ಮತ್ತೊಂದೆಡೆ ರಮೇಶ್ ಮುಖಾರವಿಂದದಲ್ಲಿ ಈಗ ಖಾಕಿ ಖದರ್ ಕಾಣಿಸತೊಡಗಿದೆ. ಅದಕ್ಕೆ ಮೂರು ಕಾರಣಗಳಿವೆ. ಅಂದರೆ ತಮ್ಮ ಅಭಿನಯದ ‘100’, ‘ಭೈರಾದೇವಿ’ ಹಾಗೂ ‘ಶಿವಾಜಿ ಸುರತ್ಕಲ್’ ಮೂರೂ ಸಿನಿಮಾಗಳಲ್ಲಿ ರಮೇಶ್ ಪೊಲೀಸ್ ಅಧಿಕಾರಿ ಆಗಿ ನಟಿಸಿದ್ದಾರೆ. ಇದು ಕೂಡ ಅವರ ಪಾಲಿಗೆ ವಿಶೇಷವೇ. ‘ಒಂದು ಕಾಲದಲ್ಲಿ ನಾನು ಬರೀ ತ್ಯಾಗರಾಜನ ಪಾತ್ರಗಳಲ್ಲಿ ಕಾಣಿಸಿಕೊಂಡೆ. ಆಮೇಲೆ ಒಂದಷ್ಟು ಕಾಮಿಡಿ ರೋಲ್ಗಳು ಬಂದವು. ಈಗ ಬ್ಯಾಕ್ ಟು ಬ್ಯಾಕ್ ಪೊಲೀಸ್ ಪಾತ್ರಗಳೇ ಸಿಕ್ಕಿವೆ. ಈ ಮೂರೂ ಚಿತ್ರಗಳು ಇದೇ ವರ್ಷ ಬಿಡುಗಡೆ ಆಗಲಿವೆ. ಆದರೆ ಪ್ರತಿಪಾತ್ರವೂ ವಿಭಿನ್ನವಾಗಿದೆ’ ಎನ್ನುತ್ತಾರೆ ರಮೇಶ್. ರಚಿತಾ ರಾಮ್ ಪೂರ್ಣ ನಾಯಕಿಯರಾಗಿರುವ ‘100’ ಪೂರ್ಣಗೊಂಡಿದ್ದು, ಶೀಘ್ರ ಬಿಡುಗಡೆ ಆಗಲಿದೆ.
