ಇನ್​ಸ್ಟಾಗ್ರಾಂನಲ್ಲಿ 95 ಲಕ್ಷ ಹಿಂಬಾಲಕರಿರುವ ಐಶ್ವರ್ಯಾ ಫಾಲೋ ಮಾಡೋದು ಒಬ್ಬರನ್ನು ಮಾತ್ರ! ಯಾರು ಆ ಲಕ್ಕಿ ಮ್ಯಾನ್?

ಮುಂಬೈ: ಬಾಲಿವುಡ್ ಬೆಡಗಿ ಐಶ್ವರ್ಯಾ ರೈ ಕಂಡರೆ ಯಾರಿಗೆ ತಾನೇ ಇಷ್ಟವಿಲ್ಲ ಹೇಳಿ. ಸಿನಿಮಾಗಳಲ್ಲಿ ತಮ್ಮ ಅದ್ಭುತ ಅಭಿನಯದ ಮೂಲಕ ಮಿಂಚುವ ಬಚ್ಚನ್ ಕುಟುಂಬದ ಸೊಸೆಗೆ ಕೋಟ್ಯಂತರ ಅಭಿಮಾನಿಗಳಿದ್ದಾರೆ ಎಂದರೆ ತಪ್ಪಾಗಲಾರದು. ಸೋಶಿಯಲ್ ಮೀಡಿಯಾಗಳಲ್ಲಿ ಅಷ್ಟೊಂದು ಆ್ಯಕ್ಟಿವ್ ಇಲ್ಲವಾದರೂ ಅವರಿಗೆ ಇನ್​ಸ್ಟಾಗ್ರಾಂನಲ್ಲಿ 95 ಲಕ್ಷ ಹಿಂಬಾಲಕರಿದ್ದಾರೆ. ಆದರೆ ಅವರು ಹಿಂಬಾಲಿಸುತ್ತಿರುವುದು ಒಬ್ಬರನ್ನು ಮಾತ್ರ.

ಐಶ್ವರ್ಯಾ ಇನ್​ಸ್ಟಾಗ್ರಾಂಗೆ 2007ರಲ್ಲಿ ಸೇರಿದ್ದಾರೆ. ಅಲ್ಲಿಂದ ಇಲ್ಲಿಯವರೆಗೂ ಅವರು ಒಬ್ಬ ವ್ಯಕ್ತಿಯನ್ನು ಮಾತ್ರ ಫಾಲೋ ಮಾಡುತ್ತಿದ್ದಾರೆ. ಅದು ಬೇರೆ ಯಾರೂ ಅಲ್ಲ, ಅವರ ಪತಿ ಅಭಿಷೇಕ್ ಬಚ್ಚನ್. ಅಭಿಷೇಕ್​ಗೆ ಇನ್​ಸ್ಟಾಗ್ರಾಂನಲ್ಲಿ 73 ಲಕ್ಷ ಫಾಲೋಯರ್ಸ್ ಇದ್ದು ಅವರು 331 ಖಾತೆಗಳನ್ನು ಫಾಲೋ ಮಾಡುತ್ತಿದ್ದಾರೆ. ಅದರಲ್ಲಿ ಬಹುತೇಕ ಖಾತೆಗಳು ಯಾರದ್ದೂ ಪರ್ಸನಲ್ ಖಾತೆ ಆಗದೆ, ಪೇಜ್​ಗಳಾಗಿವೆ.

ಐಶ್ವರ್ಯಾ ಇದುವರೆಗೆ 257 ಪೋಸ್ಟ್​ಗಳನ್ನು ಇನ್​ಸ್ಟಾಗ್ರಾಂನಲ್ಲಿ ಮಾಡಿದ್ದಾರೆ. ಸದಾ ಆ್ಯಕ್ಟಿವ್ ಇರದ ಅವರು ಕೆಲವು ವಿಶೇಷ ಸಂದರ್ಭಗಳಲ್ಲಿ ಮಾತ್ರ ಇನ್​ಸ್ಟಾಗ್ರಾಂ ಅನ್ನು ಮರೆಯುವುದಿಲ್ಲ ಎನ್ನಬಹುದು. ಜೂನ್ 18ಕ್ಕೆ ತಮ್ಮ ನಟನೆಯ ಹಮ್ ದಿಲ್ ದೇ ಚುಕೇ ಸಿನಿಮಾಕ್ಕೆ 22 ವರ್ಷವಾಗಿದ್ದು, ಅದರ ಖುಷಿಯನ್ನು ಹಂಚಿಕೊಂಡಿದ್ದರು. ಅದಕ್ಕೂ ಮೊದಲು ಅವರ ತಾಯಿಯ ಜನ್ಮದಿನದ ಆಚರಣೆಯ ಫೋಟೋವನ್ನು ಹಂಚಿಕೊಂಡಿದ್ದರು. (ಏಜೆನ್ಸೀಸ್)

https://www.vijayavani.net/monkeyfox-in-america-after-17-years/

https://www.vijayavani.net/tattoographer-karan-story/

https://www.vijayavani.net/ola-electric-scooter-creates-a-record/