ಓಟಿಟಿಗೆ ಎಂಟ್ರಿ ಕೊಡಲು ಅಜಯ್​ ದೇವಗನ್​ ಪಡೆಯುತ್ತಿರುವ ಮೊತ್ತ ಎಷ್ಟು ಹೇಳಿ?

ಮುಂಬೈ: ಬಾಲಿವುಡ್​ನ ಹಲವು ನಟ-ನಟಿಯರು ಓಟಿಟಿಯಲ್ಲಿ ಕಾಣಿಸಿಕೊಳ್ಳುವುದಕ್ಕೆ ನಾ ಮುಂದು, ತಾ ಮುಂದು ಎನ್ನುತ್ತಿದ್ದಾರೆ. ಯಾವಾಗ ಮನೋಜ್​ ಬಾಜ್ಪೇಯಿ, ಸೈಫ್​ ಅಲಿ ಖಾನ್​, ಬಾಬ್ಬಿ ಡಿಯೋಲ್​ ಮುಂತಾದವರು ಓಟಿಟಿಯಲ್ಲಿ ಸ್ಟಾರ್​ಪಟ್ಟ ಅಲಂಕರಿಸಿದರೋ, ಅಲ್ಲಿಂದ ಬೇರೆಯವರ ಮಧ್ಯೆಯೂ ಓಟಿಟಿಗೆ ಎಂಟ್ರಿ ಕೊಡುವುದಕ್ಕೆ ಪೈಪೋಟಿ ನಡೆಯುತ್ತಿದೆ.

ಇದನ್ನೂ ಓದಿ: ಇಂಡಿಯನ್​ ಟೆಲಿವಿಷನ್​ ಇತಿಹಾಸದಲ್ಲೇ ಹೊಸ ದಾಖಲೆ ಬರೆದ ಬಿಗ್​ಬಾಸ್​ 8ನೇ ಆವೃತ್ತಿ!

ಇದೀಗ, ಅಜಯ್​ ದೇವಗನ್​ ಸಹ ಓಟಿಟಿಯ ವೆಬ್​ಸೀರೀಸ್​ವೊಂದರಲ್ಲಿ ಕಾಣಿಸಿಕೊಳ್ಳುವುದಕ್ಕೆ ಸಜ್ಜಾಗಿದ್ದು, ಅದಕ್ಕಾಗಿ ಅವರು ಎಷ್ಟು ಸಂಬಾವನೆ ಪಡೆಯುತ್ತಿದ್ದಾರೆ ಎಂಬ ಚರ್ಚೆ ದೊಡ್ಡ ಮಟ್ಟದಲ್ಲಿ ನಡೆಯುತ್ತಿದೆ.

ಅಂದಹಾಗೆ, ಡಿಸ್ನಿ ಹಾಟ್​ಸ್ಟಾರ್​ನಲ್ಲಿ ಸ್ಟ್ರೀಮ್​ ಆಗಲಿರುವ 'ರುದ್ರ' ಎಂಬ ವೆಬ್​ಸೀರೀಸ್​ನಲ್ಲಿ ಕಾಣಿಸಿಕೊಳ್ಳುವುದಕ್ಕೆ ಸಜ್ಜಾಗಿದ್ದು, ಅದಕ್ಕಾಗಿ 125 ಕೋಟಿ ರೂ.ಗಳನ್ನು ಪಡೆಯಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಬ್ರಿಟಿಶ್​ ವೆಬ್​ಸೀರೀಸ್​ 'ಲೂಥರ್​'ನ ರೀಮೇಕ್​ ಆಗಿರುವ ಈ ಕಾರ್ಯಕ್ರಮದಲ್ಲಿ ವಿಭಿನ್ನವಾದ ಪಾತ್ರವೊಂದರಲ್ಲಿ ಅಜಯ್​ ಕಾಣಿಸಿಕೊಳ್ಳುತ್ತಿದ್ದಾರಂತೆ.

ಇದನ್ನೂ ಓದಿ: ಹುಟ್ಟುಹಬ್ಬ ಆಚರಿಸಿಕೊಳ್ಳದಿರಲು ಸತೀಶ್​ ನಿರ್ಧಾರ … ಕಾರಣ ಏನು?

'ತಾನ್ಹಾಜಿ' ಯಶಸ್ಸಿನ ನಂತರ ಸಹಜವಾಗಿಯೇ ಅಜಯ್​ ದೇವಗನ್​ಗೆ ಬೇಡಿಕೆ ಇದ್ದು, ಈಗಾಗಲೇ ಅವರ 'ಭುಜ್​' ಚಿತ್ರವು ಅದೇ ಡಿಸ್ನಿ-ಹಾಟ್​ಸ್ಟಾರ್​ಗೆ ಮಾರಾಟವಾಗಿದೆ. ಈಗ 'ರುದ್ರ' ಮೂಲಕ ಅಜಯ್​ ಮತ್ತು ಓಟಿಟಿಯ ಬಾಂಧವ್ಯ ಇನ್ನಷ್ಟು ಹೆಚ್ಚಿದೆ. ಈ 125 ಕೋಟಿ ರೂ.ಗಳ ಡೀಲ್​ ಬರೀ ವೆಬ್​ಸರಣಿಯಲ್ಲಿ ನಟಿಸುವುದಕ್ಕಷ್ಟೇ ಅಲ್ಲ, ಪ್ರೋಮೋ ಶೂಟ್​, ಸೋಷಿಯಲ್​ ಮೀಡಿಯಾ ಪೋಸ್ಟ್​, ರಿಯಾಲಿಟಿ ಶೋಗಳಲ್ಲಿ ಭಾಗವಹಿಸುವಿಕೆ ... ಸೇರಿದಂತೆ ಹಲವು ವಿಷಯಗಳನ್ನು ಒಳಗೊಂಡಿದೆ.

https://www.vijayavani.net/salman-khan-not-keen-about-remakes/