'ಆದಿಪುರುಷ್' 5ನೇ ದಿನದ ಕಲೆಕ್ಷನ್ ಎಷ್ಟು? ಇಲ್ಲಿದೆ ಮಾಹಿತಿ

ತೆಲಂಗಾಣ: ಡಾರ್ಲಿಂಗ್ ಪ್ರಭಾಸ್(Darling Prabhas) ಮತ್ತು ಕೃತಿ ಸನನ್(Kriti Sanon) ಪ್ರಮುಖ ಪಾತ್ರಗಳಲ್ಲಿ ನಟಿಸಿರುವ ಆದಿಪುರುಷ್(Adipurush) ಚಿತ್ರ ಇದೀಗ ಸಾಕಷ್ಟು ವಿವಾದಗಳ ನಡುವೆಯೂ ಗಲ್ಲಾಪೆಟ್ಟಿಗೆಯಲ್ಲಿ ಉತ್ತಮ ಗಳಿಕೆಯನ್ನು ಕಾಣುತ್ತಿದೆ.

ಇದನ್ನೂ ಓದಿ: ಜಾತಿ, ಧರ್ಮ, ಸಿದ್ಧಾಂತಗಳಿಗೆ ತಳುಕು ಹಾಕದೆ ಮಾನಸಿಕ ಆರೋಗ್ಯಕ್ಕಾಗಿ ಯೋಗ ಮಾಡೋಣ: ಸಿಎಂ ಸಿದ್ದರಾಮಯ್ಯ

ಕಳೆದ ಶುಕ್ರವಾರ ದೇಶಾದ್ಯಂತ ಬಹುತೇಕ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾದ ಪ್ಯಾನ್-ಇಂಡಿಯನ್(Pan India) ಆದಿಪುರುಷ್ ಸಿನಿಮಾ ತೀವ್ರ ಟೀಕೆಗಳನ್ನು ಎದುರಿಸುತ್ತಿದ್ದರೂ ಗಲ್ಲಾಪೆಟ್ಟಿಗೆಯಲ್ಲಿ ಉತ್ತಮ ಕಲೆಕ್ಷನ್ ಗಳಿಸುವಲ್ಲಿ ಯಶಸ್ವಿಯಾಗಿದೆ. ಈ ಚಿತ್ರ ಬಿಡುಗಡೆಗೊಂಡು ಇದೀಗ 5ನೇ ದಿನಕ್ಕೆ ಕಾಲಿಟ್ಟಿದ್ದು, ಕೇವಲ ಆಂಧ್ರಪ್ರದೇಶ(Andrapradesh) ಮತ್ತು ತೆಲಂಗಾಣದಲ್ಲಿ(Telangana) 75.70 ಕೋಟಿ ರೂ. ಕಲೆಕ್ಷನ್ ಕಂಡಿದೆ! ಮೊದಲ ಐದು ದಿನಗಳ ಪ್ರದೇಶವಾರು ಚಿತ್ರದ ಒಟ್ಟು ಗಳಿಕೆಯ ಮಾಹಿತಿ ಇಲ್ಲಿದೆ.

ನಿಜಾಮ್: 34.31 ಕೋಟಿ ರೂ.

ಸೆಡೆಡ್: 10.17 ಕೋಟಿ ರೂ.

ಯುಎ: 9.03 ಕೋಟಿ ರೂ.

ಪೂರ್ವ: 5.35 ಕೋಟಿ ರೂ.

ಪಶ್ಚಿಮ: 4.35 ಕೋಟಿ ರೂ.

ಗುಂಟೂರು: 6.23 ಕೋಟಿ ರೂ.

ಕೃಷ್ಣ: 4.16 ಕೋಟಿ ರೂ.

ನೆಲ್ಲೂರು: 2.10 ಕೋಟಿ ರೂ.

ಇದನ್ನೂ ಓದಿ: ಜೀನಿಯಸ್​ ಮಾತ್ರ ಕೇವಲ 10 ಸೆಕೆಂಡ್​ಗಳಲ್ಲಿ ಈ ಫೋಟೋದಲ್ಲಿರುವ ಬೆಕ್ಕನ್ನು ಹುಡುಕಬಲ್ಲರು!

ಆದಿಪುರುಷ್ ಚಿತ್ರದ ತೆಲುಗು ಆವೃತ್ತಿಯು ವಿಶ್ವಾದ್ಯಂತ ಮಾಡಿರುವ ಕಲೆಕ್ಷನ್ 95 ಕೋಟಿ ರೂ.ಗಳನ್ನು ತಲುಪಿದೆ. ಸಿನಿ ಲೆಕ್ಕಾಚಾರಗಳ ಪ್ರಕಾರ ಈ ಚಿತ್ರವು ಮುಂದಿನ ವಾರಗಳಲ್ಲಿ ಇನ್ನೂ ಹೆಚ್ಚಿನ ಆದಾಯವನ್ನು ಗಳಿಸುತ್ತದೆ ಎಂದು ನಿರೀಕ್ಷಿಸಿದ್ದಾರೆ. ಚಿತ್ರದಲ್ಲಿ ನಟ ಪ್ರಭಾಸ್, ಕೃತಿ ಸನೋನ್, ಸೈಫ್ ಅಲಿ ಖಾನ್, ದೇವನಾಗ್ ದತ್ತಾ, ಸನ್ನಿ ಸಿಂಗ್, ಸೋನಾಲ್ ಚೌಹಾನ್ ಮತ್ತು ಇತರರು ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ.