ಎಲ್ಲವೂ ಅಶ್ಲೀಲ ಚಿತ್ರಗಳೇ... ಮಲಯಾಳಂ ಸಿನಿರಂಗದ ಕರಾಳ ಅಧ್ಯಾಯ ನೆನಪಿಸಿದ ನಟಿ ಚಾರ್ಮಿಳಾ! Actress Charmila

Actress Charmila : ಇಂದು ಇಂಟರ್ನೆಟ್‌ನಿಂದಾಗಿ ವಯಸ್ಕರ ಚಲನಚಿತ್ರಗಳು ಹೇರಳವಾಗಿ ಲಭ್ಯವಿವೆ. ಆದರೆ, ಒಂದು ಕಾಲದಲ್ಲಿ ಅಂದರೆ, ಸುಮಾರು 3 ದಶಕಗಳ ಹಿಂದೆ, ಈ ರೀತಿ ಇರಲಿಲ್ಲ. ವಯಸ್ಕರಿಗೆ ಮಾತ್ರ ಎಂದು ಹೇಳಲಾದ ಎ ಪ್ರಮಾಣಪತ್ರ ಪಡೆದ ಸಿನಿಮಾಗಳಿಗಾಗಿ ವಯಸ್ಕರ ಸಿನಿ ಅಭಿಮಾನಿಗಳು ಕಾಯುತ್ತಿದ್ದರು. ಇಂಗ್ಲಿಷ್ ಭಾಷೆಯಲ್ಲಿ ಇಂತಹ ಸಿನಿಮಾಗಳು ಹೇರಳವಾಗಿತ್ತು. ಆದರೆ, ದೇಶಿಯವಾಗಿ ಇಂತಹ ಸಿನಿಮಾಗಳಿಗೆ ಕಠಿಣ ನಿರ್ಬಂಧ ಹೇರಲಾಗಿತ್ತು. ಆದರೆ, ಆ ಕಾಲದಲ್ಲೇ ಭಾರತದ ಒಂದು ಸಿನಿಮಾ ಇಂಡಸ್ಟ್ರಿ ಅಶ್ಲೀಲ ಸಿನಿಮಾ ವಿಚಾರದಲ್ಲಿ ಭಾರಿ ಸದ್ದು ಮಾಡಿತ್ತು.

ಹೌದು, ಪ್ರಸ್ತುತ ದೇಶದಲ್ಲಿ ಅತ್ಯಂತ ವೈವಿಧ್ಯಮಯ ಚಲನಚಿತ್ರಗಳ ತೊಟ್ಟಿಲು ಎಂದೇ ಮಲಯಾಳಂ ಚಲನಚಿತ್ರೋದ್ಯಮ ಖ್ಯಾತಿ ಪಡೆದಿದೆ. ಆದರೆ, ಒಂದು ಕಾಲದಲ್ಲಿ ಇದು ಅಶ್ಲೀಲ ಚಿತ್ರಗಳ ವಿಳಾಸವಾಗಿತ್ತು. ಆ ಸಮಯದಲ್ಲಿ, ಶಕೀಲಾ ಮತ್ತು ಇತರ ವಯಸ್ಕ ಚಲನಚಿತ್ರ ತಾರೆಯರು ಮಲಯಾಳಂ ಚಿತ್ರಗಳ ಮೇಲೆ ಸ್ಪಷ್ಟ ಪ್ರಾಬಲ್ಯವನ್ನು ಸಾಧಿಸಿದ್ದರು. ಎಷ್ಟರ ಮಟ್ಟಿಗೆ ಅಂದರೆ, ಸ್ಟಾರ್​ ನಟರ ಸಿನಿಮಾಗಳೇ ಬಿ ಗ್ರೇಡ್​ ಸಿನಿಮಾಗಳ ಮುಂದೆ ಮಕಾಡೆ ಮಲಗುತ್ತಿದ್ದವು. ಅದರಿಂದಾಗಿ ಬಿ ಗ್ರೇಡ್ ಸಿನಿಮಾಗಳೆಂದರೆ, ಮಲಯಾಳಂ ಎಂದು ಇಡೀ ದೇಶಕ್ಕೆ ತಿಳಿದಿತ್ತು. ಅಂದು ಮಲಯಾಳಂ ಸಿನಿಮಾ ರಂಗದ ಪರಿಸ್ಥಿತಿ ಹೇಗಿತ್ತು ಎಂಬುದನ್ನು ತಮಿಳು ಸಿನಿಮಾ ನಟಿ ಚಾರ್ಮಿಳಾ ಪ್ರಸ್ತುತ ಪೀಳಿಗೆಗೆ ನೆನಪಿಸಿದ್ದಾರೆ.

