ಟಾಲಿವುಡ್ನ ಟಾಪ್ ಐದು ನಟಿಯರ ಪಟ್ಟಿಯಲ್ಲಿ ಅಥವಾ ಅತೀ ಹೆಚ್ಚು ಸಂಭಾವನೆ ಪಡೆಯುವ ನಟಿಯರ ಪಟ್ಟಿಯಲ್ಲಿ ತಮನ್ನಾ ಭಾಟಿಯಾ ಹೆಸರು ಮಾಯವಾಗಿ ಕೆಲವು ವರ್ಷಗಳೇ ಆಗಿವೆ. ಆ ಪಟ್ಟಿಯಲ್ಲಿ ರಶ್ಮಿಕಾ ಮಂದಣ್ಣ, ಪೂಜಾ ಹೆಗ್ಡೆ, ಕೃತಿ ಶೆಟ್ಟಿ, ಕೀರ್ತಿ ಸುರೇಶ್, ರಾಕುಲ್ ಪ್ರೀತ್ ಸಿಂಗ್ ಮುಂತಾದವರ ಹೆಸರುಗಳೇ ಕಂಡುಬರುತ್ತವೆ. ತಮನ್ನಾಗೆ ಒಂದರ್ಥದಲ್ಲಿ ಮುಂಚಿಗಿಂತ ಬೇಡಿಕೆ ಕಡಿಮೆಯಾದರೂ, ಅವಕಾಶಗಳು ಮಾತ್ರ ಕಡಿಮೆಯಾಗಿಲ್ಲ. ಅದರಲ್ಲೂ ಸೀನಿಯರ್ ನಟರ ಚಿತ್ರಗಳೆಂದರೆ, ನಿರ್ಮಾಪಕರು ಮೊದಲು ಬುಕ್ ಮಾಡುವುದು ತಮನ್ನಾ ಅವರನ್ನು. ಏಕೆಂದರೆ, ಚಿರಂಜೀವಿ, ನಾಗಾರ್ಜುನ, ವೆಂಕಟೇಶ್ ಮುಂತಾದ 60 ಪ್ಲಸ್ ನಟರಿಗೆ ಸದ್ಯಕ್ಕೆ ನಾಯಕಿಯರು ಸಿಗುತ್ತಿಲ್ಲ.
