ಗಂಡ, ಹೆಂಡತಿ ಒಬ್ಬರನ್ನೊಬ್ಬರು ಮುಟ್ಟಿದಾಗಲೆಲ್ಲ "ಪೀಲಿಂಗ್ಸ್' ಶುರುವಾಗುವ, ಪತ್ನಿಯ ಮೇಲಿನ ಪ್ರೀತಿಗಾಗಿ ರಾಜ್ಯದ ಮುಖ್ಯಮಂತ್ರಿಯನ್ನೇ ಬದಲಿಸುವ, ಅದೇ ಗರ್ಭಿಣಿ ಪತ್ನಿಯ ಮುಂದೆ "ಕಿಸ್ಸಕ್ ಕಿಸ್ಸಕ್' ಅಂತ ಡಾನ್ಸರ್ಅನ್ನು ಸೊಂಟದ ಮೇಲೆ ಕೂರಿಸಿಕೊಳ್ಳುವ, ಗಂಗಮ್ಮ ತಾಯಿ ವೇಷದಲ್ಲಿ ಒಂದು ಭಕ್ತೀಗಿತೆಯ ಮಾಂಟೇಜ್ ಮತ್ತೊಂದು "ಸಾಮಿ ಸಾಮಿ' ಡೂಯೆಟ್, ಇನ್ನೊಂದು ಫೈಟ್ ಮಾಡುವ, ಜಪಾನ್ನಲ್ಲಿ ಟಾರ್ಜನ್ನಂತೆ ಹಾರುವ, ಮಾಲ್ಡೀವ್ಸ್ನಲ್ಲಿ ಐದು ಸಾವಿರ ಕೋಟಿ ರಕ್ತಚಂದನದ ಡೀಲ್ ನಡೆಸುವ, ಶ್ರೀಲಂಕಾದಲ್ಲಿ ಹೆಲಿಕಾಪ್ಟರ್ನಿಂದ ಇಳಿಯುವ, ಕೈಕಾಲು ಕಟ್ಟಿದ್ದರೂ ಎಗರಿ ಎಗರಿ ಕಚ್ಚುವ ಪುಷ್ಪರಾಜನ ಬಿಲ್ಡಪ್ನಲ್ಲೇ ಸಿನಿಮಾ ಕಳೆದುಹೋಗಿಬಿಡುತ್ತದೆ.
