ಆಸ್ಕರ್ ರೆಡ್ ಕಾರ್ಪೆಟ್‌ನಲ್ಲಿ ಭಾರತೀಯ ಕಲೆ: ಸ್ವದೇಶ್ x ಅಬು ಜಾನಿ-ಸಂದೀಪ್ ಖೋಸ್ಲಾ ವಿನ್ಯಾಸದ ಉಡುಪಿನಲ್ಲಿ ಜಾನಾ ರಸ್ಸಿ ಕಮಾಲ್! Zanna Roberts Rassi

ಲಾಸ್ ಏಂಜಲೀಸ್: ವಿಶ್ವದ ಅತ್ಯಂತ ಪ್ರತಿಷ್ಠಿತ ಆಸ್ಕರ್ ಪ್ರಶಸ್ತಿ ಪ್ರದಾನ ಸಮಾರಂಭದ ರೆಡ್ ಕಾರ್ಪೆಟ್ ಮೇಲೆ ಈ ಬಾರಿ ಭಾರತೀಯ ಸಂಪ್ರದಾಯ ಮತ್ತು ಆಧುನಿಕತೆಯ ಸಂಗಮವೊಂದು ಅದ್ಭುತವಾಗಿ ಅನಾವರಣಗೊಂಡಿದೆ. ಖ್ಯಾತ ಫ್ಯಾಷನ್ ಎಡಿಟರ್ ಜಾನಾ ರಾಬರ್ಟ್ಸ್ ರಸ್ಸಿ ( Zanna Roberts Rassi ) ಅವರು ಭಾರತೀಯ ಮೂಲದ 'ಸ್ವದೇಶ್ x ಅಬು ಜಾನಿ ಮತ್ತು ಸಂದೀಪ್ ಖೋಸ್ಲಾ' ವಿನ್ಯಾಸಗೊಳಿಸಿದ ಕೌಟೂರ್ ಉಡುಪನ್ನು ಧರಿಸಿ ಎಲ್ಲರ ಗಮನ ಸೆಳೆದಿದ್ದಾರೆ.

ಜಾನಾ ಅವರು ಧರಿಸಿದ್ದ ಈ ವಿಶೇಷ ಕ್ರಾಪ್ ಟಾಪ್, ಭಾರತದ ಸಾಂಪ್ರದಾಯಿಕ 'ಇಕತ್' (Ikat) ಕಲೆಯ ಪ್ರಭಾವವನ್ನು ಹೊಂದಿದೆ. ನೂಲುಗಳನ್ನು ನೇಯುವ ಮುನ್ನವೇ ಅವುಗಳಿಗೆ ಬಣ್ಣ ಹಚ್ಚುವ ಈ ಸಂಕೀರ್ಣ ಪ್ರಕ್ರಿಯೆಯಿಂದಾಗಿ, ಬಟ್ಟೆಯ ಮೇಲೆ ಮೂಡಿಬರುವ ಜ್ಯಾಮಿತೀಯ ವಿನ್ಯಾಸಗಳು ಅಸ್ಪಷ್ಟ ಹಾಗೂ ಆಕರ್ಷಕವಾಗಿ ಕಾಣುತ್ತವೆ. ಈ ವಿನ್ಯಾಸವನ್ನೇ ಸ್ಫೂರ್ತಿಯಾಗಿಟ್ಟುಕೊಂಡು ರೇಷ್ಮೆ ಬ್ರೊಕೇಡ್ ಬಟ್ಟೆಯ ಮೇಲೆ ಅದ್ಭುತವಾದ ಕಲಾಕೃತಿಯನ್ನು ಸಿದ್ಧಪಡಿಸಲಾಗಿದೆ.

ಪವರ್ ಶೋಲ್ಡರ್ ಡಿಸೈನ್: ಅತ್ಯಾಧುನಿಕ 'ಸ್ಕಲ್ಪ್‌ಟ್ರೆಡ್ ಪವರ್ ಶೋಲ್ಡರ್' ವಿನ್ಯಾಸವು ಜಾನಾ ಅವರಿಗೆ ಭವ್ಯ ನೋಟವನ್ನು ನೀಡಿದೆ.

ಕೈಯಿಂದ ಮಾಡಿದ ಎಂಬ್ರಾಯ್ಡರಿ: ಈ ಟಾಪ್ ಮೇಲೆ ಸಾವಿರಾರು ಮಣಿಗಳು (Bugle beads), ಬೆಲೆಬಾಳುವ ಕಲ್ಲುಗಳು ಮತ್ತು ಹರಳುಗಳನ್ನು (Crystals) ಬಳಸಿ ಕೈಯಿಂದಲೇ ಕಸೂತಿ ಮಾಡಲಾಗಿದೆ.

2000 ಗಂಟೆಗಳ ಪರಿಶ್ರಮ: ಅತ್ಯಂತ ಸೂಕ್ಷ್ಮವಾದ ಈ ಕೆಲಸವನ್ನು ಪೂರ್ಣಗೊಳಿಸಲು ಬರೋಬ್ಬರಿ 2000 ಮಾನವ ಗಂಟೆಗಳ (Man hours) ಶ್ರಮ ವ್ಯಯಿಸಲಾಗಿದೆ. ಇದು ಭಾರತೀಯ ಕುಶಲಕರ್ಮಿಗಳ ಸಮರ್ಪಣಾ ಮನೋಭಾವಕ್ಕೆ ಹಿಡಿದ ಕೈಗನ್ನಡಿಯಾಗಿದೆ.

ಭಾರತೀಯ ಜವಳಿ ಕಲೆ ಮತ್ತು ಕುಶಲಕರ್ಮಿಗಳ ಪರಿಶ್ರಮವನ್ನು ಜಾಗತಿಕ ವೇದಿಕೆಯಲ್ಲಿ ಪ್ರದರ್ಶಿಸುವಲ್ಲಿ ಈ ಉಡುಪು ಯಶಸ್ವಿಯಾಗಿದೆ. ಒಟ್ಟಿನಲ್ಲಿ, ಅಂತರಾಷ್ಟ್ರೀಯ ವೇದಿಕೆಯಲ್ಲಿ ಭಾರತದ ಶ್ರೀಮಂತ ಸಾಂಪ್ರದಾಯಿಕ ನೇಯ್ಗೆ ಮತ್ತು ಎಂಬ್ರಾಯ್ಡರಿ ಕಲೆಗೆ ಮತ್ತೊಮ್ಮೆ ದೊಡ್ಡ ಗೌರವ ಸಂದಂತಾಗಿದೆ, (ಏಜೆನ್ಸೀಸ್​).