ಮಗಳೊಂದಿಗೆ ಕೇನ್ಸ್‌ಗೆ ಹೊರಟ ಐಶ್ವರ್ಯಾ ರೈ; ಮತ್ತೆ ಸದ್ದು ಮಾಡಲಿದೆಯಾ ಫ್ಯಾಷನ್ ಸ್ಟೇಟ್‌ಮೆಂಟ್? Aishwarya Rai Bachchan

ಆದಾಗ್ಯೂ, ಈ ವರ್ಷ ಉತ್ಸವದಲ್ಲಿ ಭಾಗವಹಿಸುವ ಕೊನೆಯ ಭಾರತೀಯ ತಾರೆಗಳಲ್ಲಿ ಐಶ್ವರ್ಯಾ ಕೂಡಾ ಒಬ್ಬರಾಗಿದ್ದಾರೆ. ಕೇನ್ಸ್​ ರೆಡ್​ ಕಾರ್ಪೆಟ್​ನಲ್ಲಿ ಅವರ ಅಭಿಮಾನಿಗಳು ತಾರೆಯನ್ನು ಮಿಸ್​ ಮಾಡಿಕೊಳ್ಳುತ್ತಿದ್ದ ನಡುವೆ ಅವರು ತಮ್ಮ ಮಗಳು ಆರಾಧ್ಯ ಬಚ್ಚನ್​ ಅವರೊಂದಿಗೆ ವಿಮಾನ ನಿಲ್ದಾಣದಲ್ಲಿ ಕಾಣಿಸಿಕೊಂಡಿದ್ದು, ಸಧ್ಯ ಕುತೂಹಲ ಮೂಡಿಸಿದೆ.

ವಿಮಾನ ನಿಲ್ದಾಣದಲ್ಲಿ ಚಿತ್ರೀಕರಿಸಲಾದ ಈ ವಿಡಿಯೋದಲ್ಲಿ ಐಶ್ವರ್ಯಾ ರೈ ಮತ್ತು ಆರಾಧ್ಯ ಇಬ್ಬರೂ ಕಪ್ಪು ಬಣ್ಣದ ಮ್ಯಾಚಿಂಗ್ ಉಡುಪುಗಳನ್ನು ಧರಿಸಿ ಅತ್ಯಂತ ಸ್ಟೈಲಿಶ್ ಆಗಿ ಕಾಣಿಸಿಕೊಂಡಿದ್ದಾರೆ. ಸದಾ ಮಗಳ ಕೈ ಹಿಡಿದುಕೊಂಡೇ ಸಾರ್ವಜನಿಕವಾಗಿ ಕಾಣಿಸಿಕೊಳ್ಳುವ ಐಶ್ವರ್ಯಾ, ಈ ಬಾರಿಯೂ ಆರಾಧ್ಯ ಜೊತೆ ಕ್ಯಾಮೆರಾಗಳಿಗೆ ಮುಗುಳ್ನಗುತ್ತಲೇ ಫೋಸ್ ನೀಡಿದ್ದಾರೆ. ಆದಾಗ್ಯೂ, ತಾಯಿ-ಮಗಳ ಜೋಡಿಯನ್ನು ನೋಡಿ ನೆಟ್ಟಿಗರು ಫಿದಾ ಆಗಿದ್ದಾರೆ.

ವಿಡಿಯೋ ಆನ್​ಲೈನ್​ನಲ್ಲಿ ಕಾಣಿಸಿಕೊಳ್ಳುತ್ತಿದ್ದಂತೆಯೇ ಸಂತೋಷಪಟ್ಟ ಅನೇಕ ಅಭಿಮಾನಿಗಳು ಕೇನ್ಸ್ ಹಬ್ಬದ ಅಸಲಿ ರಾಣಿ 'ಎಕ್ಸ್‌ಕ್ಲೂಸಿವಾಗಿ ಎಂಟ್ರಿ ಕೊಟ್ಟಿದ್ದಾರೆ, ಇನ್ನು ರೆಡ್ ಕಾರ್ಪೆಟ್ ಮೇಲೆ ಅಸಲಿ ಧಮಾಕಾ ಶುರು ಎಂದು ಕೊಂಡಾಡಿದ್ದಾರೆ.

ಈ ಹಿಂದೆ ನಟಿ ಐಶ್ವರ್ಯಾ ರೈ ಬಚ್ಚನ್ ಅವರ ಮಗಳು ಆರಾಧ್ಯ ಬಚ್ಚನ್​ ಶಾಲೆಯ ಬೇಸಿಗೆ ರಜೆ ಪ್ರವಾಸದಿಂದ ವಾಪಾಸ್ಸಾಗಿದ್ದು, ಅವರನ್ನು ಬರಮಾಡಿಕೊಳ್ಳಲು ಮುಂಬೈ ವಿಮಾನ ನಿಲ್ದಾಣಕ್ಕೆ ಆಗಮಿಸಿದ್ದರು. ಈ ವೇಳೆ ಅವರಿಬ್ಬರ ಆತ್ಮೀಯ ಭೇಟಿಯ ದೃಶ್ಯಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದ್ದವು.

ಆರಾಧ್ಯ ವಿಮಾನ ನಿಲ್ದಾಣದಿಂದ ಹೊರಬರುತ್ತಿದ್ದಂತೆ ಮಗಳ ಬರುವಿಕೆಗಾಗಿ ಕಾಯುತ್ತಿದ್ದ ಐಶ್ವರ್ಯಾ ರೈ ಮುಖದಲ್ಲಿ ಮಂದಹಾಸ ಮೂಡಿತ್ತು. ತಕ್ಷಣವೇ ಮಗಳನ್ನು ಅಪ್ಪಿಕೊಂಡು ಸಂತೋಷಪಟ್ಟರು. ಆರಾಧ್ಯ ಕೂಡ ಹೊರಗೆ ಹೋಗುವ ಮೊದಲು ತನ್ನ ಸ್ನೇಹಿತರೊಂದಿಗೆ ಸಂತೋಷದಿಂದ ಫೋಟೋಗಳಿಗೆ ಪೋಸ್ ನೀಡಿದರು. ಈ ವೇಳೆ ಐಶ್ವರ್ಯಾ ತನ್ನ ಫೋನ್​ನಲ್ಲಿ ಆ ಕ್ಷಣಗಳನ್ನು ಸೆರೆಹಿಡಿದಿದ್ದರು. ಜೊತೆಗೆ ಅವರಿಬ್ಬರು ಒಂದೇ ಬಣ್ಣದ ಉಡುಪಿನಲ್ಲಿ ಕಾಣಿಸಿಕೊಂಡಿದ್ದರು.

ಕೆಲಸದ ವಿಷಯದಲ್ಲಿ, ಐಶ್ವರ್ಯಾ ರೈ ಅವರ ಕೊನೆಯ ಚಿತ್ರ ಮಣಿರತ್ನಂ ನಿರ್ದೇಶನದ ಎರಡು ಭಾಗಗಳ ತಮಿಳು ಚಿತ್ರ ಪೊನ್ನಿಯಿನ್ ಸೆಲ್ವನ್: II (2023), ಇದರಲ್ಲಿ ಅವರು ನಂದಿನಿ ಮತ್ತು ಮಂದಾಕಿನಿ ದೇವಿ ಪಾತ್ರಗಳನ್ನು ನಿರ್ವಹಿಸಿದರು. ಅವರು ಪೊನ್ನಿಯಿನ್ ಸೆಲ್ವನ್: ಭಾಗ I (2022) ರಲ್ಲೂ ನಟಿಸಿದ್ದರು (ಏಜೆನ್ಸೀಸ್​).