Biggboss Kannada: ಆಟವಾಡುವಾಗ ಸರಿಯಾಗಿ ಅರ್ಥ ಮಾಡಿಕೊಳ್ಳದೇ ತಪ್ಪು ಮಾಡುತ್ತಿದ್ದ ಬಿಗ್ಬಾಸ್ ಮನೆಯಲ್ಲಿ ಈ ವಾರ ಕುತೂಹಲ, ಕೌತುಕ ಕ್ಷಣಗಳು ಹುಟ್ಟಿಕೊಳ್ಳುವಂತೆ ಮಾಡಿದ್ದು ಲೂಟಿಕೋರರು ಮತ್ತು ರಕ್ಷಕರ ಟಾಸ್ಕ್. ಈ ಮಧ್ಯೆ ಸೋಶಿಯಲ್ ಮೀಡಿಯಾದಲ್ಲಿ ಭಾರಿ ಚರ್ಚೆಯಾಗುತ್ತಿರುವುದು ಸೌಂದರ್ಯ ಹಾಗೂ ತಾಂಡವ್ ಆಟದ ಬಗ್ಗೆ. ಅವರಿಬ್ಬರಿಗೆ ಈ ಬಾರಿ ಕಿಚ್ಚನ ಚಪ್ಪಾಳೆ ಸಿಗಬೇಕು ಎಂದು ವೀಕ್ಷಕರು ಬಯಸಿದ್ದಾರೆ.
ಬಿಗ್ಬಾಸ್ ಕನ್ನಡ 13 ಶುರುವಾಗಿ 46 ದಿನ ಕಳೆದಿದೆ. ಇಲ್ಲಿಯವರೆಗೂ ಯಾವುದೇ ಎಂಟರ್ಟೈನ್ಮೆಂಟ್ ಸಿಕ್ಕಿಲ್ಲ. ಬರಿ ಗದ್ದಲ, ಬೋರಿಂಗ್ ಎನ್ನುತ್ತಿದ್ದ ವೀಕ್ಷಕರಿಗೆ ಈ ವಾರದ ಟಾಸ್ಕ್ ಹಬ್ಬದೂಟವಾಗಿತ್ತು. ಲೂಟಿಕೋರರು ಮತ್ತು ರಕ್ಷಕರು ಎನ್ನುವ ಪರಿಕಲ್ಪನೆಯಲ್ಲಿ ಚಟುವಟಿಕೆ ಮಾಡಲಾಗಿತ್ತು. ನಾಮಿನೇಟ್ ಆದ ಸೌಂದರ್ಯ, ಸೋನಿಕಾ, ತಾಂಡವ್, ಲಕ್ಷ್ಮಿ, ಆಸಿಯಾ ಹಾಗೂ ತಾಂಡವ್ ಲೂಟಿಕೋರರು. ಇನ್ನೂ ಪ್ರಶಾಂತ್, ಯಶಸ್, ಕುಮಾರಿ, ಗಾನವಿ, ಕಿರಣ್ ಶಾಸ್ತ್ರಿ, ಜಗದೀಶ್ ರಕ್ಷಕರು. ಗಗನ್ ಉಸ್ತುವಾರಿಯಾಗಿದ್ದರು.
ಲೂಟಿಕೋರರು ವರ್ಸಸ್ ರಕ್ಷಕರು
ಈ ಆಟದ ನಿಯಮದಂತೆ ಮ್ಯೂಸಿಯಂನಲ್ಲಿ ಇರಿಸಲಾಗಿರುವ ಅಮೂಲ್ಯ ಅಮೂಲ್ಯವಾದ ವಸ್ತುಗಳನ್ನು ಕದ್ದು ನಕಲಿಯನ್ನು ಇಡಬೇಕಾಗಿರುವುದು ಲೂಟಿಕೋರರ ಕರ್ತವ್ಯವಾಗಿತ್ತು. ಕಳ್ಳತನವಾಗದಂತೆ ತಡೆಯುವುದು ಕಾವಲುಗಾರರ ಜವಾಬ್ದಾರಿ. ಈ ಟಾಸ್ಕ್ನಲ್ಲಿ ರಕ್ಷಕರು ಸೋತಿದ್ದಾರೆ. 24 ಇಂಟೂ 7 ಲೈವ್ನಲ್ಲಿ ಕಂಡ ವೀಕ್ಷಕರು, ಎಕ್ಸ್ನಲ್ಲಿ ಲೂಟಿಕೋರರು ವಿನ್ ಆದ ಬಗ್ಗೆ ಹಾಗೂ ಲಕ್ಷುರಿ ಬಜೆಟ್ ಪಡೆದ ಬಗ್ಗೆ ಮಾಹಿತಿ ಹಂಚಿಕೊಂಡಿದ್ದಾರೆ.
ಜಗಳವನ್ನೇ ಅಸ್ತ್ರ ಮಾಡಿಕೊಂಡ ಸೌಂದರ್ಯ ತಾಂಡವ್
ಸದ್ಯ ರಿಲೀಸ್ ಆದ ವಿಡಿಯೋದಲ್ಲಿ ಗಾನವಿ ಮತ್ತು ಕಿರಣ್ ಜಗಳವಾಡುತ್ತಿದ್ದ ಕ್ಷಣವನ್ನು ಗುರಿಮಾಡಿಕೊಂಡ ಸೌಂದರ್ಯ ಮತ್ತು ತಾಂಡವ್ ಮ್ಯೂಸಿಯಂನಲ್ಲಿದ್ದ ವಜ್ರ ಹಾಗೂ ಕಿರೀಟವನ್ನು ಕದ್ದು ಕುಕ್ಕರ್ ಕೂಗಿಸುತ್ತಿರುವಂತೆ ನಾಟಕವಾಡುತ್ತಾ ರಿಪ್ಲೇಸ್ ಮಾಡಿದ ಕ್ಷಣಗಳು ಸಖತ್ ಎಂಟರ್ಟೈನ್ ಆಗಿ ಕಂಡವು.
