ಸುಶಾಂತ್​ ಸಿಂಗ್​ರದ್ದು ಆತ್ಮಹತ್ಯೆಯಲ್ಲ ಕೊಲೆ: ಸ್ಫೋಟಕ ಆಡಿಯೋ ಸಂಭಾಷಣೆ ಲೀಕ್..!

ಮುಂಬೈ: ಬಾಲಿವುಡ್​ ನಟ ಸುಶಾಂತ್​ ಸಿಂಗ್​ ರಜಪೂತ್​ ಸಾವಿನ ಪ್ರಕರಣದ ತನಿಖೆ ನಡೆಸುತ್ತಿರುವ ಸಿಬಿಐ ಕೆಲ ದಿನಗಳ ಹಿಂದೆ ಸುಶಾಂತ್​ ಶವಪರೀಕ್ಷೆ ನಡೆಸಲು ಏಮ್ಸ್​ ವೈದ್ಯರ ತಂಡವನ್ನು ರಚನೆ ಮಾಡಿತ್ತು. ಪರೀಕ್ಷೆ ನಡೆಸಿದ ತಂಡ ಸುಶಾಂತ್​ರದ್ದು ಕೊಲೆಯಲ್ಲ, ಅದೊಂದು ಆತ್ಮಹತ್ಯೆ ಎಂದು ಬಹಿರಂಗಪಡಿಸಿದ್ದರು. ಈ ಬಗ್ಗೆ ಸಿಬಿಐ ಮಾತ್ರ ಈವರೆಗೂ ಅಧಿಕೃತ ಹೇಳಿಕೆ ನೀಡಿಲ್ಲ. ಹೀಗಿರುವಾಗ ಸುಶಾಂತ್​ ಪ್ರಕರಣ ಮತ್ತೊಂದು ಸ್ಫೋಟಕ ತಿರುವು ಪಡೆದುಕೊಂಡಿದೆ.

ಸಿಬಿಐ ಮನವಿ ಮೇರೆಗೆ ಡಾ. ಸುಧೀರ್​ ಗುಪ್ತಾ ನೇತೃತ್ವದಲ್ಲಿ ಏಮ್ಸ್​ ವಿಧಿವಿಜ್ಞಾನ ತಂಡ ರಚೆನೆಯಾಗಿತ್ತು. ಸುಶಾಂತ್​ರದ್ದು ಆತ್ಮಹತ್ಯೆಯೆಂದು ವರದಿ ನೀಡಿದ ಬೆನ್ನಲ್ಲೇ ಅದನ್ನು ಸುಶಾಂತ್​ ಫ್ಯಾಮಿಲಿ ಲಾಯರ್ ವಿಕಾಸ್​​ ಸಿಂಗ್​ ಸಹ ಪ್ರಶ್ನಿಸಿದ್ದು, ವರದಿಯಿಂದ ಹೆಚ್ಚು ಗೊಂದಲಕ್ಕೀಡಾಗಿದ್ದೇನೆ. ಪ್ರಕರಣದ ಕಡತಗಳನ್ನು ಪರಿಶೀಲಿಸಲು ಸಿಬಿಐ ಹೊಸ ವೈದ್ಯರ ತಂಡವನ್ನು ರಚಿಸಬೇಕೆಂದು ಆಗ್ರಹಿಸಿದ್ದಾರೆ.

ಇದನ್ನೂ ಓದಿ: ಕರೊನಾ ಗುಣಮುಖ: ಟ್ರಂಪ್ ಡಿಸ್​ಚಾರ್ಜ್​- ಶ್ವೇತಭವನಕ್ಕೆ ಕಾಲಿಡುತ್ತಲೇ ಮಾಡಿದ್ದು ಹುಬ್ಬೇರಿಸುವ ಕೆಲಸ!

ಇದರ ನಡುವೆ​ ಆಡಿಯೋ ತುಣುಕೊಂದು ಸೋರಿಕೆಯಾಗಿದ್ದು, ಮಾಧ್ಯಮವೊಂದಕ್ಕೆ ಲಭ್ಯವಾಗಿರುವ ಆಡಿಯೋ ಪ್ರಕಾರ ಸುಶಾಂತ್​ರದ್ದು ಕೊಲೆ ಎನ್ನಲಾಗಿದೆ. ಡಾ. ಸುಧೀರ್​ ಗುಪ್ತಾ ಅವರದ್ದು ಎನ್ನಲಾದ ಆಡಿಯೋದಲ್ಲಿ ಸುಶಾಂತ್​ರದ್ದು ಕೊಲೆ, ಆತ್ಮಹತ್ಯೆಯಿಂದ ಸತ್ತಿಲ್ಲ ಎಂದು ಹೇಳಿದ್ದಾರೆ. ಶವಪರೀಕ್ಷೆಯ ವೇಳೆ ಸುಶಾಂತ್​ ಅವರ ಫೋಟೋಗಳನ್ನು ನೀಡಿ ಈ ಹೇಳಿಕೆಯನ್ನು ನೀಡಿದ್ದಾರೆನ್ನಲಾಗಿದೆ.

ಆಡಿಯೋ ಲೀಕ್​ ಆಗುತ್ತಿದ್ದಂತೆ ಸುಶಾಂತ್​ ಕುಟುಂಬ ಮತ್ತೊಮ್ಮೆ ಶವಪರೀಕ್ಷೆ ತನಿಖೆ ನಡೆಸುವಂತೆ ಒತ್ತಾಯಿಸಿದೆ. (ಏಜೆನ್ಸೀಸ್​)

https://www.vijayavani.net/aiadmk-dalit-mlas-inter-caste-marriage-stirs-controversy-as-wifes-family-opposes/