ಈ ನಾಲ್ಕು ಚಿತ್ರಗಳು ವಿಶ್ವದಾದ್ಯಂತ 1,000 ಕೋಟಿ ರೂ.ಗೂ ಮೀರಿ ಗಳಿಕೆ ಮಾಡಿ ಹೊಸ ದಾಖಲೆ ಸೃಷ್ಟಿಸುವ ಸನಿಹದಲ್ಲಿವೆ. ಬಾಲಿವುಡ್ನಲ್ಲಿ ಈ ದಾಖಲೆ ಬರೆದ ಮೊದಲ ನಟ ಎಂಬ ಹೆಗ್ಗಳಿಕೆಗೆ ಅಕ್ಷಯ್ ಸಾಕ್ಷಿಯಾಗಲಿದ್ದಾರೆ. ‘ಕೇಸರಿ’ 151.87 ಕೋಟಿ ರೂ., ‘ಮಿಷನ್ ಮಂಗಲ್’ 192.67 ಕೋಟಿ ರೂ., ‘ಹೌಸ್ಫುಲ್ 4’ 205.60 ಕೋಟಿ ರೂ. ಗಳಿಸಿವೆ. ಇನ್ನೂ ಚಿತ್ರಮಂದಿರಗಳಲ್ಲಿ ಪ್ರದರ್ಶನ ಕಾಣುತ್ತಿರುವ ‘ಗುಡ್ ನ್ಯೂಸ್’ 200 ಕೋಟಿ ರೂ. ಗಳಿಸಿ ಗೆಲುವಿನ ನಾಗಾಲೋಟ ಮುಂದುವರಿಸಿದೆ. ಈ ನಾಲ್ಕು ಚಿತ್ರಗಳು ಒಟ್ಟು 750.14 ಕೋಟಿ ಕಲೆಕ್ಷನ್ ಮಾಡಿದ್ದು ಭಾರತದಲ್ಲಿ ಮಾತ್ರ. ಇನ್ನು ವಿಶ್ವಮಟ್ಟದಲ್ಲಿ ‘ಕೇಸರಿ’ 203 ಕೋಟಿ ರೂ., ಮಿಷನ್ ಮಂಗಲ್’ 277 ಕೋಟಿ ರೂ., ‘ಹೌಸ್ಫುಲ್-4’ 293 ಕೋಟಿ ರೂ., ಗುಡ್ ನ್ಯೂಸ್’ 305 ಕೋಟಿ ರೂ. ವಸೂಲಿ ಮಾಡಿದ್ದು, ಒಟ್ಟು 1078 ಕೋಟಿ ರೂ. ಗಳಿಸಿವೆ ಎನ್ನಲಾಗುತ್ತಿದೆ. -ಏಜೆನ್ಸೀಸ್.
