ಬಿಗ್​ಬಾಸ್​ನಿಂದ ದೀಪಿಕಾ, ಭೂಮಿ ಔಟ್

ಬೆಂಗಳೂರು: ತೀವ್ರ ಕುತೂಹಲ ಕೆರಳಿಸಿರುವ ‘ಬಿಗ್​ಬಾಸ್ ಕನ್ನಡ ಸೀಸನ್ 7’ರ ಅಂತಿಮ ಸುತ್ತಿಗೆ ಶೈನ್ ಶೆಟ್ಟಿ, ವಾಸುಕಿ ವೈಭವ್ ಮತ್ತು ಕುರಿ ಪ್ರತಾಪ್ ತಲುಪಿದ್ದು, ಭಾನುವಾರದ ಎಪಿಸೋಡ್ ವಿಜೇತರನ್ನು ನಿರ್ಣಯಿಸಲಿದೆ.

ನೂರಕ್ಕೂ ಅಧಿಕ ದಿನಗಳಿಂದ ನಡೆಯುತ್ತಿರುವ ಹಣಾಹಣಿಯಲ್ಲಿ ಶನಿವಾರ (ಫೆ.1)ರವರೆಗೂ ಬಿಗ್​ಬಾಸ್ ಮನೆಯಲ್ಲಿ ಶೈನ್ ಶೆಟ್ಟಿ, ವಾಸುಕಿ ವೈಭವ್, ಕುರಿ ಪ್ರತಾಪ್, ದೀಪಿಕಾ ದಾಸ್, ಭೂಮಿ ಶೆಟ್ಟಿ ಅವರಿದ್ದರು. ಆ ಪೈಕಿ ದೀಪಿಕಾ ಮತ್ತು ಭೂಮಿ ಬಿಗ್​ಬಾಸ್ ಮನೆಯಿಂದ ಹೊರಬಿದ್ದಿದ್ದಾರೆ.

ಈಗ ಉಳಿದಿರುವ ಮೂವರಲ್ಲಿ ಗೆಲ್ಲುವರು ಯಾರು ಎಂಬುದು ಈಗ ಕುತೂಹಲಕ್ಕೆ ಕಾರಣವಾಗಿದೆ. ವಿಜೇತ ಸ್ಪರ್ಧಿಗೆ 61 ಲಕ್ಷ ರೂ. ಬಹುಮಾನ ಸಿಗಲಿದೆ. ‘ಬಿಗ್​ಬಾಸ್ ಸೀಸನ್ 7’ರ ಸ್ಪರ್ಧೆ 18 ಅಭ್ಯರ್ಥಿಗಳಿಂದ ಆರಂಭವಾಗಿತ್ತು.