Bigg Boss Kannada-13: ಬಿಗ್ಬಾಸ್ ಮನೆಯ ಈ ವಾರದ ಆಟ ಕೌತುಕವಾಗಿತ್ತು. ನಾಮಿನೇಟ್ ಆದವರು ಲೂಟಿಕೋರರಾಗಿ ವಜ್ರ, ಕಿರೀಟ, ಮೆಡಲ್ ಗೆದ್ದ ಪರಿಗೆ ವೀಕ್ಷಕರಿಂದ ಭಾರಿ ಮೆಚ್ಚುಗೆ ವ್ಯಕ್ತವಾಗಿತ್ತು. ಅದರಲ್ಲೂ ಸೌಂದರ್ಯಾ ಮತ್ತು ತಾಂಡವ್ ತಮ್ಮ ಮನಸ್ತಾಪ ಬಿಟ್ಟು ಆಡಿದ ಪರಿಗೆ ಮನಸೋತಿದ್ದರು. ಸದ್ಯ ಹೊಸದಾಗಿ ರಿಲೀಸ್ ಆದ ಪ್ರೋಮೋದಲ್ಲಿ ಕಿಚ್ಚ ಸುದೀಪ್ ನಿದ್ದೆಗಣ್ಣಿನಲ್ಲಿ ಕಾಲ ಕಳೆದ ರಕ್ಷಕರಿಗೆ ಕ್ಲಾಸ್ ತೆಗೆದುಕೊಂಡಿರುವುದು ಗೊತ್ತಾಗಿದೆ.
ಲೂಟಿಕೋರರು ವರ್ಸಸ್ ರಕ್ಷಕರು
ಹೌದು, ರಕ್ಷಕರು ಮತ್ತು ಲೂಟಿಕೋರರು ಎಂದು ಟೀಮ್ ಮಾಡಲಾಗಿತ್ತು. ನಾಮಿನೇಟ್ ಆದ ತಾಂಡವ್, ಸೌಂದರ್ಯ ಮತ್ತು ಸೋನಿಕಾ, ಆಸಿಯಾ, ಕುಮಾರಿ, ಲಕ್ಷ್ಮಿ ಲೂಟಿಕೋರರಾಗಿದ್ದರು. ಇನ್ನೂ ಯಶಸ್, ಕಿರಣ್, ಗಾನವಿ ಹಾಗೂ ಜಗ್ಗಿ, ಪ್ರಶಾಂತ್ ರಕ್ಷಕರಾಗಿ ಮ್ಯೂಸಿಯಂನಲ್ಲಿಟ್ಟಿದ್ದ ವಸ್ತು ಕಾಪಾಡಬೇಕಿತ್ತು,
ಲೂಟಿ ಮಾಡಲು ತಾಂಡವ್ ಮತ್ತು ಸೌಂದರ್ಯ ತಮ್ಮ ಇಗೋ ಬದಿಗಿಟ್ಟು ಹಾಕಿದ ಶ್ರಮಕ್ಕೆ ಬಿಗ್ಬಾಸ್ ಪ್ರೇಮಿಗಳು ಫಿದಾ ಆಗಿದ್ದಾರೆ. ಜೊತೆಗೆ ರಕ್ಷಕರು ಮ್ಯೂಸಿಯಂ ಕಾಯದೇ ಬೇಕಾಬಿಟ್ಟಿ ಕೆಲಸ ಮಾಡಿದ ಬಗ್ಗೆ ಕಿಡಿಕಾರಿದ್ದರು. ಸದ್ಯ ಇದೇ ವಿಚಾರ ವಾರದ ಕತೆ ಕಿಚ್ಚನ ಜೊತೆ ಎಪಿಸೋಡ್ನಲ್ಲಿ ಚರ್ಚೆಯಾಗಲಿದೆ.