ಒಂದು ಕಾಲದಲ್ಲಿ ಮಲಯಾಳಂ ಚಿತ್ರರಂಗದಲ್ಲಿ ಜನಪ್ರಿಯ ತಾರೆಯಾಗಿ ಹೊರಹೊಮ್ಮಿದ್ದ ನಟಿ ಚಾರ್ಮಿಳಾ, ಚಿತ್ರರಂಗಕ್ಕೆ ಸೇರುವ ಮೊದಲು ತಮಗಿದ್ದ ಭಾವನೆಗಳನ್ನು ಬಹಿರಂಗಪಡಿಸಿದ್ದಾರೆ. 1980 ಮತ್ತು 1990 ರ ನಡುವೆ, ಮಲಯಾಳಂ ಚಲನಚಿತ್ರೋದ್ಯಮವು ಬಿ-ಗ್ರೇಡ್ ಚಿತ್ರಗಳಿಂದ ತುಂಬಿತ್ತು ಎಂದು ಹೇಳಿದ್ದಾರೆ. ಇತ್ತೀಚೆಗೆ ತಮಿಳು ನಿಯತಕಾಲಿಕೆಗೆ ನೀಡಿದ ಸಂದರ್ಶನದಲ್ಲಿ, ತಮ್ಮ ವೃತ್ತಿಜೀವನದ ಆರಂಭದಲ್ಲಿ ತಮ್ಮ ಪಾಲಕರು ಮಲಯಾಳಂ ಚಲನಚಿತ್ರಗಳ ಆಫರ್‌ಗಳನ್ನು ಸ್ವೀಕರಿಸುವುದನ್ನು ತಡೆದಿದ್ದರು ಎಂಬುದನ್ನು ನೆನಪಿಸಿಕೊಂಡಿದ್ದಾರೆ.

ಆಗ, ಮಲಯಾಳಂ ಸಿನಿಮಾ ಎಂದರೆ ಬಿ-ಗ್ರೇಡ್ ಚಿತ್ರಗಳನ್ನು ನಿರ್ಮಿಸುವುದು ಮಾತ್ರ ಎಂದು ಅನೇಕ ಜನರು ಭಾವಿಸಿದ್ದರು. ಅದಕ್ಕಾಗಿಯೇ ನನ್ನ ಪಾಲಕರು ನನ್ನನ್ನು ಆ ಉದ್ಯಮಕ್ಕೆ ಕಳುಹಿಸಲು ಬಯಸಲಿಲ್ಲ, ಅದಕ್ಕಾಗಿಯೇ ಮೊದಲ ಆಫರ್ ಬಂದಾಗ ನಾನು ಹೆದರುತ್ತಿದ್ದೆ. ಪ್ರಸಿದ್ಧ ನಿರ್ದೇಶಕರು ನನ್ನನ್ನು ಸಂಪರ್ಕಿಸಿದಾಗಲೂ ನಾನು ನಟಿಸಲು ನಿರಾಕರಿಸಿದೆ ಎಂದು ಚಾರ್ಮಿಳಾ ಬಹಿರಂಗಪಡಿಸಿದ್ದಾರೆ.

