ರಾಗಿಣಿ ದ್ವಿವೇದಿ ಅವರಿಗೆ ಮಂಗಳವಾರ (ಮೇ 24) 32ನೇ ಹುಟ್ಟುಹಬ್ಬದ ಸಂಭ್ರಮ. ಹೀಗಾಗಿ, ‘ಸಾರಿ’ ಚಿತ್ರತಂಡವು ಮೋಷನ್ ಪೋಸ್ಟರ್ ಬಿಡುಗಡೆ ಮಾಡುವ ಮೂಲಕ ತಮ್ಮ ಚಿತ್ರದ ನಾಯಕಿಯ ಹುಟ್ಟುಹಬ್ಬವನ್ನು ಆಚರಿಸಿತು. ಬಳಿಕ ಮಾತನಾಡಿದ ರಾಗಿಣಿ, ‘ಚಿತ್ರರಂಗದಲ್ಲಿ 11 ವರ್ಷ ಪೂರೈಸಿದ್ದೇನೆ. ಹಲವು ರೀತಿಯ ಸಿನಿಮಾಗಳು, ಪಾತ್ರಗಳು, ಹಾಡುಗಳನ್ನು ಮಾಡಿದ್ದೇನೆ. ಒಂದೇ ದಾರಿಯಲ್ಲಿ ಹೋಗಬೇಕು ಎಂಬುದು ನನಗೆ ಇಷ್ಟವಿಲ್ಲ. ಹೀಗಾಗಿಯೇ ‘ಸಾರಿ’ ಒಪ್ಪಿಕೊಂಡೆ. ಇದು ಒಂದು ಜಾನರ್ಗೆ ಸೇರದೇ ಆಕ್ಷನ್, ಸಸ್ಪೆನ್ಸ್, ಕ್ರೌರ್ಯ, ಎಮೋಷನ್ಸ್, ಅಲೌಕಿಕ ಅಂಶಗಳು ಇರುವ ಬಹುಜಾನರ್ಗಳ ಸಿನಿಮಾ’ ಎಂದು ಚಿತ್ರದ ಬಗ್ಗೆ ಮಾಹಿತಿ ಹಂಚಿಕೊಂಡರು.
