Bigg Boss Kannada: ಬಿಗ್ಬಾಸ್ ಮನೆಯು ಈ ವಾರ ಭಾವನಾತ್ಮಕ ವಾರವಾಗಿ ಕೂಡಿತ್ತು. ಮನೆಯಿಂದ ಬಂದ ಪ್ರೀತಿ ಪಾತ್ರರ ಪತ್ರ ಪಡೆದುಕೊಳ್ಳಲು ಸ್ಪರ್ಧಿಗಳು ತಿಣುಕಾಡಿದ್ದರು. ಅದರಂತೆ, ಯಶಸ್, ಗಗನ್, ಗಾನವಿ, ಜಗದೀಶ್, ಪ್ರಶಾಂತ್ ಹಾಗೂ ಧನುಷ್, ಸೌಂದರ್ಯ ಪತ್ರ ಪಡೆದುಕೊಂಡರು. ಇದೇ ಸಂತಸದಲ್ಲಿದ್ದ ಸ್ಪರ್ಧಿಗಳಿಗೆ ಬಿಗ್ಬಾಸ್ ಮತ್ತೊಂದು ಸಿಹಿಸುದ್ದಿ ಕೊಟ್ಟಿತ್ತು. ಅದುವೇ ಕ್ಯಾಪ್ಟನ್ಸಿ ಟಾಸ್ಕ್ ಬಗ್ಗೆ.
ಹೌದು, ಮನೆಯಿಂದ ಪತ್ರ ಪಡೆದ ಎಂಟು ಜನರ ಪೈಕಿ, ನಾಲ್ವರು ಮಾತ್ರ ಕ್ಯಾಪ್ಟನ್ಸಿ ಟಾಸ್ಕ್ ಆಡಬೇಕಾಗಿತ್ತು. ಅದರಲ್ಲಿ ಯಾರು ಕ್ಯಾಪ್ಟನ್ಸಿ ರೇಸ್ನಲ್ಲಿ ಉಳಿದುಕೊಳ್ಳಬೇಕು ಎನ್ನುವ ಆಯ್ಕೆಯನ್ನು ಸೋನಿಕಾ, ತಾಂಡವ್ ಹಾಗೂ ಆಸಿಯಾ ಮಾಡಬೇಕಾಗಿತ್ತು. ಮನೆ ಪತ್ರ ಸಿಗದೇ ಬೇಸರದಲ್ಲಿದ್ದ ಮೂವರು ಇದೇ ಅವಕಾಶ ಬಳಸಿಕೊಂಡು, ಗೇಮ್ ಪ್ಲಾನ್ ಎಕ್ಸಿಕ್ಯೂಟ್ ಮಾಡಿದರು.
