ಬೆಂಗಳೂರು: ಕನ್ನಡದ ‘ಅಧ್ಯಕ್ಷ’ ಚಿತ್ರದ ಮೂಲಕ ಬಣ್ಣದ ಲೋಕಕ್ಕೆ ಬಂದವರು ಮುಂಬೈ ಮೂಲದ ನಟಿ ಹೆಬಾ ಪಟೇಲ್. ಬಳಿಕ ತೆಲುಗು, ತಮಿಳು ಚಿತ್ರರಂಗದಲ್ಲಿ ಬಿಜಿಯಾದರು. ತೆಲುಗಿನ ‘ಅಲಾ ಇಲಾ’, ‘ಭೀಷ್ಮ’, ‘ದ ಗ್ರೇಟ್ ಇಂಡಿಯಾನ್ ಸೂಯಿಸೈಡ್’ ಸೇರಿ ತಮಿಳಿನ ಹಲವು ಹಿಟ್ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಇದೀಗ, 10 ವರ್ಷಗಳ ಬಳಿಕ ಹೆಬಾ ಮತ್ತೆ ಚಂದನವನಕ್ಕೆ ಪ್ರವೇಶ ಪಡೆಯುತ್ತಿದ್ದಾರೆ. ‘ಮೈತ್ರಿ’, ‘ಜಟ್ಟ’ ಖ್ಯಾತಿಯ ಬಿ.ಎಂ.ಗಿರಿರಾಜು ನಿರ್ದೇಶನದ ಹಾಗೂ ‘ಬಿಗ್ಬಾಸ್ ಕನ್ನಡ-10’ರ ವಿಜೇತ ಕಾರ್ತಿಕ್ ಮಹೇಶ್ ಅಭಿನಯದ ‘ರಾಮರಸ’ ಚಿತ್ರದಲ್ಲಿ ಬಹುಮುಖ್ಯಪಾತ್ರದಲ್ಲಿ ನಟಿ ಕಾಣಿಸಿಕೊಳ್ಳುತ್ತಿದ್ದಾರೆ. ಸೋಮವಾರ ನಟಿಯ ಫಸ್ಟ್ಲುಕ್ ಬಿಡುಗಡೆಯಾಗಲಿದೆ.
