ಆಂಧ್ರ ಪ್ರದೇಶ: ಎರಡೂ ತೆಲುಗು ರಾಷ್ಟ್ರಗಳಲ್ಲಿ 4-5 ದಿನಗಳಿಂದ ಕೇವಲ ನಟ ನಂದಮೂರಿ ಬಾಲಕೃಷ್ಣ ನಟಿಸಿರುವ 'ಅಖಂಡ' ಸಿನಿಮಾ ಭಾರಿ ಸದ್ದು ಮಾಡುತ್ತಿದೆ. ಡಿ. 2ರಂದು 'ಅಖಂಡ' ತೆರೆಕಂಡಿದ್ದು, ಡಿ.5 ರವೆರೆಗೆ ಬರೀ ದಕ್ಷಿಣದಲ್ಲೇ 50 ಕೋಟಿ ರೂಪಾಯಿ ಗಳಿಸಿದೆ ಎಂದು ಬಾಕ್ಸ್ ಆಫೀಸ್ ವರದಿಗಳು ತಿಳಿಸಿವೆ. ಸಿನಿಮಾ ಒಳ್ಳೆಯ ಗಳಿಕೆ ಮಾಡಿದರೂ ಕೇವಲ ಬಾಲಕೃಷ್ಣ ಅಭಿಮಾನಿಗಳಿಗೆ ಮಾತ್ರ ಇಷ್ಟವಾಗಿದೆ ಎಂಬ ವಿಮರ್ಶೆ ಸಹ ಕೇಳಿಬಂದಿದೆ. ಇನ್ನು, ಈ ಸಿನಿಮಾ ನೋಡಲು ವಿಶಾಖಪಟ್ಟಣದಲ್ಲಿ ಬಂಗಾರರಾಜು ಥೀಯೆಟರ್ಗೆ ಅಘೋರಿಗಳು ಬಂದಿದ್ದರು. ಕಾರಣ, ಚಿತ್ರದಲ್ಲಿ ಬಾಲಯ್ಯ ಅಘೋರನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ತಮ್ಮ ಹೊಸ ಲುಕ್ ಮೂಲಕವೇ ಚರ್ಚೆಗೆ ಗ್ರಾಸವಾಗಿದ್ದಾರೆ.
