VIDEO| ಭಜರಂಗಿ-2 ಸಿನಿಮಾ ಪೋಸ್ಟರ್​ನಲ್ಲಿರುವ ಹಸಿರು ಕಣ್ಣುಗಳು ಧನಾತ್ಮಕ ಚಿಂತನೆ ಮೂಡಿಸುತ್ತದೆ: ಸಿನಿಮಾ ಪೋಸ್ಟರ್​ ಬಗ್ಗೆ ಮಾಹಿತಿ ಹಂಚಿಕೊಂಡ ಶಿವಣ್ಣ

ಬೆಂಗಳೂರು : ಭಜರಂಗಿ-2 ಸಿನಿಮಾದ ಪೋಸ್ಟರ್​ನಲ್ಲಿರುವ ಹಸಿರು ಕಣ್ಣು ಧನಾತ್ಮಕ ಸಂದೇಶ ನೀಡುತ್ತದೆ ಎಂದು ಹ್ಯಾಟ್ರಿಕ್​ ಹಿರೋ ಶಿವರಾಜ್​ ಕುಮಾರ್​ ಹೇಳಿದರು.

ಭಜರಂಗಿ ಸಿನಿಮಾದ ಪೋಸ್ಟರ್ ಬಿಡುಗಡೆ ಬಗ್ಗೆ ಅವರು ಜಾಲಹಳ್ಳಿಯ ಅಯ್ಯಪ್ಪಸ್ವಾಮಿ ದೇವಾಲಯದಲ್ಲಿ ದೇವರ ದರ್ಶನ ಪಡೆದು ಮಾತನಾಡಿದರು.

ಅಭಿಮಾನಿಗಳು ಎದುರಾಳಿಗಳನ್ನು ಕಣ್ಣಲ್ಲೇ ಕೊಲೆ ಮಾಡುವ ರೀತಿ ಪೋಸ್ಟರ್​ ಇದೆ ಎನ್ನುತ್ತಿದ್ದಾರೆ. ಆದರೆ ಆ ರೀತಿ ಅಲ್ಲ. ಅಲ್ಲಿ ನನ್ನ ಕಣ್ಣುಗಳು ಹಸಿರು ಬಣ್ಣದಿಂದ ಕೂಡಿದೆ. ಹೀಗಾಗಿ ಹಸಿರು ಧನಾತ್ಮಕವಾದುದು. ಹೀಗಾಗಿ ಯಾರನ್ನೂ ದ್ವೇಷ ಮಾಡುವುದಲ್ಲ ಎಂದು ಅವರು ಪೋಸ್ಟರ್​ ಬಗ್ಗೆ ಪ್ರತಿಕ್ರಿಯೆ ನೀಡಿದರು.

ನಾನು ಅಪ್ಪಾಜಿ ಜತೆ ಮಾಲೆ ಧರಿಸಿ ಶಬರಿಮಲೆಗೆ ಪಾದಯಾತ್ರೆ ಮೂಲಕ ತೆರಳುತ್ತಿದ್ದೆ. ಕೆಲವು ವೇಳೆ ಸೂಪರ್​ ಸ್ಟಾರ್​ ರಜನಿಕಾಂತ್​ ಕೂಡ ಅಪ್ಪಾಜಿ ಜತೆ ಪಾದಯಾತ್ರೆ ಮಾಡುತ್ತಿದ್ದರು. ಈ ವರ್ಷ ಮಾರ್ಚ್​ನಲ್ಲಿ ಶಬರಿಮಲೆಗೆ ತೆರಳುತ್ತಿದ್ದೇನೆ. ಅಯ್ಯಪ್ಪ ನನ್ನ ಆರಾಧ್ಯ ದೇವರು. ಸಂಕ್ರಾಂತಿ ಹಬ್ಬದ ಹಿನ್ನೆಲೆಯಲ್ಲಿ ಜಾಲಹಳ್ಳಿಯ ಅಯ್ಯಪ್ಪ ದೇವಾಲಯಕ್ಕೆ ಆಗಮಿಸಿದ್ದೇನೆ. ಇಲ್ಲಿ ಸೇರಿರುವ ಅಭಿಮಾನಿಗಳನ್ನು ನೋಡಿ ದೇವರನ್ನೇ ನೋಡಿದಷ್ಟು ಭಾಗ್ಯ ಬಂದಿದೆ ಎಂದರು. (ದಿಗ್ವಿಜಯ ನ್ಯೂಸ್​)