ಶೂಟಿಂಗ್​ ಬಿಡುವಿನ ವೇಳೆ ಸ್ನಾನಕ್ಕೆಂದು ಹೋದ ಮಲಯಾಳಂ ಖ್ಯಾತ ನಟ ದುರಂತ ಸಾವು!

ಕೊಚ್ಚಿ: ಮಲಯಾಳಂನ ಖ್ಯಾತ ನಟ ಅನಿಲ್ ನೆಡುಮಂಗಾಡ್,​ ಡ್ಯಾಂ ನೀರಿನಲ್ಲಿ ಮುಳುಗಿ ದುರಂತ ಸಾವಿಗೀಡಾಗಿರುವ ಘಟನೆ ಶುಕ್ರವಾರ ನಡೆದಿದೆ. ಕೇರಳದ ತೊಡುಪುಳದಲ್ಲಿರುವ ಮಲಂಕರ ಡ್ಯಾಂನಲ್ಲಿ ಸ್ನಾನಕ್ಕೆಂದು ಸ್ನೇಹಿತರೊಟ್ಟಿಗೆ ತೆರಳಿದ್ದಾಗ ಅವಘಡ ಸಂಭವಿಸಿದೆ.

ಅಯ್ಯಪನುಮ್​ ಕೋಶಿಯುಮ್​, ಕಮಟ್ಟಿಪಾದಮ್​ ಮತ್ತು ಪಾವಡ ಸೇರಿದಂತೆ ಮುಂತಾದ ಯಶಸ್ವಿ ಚಿತ್ರಗಳಲ್ಲಿ ನಟಿಸಿ ಪ್ರಖ್ಯಾತರಾಗಿದ್ದ ಅನಿಲ್ ನೆಡುಮಂಗಾಡ್​, ತಮ್ಮ ಮುಂದಿನ ಜೊಜು ಜಾರ್ಜ್​ ಚಿತ್ರದಲ್ಲಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಇದೇ ಚಿತ್ರದ ಶೂಟಿಂಗ್​ ತೊಡುಪುಳದಲ್ಲಿ ನಡೆಯುತ್ತಿತ್ತು. ಬಿಡುವಿನ ವೇಳೆಯಲ್ಲಿ ಸ್ನೇಹಿತರೊಂದಿಗೆ ಸ್ನಾನಕ್ಕೆಂದು ಡ್ಯಾಂಗೆ ತೆರಳಿದ್ದರು. ಸ್ನಾನ ಮಾಡುವಾಗ ನೀರಿನ ಹರಿವು ಹೆಚ್ಚಾಗಿ ಅನಿಲ್​ ನೀರುಪಾಲಾಗಿದ್ದಾರೆ.

ಇದನ್ನೂ ಓದಿ: ಇಂಥಾ ಕಳ್ಳನನ್ನು ನೀವು ನೋಡಿರುವುದಕ್ಕೆ ಸಾಧ್ಯನೇ ಇಲ್ಲ: ಈತನ ಕತೆ ಕೇಳಿದ್ರೆ ನಿಮ್ಮ ಹುಬ್ಬೇರುವುದು ಗ್ಯಾರೆಂಟಿ!

ಆ್ಯಂಕರ್​ ಮತ್ತು ನಿರ್ಮಾಪಕನಾಗಿ ಆರಂಭದಲ್ಲಿ ಹೆಸರು ಮಾಡಿದ್ದ ಅನಿಲ್​, 2014ರಲ್ಲಿ ಜಾನ್​ ಸ್ಟೀವ್​ ಲೋಪೆಜ್ ಚಿತ್ರದ ಮೂಲಕ ಬೆಳ್ಳಿತೆರೆಗೆ ಕಾಲಿಟ್ಟರು.​ ಬಳಿಕ ಪಾವಡ ಪಾದಮ್​, ಕಿಸ್ಮತ್​ ಪರೋಲ್​ ಮತ್ತು ಅಯ್ಯಪ್ಪನುಮ್​ ಕೋಶಿಯುಮ್​ ಸೇರಿದಂತೆ ಮುಂತಾದ ಚಿತ್ರಗಳಲ್ಲಿ ನಟಿಸುವ ಮೂಲಕ ಒಳ್ಳೆಯ ಹೆಸರು ಗಳಿಸಿದ್ದರು. ಅನಿಲ್​, ಕೊನೆಯದಾಗಿ ಪಾಪಮ್​ ಚೆಯ್ಯಥಾವರ್​ ಕಲ್ಲೇರಿಯತ್ತೆ ಚಿತ್ರದಲ್ಲಿ ನಟಿಸಿದ್ದು, ಕಳೆದ ಫೆಬ್ರವರಿಯಲ್ಲಿ ಬಿಡುಗಡೆಯಾಗಿತ್ತು.

ಅನಿಲ್​ ಸಾವಿಗೆ ಮಲಯಾಳಂ ಸಿನಿಮಾ ಇಂಡಸ್ಟ್ರಿಯ ಸಹೋದ್ಯೋಗಿಗಳು ಕಂಬನಿ ಮಿಡಿದಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಸಂತಾಪ ಸೂಚಿಸಿದ್ದಾರೆ. (ಏಜೆನ್ಸೀಸ್​)

ಇದನ್ನೂ ಓದಿ: ತಾಳಿ ಕಟ್ಟುವಷ್ಟರಲ್ಲಿ ಪೊಲೀಸರಿಗೆ ಕರೆ ಮಾಡಿ ಕೈಕೊಟ್ಟ ವಧು: ಚಿಂತಿಸದ ವರನಿಂದ ಒಳ್ಳೆಯ ನಿರ್ಧಾರ!

https://www.vijayavani.net/man-35-secretly-filmed-his-stepdaughter-in-the-bath-for-three-years/

https://www.vijayavani.net/a-woman-had-such-a-craze-for-a-dream-wedding-that-for-this-she-weaved-a-fabric-of-lies-for-years/

https://www.vijayavani.net/delhi-police-has-made-a-sensational-disclosure-in-the-case-of-kidnapping-and-of-a-ten-year-old-innocent/