ಹಿಂದಿಯ ‘ಘಜಿನಿ’, ತಮಿಳಿನ ‘ತುಪಾಕಿ’, ‘ಕತ್ತಿ’, ‘ಸರ್ಕಾರ್’ ಸೂಪರ್ ಹಿಟ್ ಚಿತ್ರ ಕೊಟ್ಟಿರುವ ಇವರು, ಇತ್ತೀಚೆಗೆ ಸೂಪರ್ ಸ್ಟಾರ್ ರಜನಿಕಾಂತ್ ಅಭಿನಯದ ‘ದರ್ಬಾರ್’ ಚಿತ್ರ ನಿರ್ದೇಶಿಸಿದ್ದರು. ಆದರೆ ನಿರೀಕ್ಷಿತ ಯಶಸ್ಸು ಕಾಣುವಲ್ಲಿ ವಿಫಲವಾಗಿತ್ತು. ಹೀಗಾಗಿ ಮುರುಗದಾಸ್ ಜತೆ ಅಲ್ಲು ಚಿತ್ರ ಮಾಡುವುದಿಲ್ಲ ಎಂಬ ಮಾತು ಕೂಡ ಕೇಳಿಬಂದಿತ್ತು. ಆದರೆ ಅಲ್ಲುಗೆ ಕಥೆ ಇಷ್ಟವಾಗಿದ್ದು, ಒಟ್ಟಿಗೆ ಸಿನಿಮಾ ಮಾಡೋಣ ಎಂದಿದ್ದಾರಂತೆ. ಈ ಹಿಂದೆ ತೆಲುಗಿನಲ್ಲಿ ಚಿರಂಜೀವಿ ಮತ್ತು ಮಹೇಶ್ ಬಾಬು ಚಿತ್ರಗಳಿಗೆ ಮುರುಗದಾಸ್ ಆಕ್ಷನ್-ಕಟ್ ಹೇಳಿದ್ದರು. ಸದ್ಯ ಮಹಿಳಾ ಪ್ರಧಾನ ಕಥೆಯ ‘ರಾಂಗಿ’ ಚಿತ್ರದಲ್ಲಿ ತೊಡಗಿಸಿಕೊಂಡಿದ್ದಾರೆ. ಖ್ಯಾತ ನಟಿ ತ್ರಿಶಾ ಈ ಚಿತ್ರದ ನಾಯಕಿ. -ಏಜೆನ್ಸೀಸ್
