡಿ’ಯ ‘ಗಾರ್ಡ್’ ಆಗಲು ಒಪ್ಪಿಕೊಳ್ಳುತ್ತಾನೆ. ಅಲ್ಲಿಂದ ಶುರು ಕಣ್ಣಾಮುಚ್ಚಾಲೆ ಆಟ! ನಿರ್ದೇಶಕ ಪ್ರಭು ಶ್ರೀನಿವಾಸ್, ಒಳ್ಳೆಯ ಕಥೆಯನ್ನೇ ಆಯ್ಕೆ ಮಾಡಿಕೊಂಡಿದ್ದಾರೆ ನಿಜ. ಆದರೆ, ಅದನ್ನು ಪ್ರೇಕ್ಷಕನ ತಟ್ಟೆಗೆ ಬಡಿಸುವಾಗ ಚೂರು ಹೆಚ್ಚೇ ಕೈ ನಡುಗಿಸಿದ್ದಾರೆ. ಆ ಒಂದು ಕಾರಣಕ್ಕೆ ಥ್ರಿಲ್ಲರ್ ಸಿನಿಮಾದಲ್ಲಿ ಎಲ್ಲಿಯೂ ಗಂಭೀರತೆ ಕಾಣಿಸದು. ಕೌತುಕ ಭಾವವೂ ನಿಮ್ಮನ್ನು ಕಟ್ಟಿಹಾಕದು.