ಇದನ್ನೂ ಓದಿ: ಬಾಯಿಗೆ ಕಲ್ಲು ಹಾಕಿ, ತುಟಿಯನ್ನು ಗಮ್​ ಹಾಕಿ ಅಂಟಿಸಿದ ಸ್ಥಿತಿಯಲ್ಲಿ ಅರಣ್ಯದಲ್ಲಿ 15 ದಿನದ ಮಗು ಪತ್ತೆ! Newborn baby

ಮಲಯಾಳಂ ಚಿತ್ರೋದ್ಯಮಕ್ಕೆ ಈ ಕಳಂಕ ಬಂದಿರುವುದು ಕೇರಳದ ಹೊರಗೆ ಹೊರತು ರಾಜ್ಯದ ಒಳಗೆ ಅಲ್ಲ. ನೆರೆಯ ರಾಜ್ಯಗಳ ಜನರು ಮಲಯಾಳಂ ಚಿತ್ರಗಳ ಬಗ್ಗೆ ಮಾತನಾಡುವಾಗ, ಅವರಿಗೆ ನೆನಪಾಗುವುದು ಎ-ಪ್ರಮಾಣಪತ್ರದ ಚಿತ್ರಗಳು ಮತ್ತು ಅವುಗಳ ಪೋಸ್ಟರ್‌ಗಳು ಮಾತ್ರ. ಅವರಿಗೆ ಮಲಯಾಳಂ ಮನರಂಜನೆ ಎಂದರೆ ಡ್ರಗ್ ಮಹಿಳೆಯರು ಎಂಬ ಅರ್ಥವಿತ್ತು. ಹಿರಿಯ ನಿರ್ಮಾಪಕ ಕೆ. ಬಾಲಾಜಿ ಅವರು ತಮ್ಮ ಅಳಿಯ ಹಾಗೂ ಇಂದಿನ ಸೂಪರ್‌ಸ್ಟಾರ್ ಮೋಹನ್ ಲಾಲ್ ಅವರೊಂದಿಗೆ ನಟಿಸುವ ಅವಕಾಶ ಸಿಕ್ಕಿದೆ ಎಂದು ತಮ್ಮ ಕುಟುಂಬಕ್ಕೆ ಮನವರಿಕೆ ಮಾಡಿಕೊಟ್ಟ ನಂತರವೇ ನಾನು ಮಲಯಾಳಂ ಚಿತ್ರರಂಗದಲ್ಲಿ ನಟಿಸಿದೆ.

ಮಲಯಾಳಂ ಸಿನಿಮಾ ಇಂಡಸ್ಟ್ರಿ ಬಿ-ಗ್ರೇಡ್ ಪ್ರಕಾರದ್ದಲ್ಲ ಮತ್ತು ಮೋಹನ್ ಲಾಲ್ ಹಾಗೂ ಮಮ್ಮುಟ್ಟಿಯಂತಹ ಪ್ರಮುಖ ನಟರು ಒಳ್ಳೆಯ ಚಿತ್ರಗಳಲ್ಲಿ ಮಾತ್ರ ಕೆಲಸ ಮಾಡುತ್ತಾರೆ ಎಂದು ಚಾರ್ಮಿಲಾ ಅವರ ಪಾಲಕರಿಗೆ ಬಾಲಾಜಿ ಅವರು ಮನವರಿಕೆ ಮಾಡಿದರು. ಚಾರ್ಮಿಳಾ ಅವರು ತಮ್ಮ ಮೊದಲ ಮಲಯಾಳಂ ಸಿನಿಮಾದಲ್ಲಿ ಮೋಹನ್ ಲಾಲ್ ಜತೆ ನಟಿಸಿದರು ಮತ್ತು ನಂತರ ಆ ಭಾಷೆಯಲ್ಲಿ ಕ್ಲಾಸಿಕ್‌ ಸಿನಿಮಾಗಳ ಮೂಲಕ ತಮ್ಮ ವೃತ್ತಿಜೀವನವನ್ನು ಭದ್ರಪಡಿಸಿಕೊಂಡರು. (ಏಜೆನ್ಸೀಸ್​)

https://www.vijayavani.net/actress-childhood-photo-can-you-guess-this-bollywood-actress-from-her-childhood-pic

https://www.vijayavani.net/vijaykrishna-naresh-mom-used-to-call-me-by-that-name-what-does-pavitra-lokesh-call-me