ಅಭಿಷೇಕ್, ಐಶ್ವರ್ಯಾ ವಿಚ್ಛೇದನ ವದಂತಿ ನಡುವೆ ಸಲ್ಮಾನ್​ ಖಾನ್​ ವಿಡಿಯೋ ವೈರಲ್​ ! | Salman Khan

ಮುಂಬೈ: ಅಭಿಷೇಕ್ ಬಚ್ಚನ್ ಮತ್ತು ಐಶ್ವರ್ಯಾ ರೈ ಅವರ ವೈವಾಹಿಕ ಜೀವನದಲ್ಲಿ ವಿಚ್ಛೇದನ ವದಂತಿಯ ಸುದ್ದಿಗಳ ನಡುವೆ ಬಾಲಿವುಡ್​ ನಟ ಸಲ್ಮಾನ್​ ಖಾನ್(Salman Khan),​ ಸಂದರ್ಶನವೊಂದರಲ್ಲಿ ತಮ್ಮ ಮಾಜಿ ಗೆಳತಿ ಕುರಿತು ಮಾತನಾಡಿದ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ಹರಿದಾಡುತ್ತಿದೆ.

ಈ ಹಿಂದೆ ಸಲ್ಮಾನ್​ ಖಾನ್​ ಜತೆ ಡೇಟಿಂಗ್​ನಲ್ಲಿದ್ದರು, ಸಲ್ಮಾನ್​ ಮತ್ತು ಐಶ್ವರ್ಯಾ ಜೋಡಿಯು ತಮ್ಮ ಸಂಬಂಧವನ್ನು 2002 ರಲ್ಲಿ ಕೊನೆಗೊಳಿಸಿದ್ದಾರೆ ಎಂದು ಅಂದಿನಿಂದ ಇಂದಿನವರೆಗೂ ಬಾಲಿವುಡ್​ ಅಂಗಳಲ್ಲಿ ಪಿಸು-ಪಿಸು ಮಾತುಗಳು ಕೇಳಿಸುತ್ತಲೇ ಇದೆ. ಆದರೆ, ಇವರಿಬ್ಬರೂ ತಮ್ಮ ಡೇಟಿಂಗ್​ ಬಗ್ಗೆ ಎಲ್ಲಿಯೂ ಮಾತನಾಡದಿದ್ದರೂ, ಸಂದರ್ಶನವೊಂದರಲ್ಲಿ ಸಲ್ಮಾನ್​ ಐಶ್ವರ್ಯಾ ಮದುವೆಯ ಬಗ್ಗೆ ಹಂಚಿಕೊಂಡಿದ್ದಾರೆ.

ಐಶ್ವರ್ಯ ರೈ ಅವರಿಗೆ ನಿಂದನೆ ಮಾಡಿದ್ದಾರೆ ಎಂಬ ಆರೋಪ ನಿಮ್ಮ ಮೇಲೆ ಇದೆ. ಇದಕ್ಕೆ ಏನಾಂತಿರಾ ಎಂದು ಸಂದರ್ಶಕ ಕೇಳುತ್ತಾರೆ. ಉತ್ತರಿಸಿದ ಸಲ್ಮಾನ್​ ನಯವಾಗಿ, ನಿಮ್ಮ ವೈಯಕ್ತಿಕ ಜೀವನ ನಿಮ್ಮ ಪರ್ಸನಲ್​. ನಾನು ಇದನ್ನು ಸಮರ್ಥಿಸಲು ಹೊರಟರೆ, ಅವರು (ಐಶ್ವರ್ಯಾ) ನಮ್ಮ ಜೀವನದ ಭಾಗವಾಗಿದ್ದರು ಎಂದು ನಂಬುತ್ತಾರೆ. ಹೀಗಾಗಿ, ಈ ಆರೋಪ ಸುಳ್ಳು ಎಂದರು.

ಸಂದರ್ಶನದಲ್ಲಿ ಮುಂದುವರೆದು ಮಾತನಾಡಿದ ಸಲ್ಮಾನ್​, ಅವಳು ಬೇರೆಯವರ ಹೆಂಡತಿ, ದೊಡ್ಡ ಕುಟುಂಬದಲ್ಲಿ ಮದುವೆಯಾಗಿದ್ದಾರೆ. ನನ್ನ ಪ್ರಕಾರ ಅಭಿಷೇಕ್​ ಒಳ್ಳೆಯ ವ್ಯಕ್ತಿ, ಆಕೆ ಅಭಿ ಜತೆ ಮದುವೆಯಾಗಿರುವುದು ನನಗೆ ತುಂಬಾ ಖುಷಿ ತಂದಿದೆ. ಇದನ್ನು ನಾನು ಮಾತ್ರವಲ್ಲ ಮಾಜಿ ಗೆಳತೆಯ ಬಗ್ಗೆ ಎಲ್ಲರೂ ಉತ್ತಮವಾದದ್ದನ್ನೆ ಬಯಸುತ್ತಾರೆ ಎಂದಿದ್ದಾರೆ, ಈ ವಿಡಿಯೋ ಇದೀಗ ವೈರಲ್​ ಆಗಿದೆ, (ಏಜೆನ್ಸೀಸ್​).

https://www.vijayavani.net/4600-crore-rs-this-actress-is-a-friend-of-property-she-is-the-richest-star-actress-of-bollywood